ਉਹ ਸ਼ਖ਼ਸ
ਕਦੇ ਕਿਸੇ ਨੂੰ ਦਿਲ 'ਤੇ ਇਨਾਂ ਨਾ ਲਗਾਓ,
ਕਿ ਉਹ ਸ਼ਖਸ ਤੁਹਾਡੇ ਹਾਸਿਆਂ ਨੂੰ ਲੱਗਜੇ!
ਕਦੇ ਵੀ ਕਿਸੇ ਨੂੰ ਰੂਹ ਤੱਕ ਨਾ ਲੈ ਜਾਓ,
ਕਿ ਉਹ ਖਾਣ ਅੰਦਰਲੇ ਪਾਸਿਆਂ ਨੂੰ ਲੱਗਜੇ!
ਕਦੇ ਵੀ ਕਿਸੇ ਨੂੰ ਸਾਹਾਂ ਦੇ ਘਰ ਨਾ ਬਿਠਾਓ,
ਕਿ ਉਹ ਸਿਉਂਕ ਬਣ ਦਰਵਾਜ਼ਿਆਂ ਨੂੰ ਲੱਗਜੇ।
ਕਦੇ ਵੀ ਕਿਸੇ ਨੂੰ ਇੰਨੀ ਖੁੱਲ ਨਾ ਦਵਾਓ,
ਕਿ ਉਹ ਖੋਹਣ ਤੇਰੇ ਧਰਵਾਸਿਆਂ ਨੂੰ ਲੱਗਜੇ!
ਕਦੇ ਕਿਸੇ ਪਿੰਜਰੇ 'ਚ ਇੰਨਾ ਨਾ ਬੈਠੀ,
ਕਿ ਉਹ ਕੈਦ ਕਰਨ ਅਜ਼ਾਦਗੀ ਨੂੰ ਲੱਗਜੇ!
ਕਦੇ ਵੀ ਕਿਸੇ ਨੂੰ ਇੰਨਾ ਨਾ ਅਪਣਾਓ,
ਕਿ ਉਹ ਬੇਸ਼ਰਮ ਬਣ ਸਾਦਗੀ ਨੂੰ ਲੱਗਜੇ।
ਕਦੇ ਕਿਸੇ ਨੂੰ ਪਿਆਰ ਇੰਨਾ ਨਾ ਜਤਾਓ,
ਕਿ ਉਹ ਹੌਲ ਪਣ ਜਿਹਰੇ ਨੂੰ ਲੱਗਜੇ!
ਕਦੇ ਕਿਸੇ ਨੂੰ ਹਨੇਰੇ ਇੰਨਾਂ ਨਾ ਯਾਦ ਕਰੀਂ,
ਕਿ ਉਹ ਰੋਗ ਬਣ ਸਵੇਰੇ ਨੂੰ ਲੱਗਜੇ।
