ਸੋਚ
ਮੇਰੇ ਲਈ ਤੂੰ ਵੀ ਹੋਰਾਂ ਵਰਗਾ ਏਂ
ਤੇਰੇ ਵਾਂਗ ਮੈਂ ਕੋਈ ਯੱਖ ਨਹੀਂ ਸੀ
ਜਿੰਨ੍ਹਾਂ ਦੀ ਸੋਚ ਵਿੱਚ ਜਾ ਸ਼ਾਮਿਲ ਹੋਇਆ
ਤੂੰ ਕੋਈ ਉਹਨਾਂ ਨਾਲੋਂ ਵੱਖ ਨਹੀਂ ਸੀ
ਵਾਅਦੇ ਕਰਕੇ ਅੰਬਰ ਜਿੱਡੇ
ਮਜ਼ਹਬ ਦੀਆਂ ਰਾਖਾਂ 'ਚ ਘੁਲ ਗਿਆ
ਇਸ਼ਕ ਸਦਾ ਆਬਾਦ ਰਹਿੰਦਾ
ਉਹ ਨਹੀਂ ਜੋ ਪਲਾਂ 'ਚ ਭੁੱਲ ਗਿਆ
ਅਸੀਂ ਘੋਲਿਆ ਤੈਨੂੰ ਸਾਹਾਂ 'ਚ
ਜ਼ਰਾ ਵੀ ਕੀਤਾ ਸ਼ੱਕ ਨਹੀਂ ਸੀ।
ਜਿਨ੍ਹਾਂ ਦੀ ਸੋਚ ਵਿੱਚ ਜਾ ਸ਼ਾਮਲ ਹੋਇਆ
ਤੂੰ ਕੋਈ ਉਹਨਾਂ ਨਾਲੋਂ ਵੱਖ ਨਹੀਂ ਸੀ
ਸਾਨੂੰ ਦਬੋਚਿਆ ਤੇਰੇ ਖ਼ਿਆਲਾਂ ਨੇ
ਜਿਵੇਂ ਪੈਰ ਦਬੋਚਣ ਫੁੱਲਾਂ ਨੂੰ
ਅਸਾਂ ਹਾਂ ਵਿੱਚ ਤੇਰੀ ਹਾਂ ਕਹੀ
ਨਾਜਾਇਜ਼ ਵਰਤੀਆਂ ਖੁੱਲ੍ਹਾਂ ਤੂੰ
ਜਿੰਨਾਂ ਆਪਾ ਤੈਨੂੰ ਸੌਂਪਿਆ ਮੈਂ
ਇੰਨਾਂ ਦਿੱਤਾ ਕਿਸੇ ਨੂੰ ਹੱਕ ਨਹੀਂ ਸੀ
ਜਿੰਨ੍ਹਾਂ ਦੀ ਸੋਚ ਵਿੱਚ ਜਾ ਸ਼ਾਮਿਲ ਹੋਇਆ
ਤੂੰ ਕੋਈ ਉਹਨਾਂ ਨਾਲੋਂ ਵੱਖ ਨਹੀਂ ਸੀ
