ਹਮਦਰਦ ਬਣ ਜਾਵੀਂ, ਕਿਸੇ ਦਾ ਦਰਦ ਨਾ ਬਣਜੀ।
ਚਾਹੇਂ ਤਾਂ ਸਕੂਨ ਬਣ ਜਾਵੀਂ, ਕਿਸੇ ਦੀ ਤੜਪ ਨਾ ਬਣਜੀ!
ਕਿਸੇ ਦਾ ਕਰਦਾ ਜੇ ਕੋਈ ਪਾਕੀਜ਼ਾ ਤੇ ਸੁੱਚੇ ਦਿਲ ਤੋਂ,
ਰੱਬਾ ਅਗਲੇ ਦੇ ਦਿਲ ਅੰਦਰ ਵੀ, ਫੇ ਬੇਈਮਾਨੀ ਨਾ ਦੇਵੀਂ!
ਅਰਮਾਨਾਂ ਦੇ ਦਰਵਾਜ਼ੇ ਨੂੰ, ਭੇੜ ਕੇ ਕੁੰਡਾ ਨਾ ਲਾਵੀਂ,
ਇੱਥੋਂ ਤੱਕ ਚੱਲ ਕੇ ਆਏ ਆਂ, ਬੂਹੇ ਨੂੰ ਜਿੰਦਾ ਨਾ ਲਾਵੀਂ।
ਜੇ ਦੇਣਾ ਨਈਂ ਨਫ਼ਾ ਰੱਤਾ ਵੀ, ਤੂੰ ਸਾਡੇ ਅਹਿਸਾਸਾਂ ਨੂੰ,
ਤਾਂ ਫਿਰ ਸਾਡੇ ਜਜ਼ਬਾਤਾਂ ਨੂੰ ਵੀ, ਕੋਈ ਹਾਨੀ ਨਾ ਦੇਵੀਂ!
ਇਹੇ ਜੋ ਬੰਨ੍ਹ ਹੰਝੂਆਂ ਨੂੰ ਸਬਰ ਦਾ ਮਾਰਿਆ ਖੁੱਲ੍ਹ ਜੇ,
ਮਹਿਫ਼ਿਲ ਵਿੱਚ ਬੈਠਿਆਂ ਦੀ, ਕਿਸੇ ਦੀ ਅੱਖ ਜੇ ਡੁੱਲ੍ਹ ਜੇ।
ਰੱਖ ਲਈ ਲਾਜ ਤੂੰ ਉਸਦੀ, ਕਿ ਉਸਦਾ ਮਜ਼ਾਕ ਨਾ ਬਣਜੇ,
ਸਾਰੇ ਹਿੰਮਤ ਤੇ ਮੋਢਾ ਦੇਣ, ਤੇ ਪੀਣ ਲਈ ਪਾਣੀ ਵੀ ਦੇਵੀਂ!
