ਮਰਿਆ ਮਰਿਆ
ਬਹਾਰਾਂ ਵਿੱਚ ਮੈਂ ਝੜਿਆ ਝੜਿਆ ਰਹਿੰਦਾ ਵਾਂ,
ਤੇਰੇ ਖਾਬਾਂ ਦੀ ਸੂਲੀ ਚੜ੍ਹਿਆ ਚੜ੍ਹਿਆ ਰਹਿੰਦਾ ਵਾਂ!
ਚੱਲਦੇ ਸਮੇਂ ਵਿੱਚ ਖੜਿਆ ਖੜਿਆ ਰਹਿੰਦਾ ਵਾਂ,
ਜਿਉਂਦੀ ਦੁਨੀਆਂ ਵਿੱਚ ਮਰਿਆ ਮਰਿਆ ਰਹਿੰਦਾ ਵਾਂ!
ਜ਼ਿਆਦਾ ਬਣਨ ਲੱਗ ਪਈ ਰਾਤਾਂ ਨਾਲ ਮੇਰੀ,
ਕੀ ਕਰਾਂ, ਸਵੇਰਿਆਂ ਨਾਲ ਜੋ ਲੜਿਆ ਲੜਿਆ ਰਹਿੰਦਾ ਵਾ!
ਆਖਰੀ ਵਾਰ ਤਾਂ ਤੇਰੇ ਨਾਲ ਖੁੱਲ੍ਹ ਕੇ ਹੱਸਿਆ ਸਾਂ,
ਹੋਰਾਂ ਵਿੱਚ ਬਹਿਕੇ ਤਾਂ ਮੈਂ ਸੜਿਆ ਸੜਿਆ ਰਹਿੰਦਾ ਵਾਂ!
ਬਹਾਰਾਂ ਵਿੱਚ ਮੈਂ ਝੜਿਆ ਝੜਿਆ ਰਹਿੰਦਾ ਵਾਂ,
ਤੇਰੇ ਖਾਬਾਂ ਦੀ ਸੂਲੀ ਚੜਿਆ ਚੜਿਆ ਰਹਿੰਦਾ ਵਾਂ!
