ਦੁਆਵਾਂ
ਜਿੱਥੇ ਹੋਣ ਪਿਆਰ ਦੇ ਫੁੱਲ ਖਿਲਦੇ,
ਉਹ ਰਾਹਾਂ ਸਾਡੇ ਲਈ ਨਈਂ ਬਣੀਆਂ।
ਜਿਨ੍ਹਾਂ ਸਾਹਾਂ ਵਿੱਚ ਜਾ ਸਾਹ ਘੁਲ ਜੋ,
ਉਹ ਸਾਹਾਂ ਸਾਡੇ ਲਈ ਨਈਂ ਬਣੀਆਂ!
ਜਿਨ੍ਹਾਂ ਅੱਖਾਂ 'ਚ ਦਿਸੇ ਤਸਵੀਰ ਮੇਰੀ,
ਉਹ ਨਿਗਾਹਾਂ ਸਾਡੇ ਲਈ ਨਈ ਬਣੀਆਂ!
ਮੇਰੇ ਨਾਮ ਦਾ ਚੂੜਾ ਪਾਵੇ ਜੋ,
ਉਹ ਬਾਹਵਾਂ ਸਾਡੇ ਲਈ ਨਈਂ ਬਣੀਆਂ!
ਕੱਲ੍ਹ ਸਾਡਾ ਸੀ ਅੱਜ ਗੈਰਾਂ ਦਾ,
ਇਸ਼ਕ ਹਵਾਵਾਂ ਸਾਡੇ ਲਈ ਨਈਂ ਬਣੀਆਂ!
ਜਾ ਸੱਜਣਾ ਤੇਰੀ ਖ਼ੈਰ ਹੋਵੇ,
ਲਿਖ ਅਰਦਾਸਾਂ ਤੇਰੇ ਲਈ ਮੈਂ ਕਰੀਆਂ!
ਪਾਗਲ ਸ਼ਾਇਰ ਨੂੰ ਬਦ-ਦੁਆ ਦੇ ਦਿਉ,
ਇਹ ਦੁਆਵਾਂ ਸਾਡੇ ਲਈ ਨਈ ਬਣੀਆਂ!
