ਜੁਰਮ ਹੈ

ਬਿਨ ਦੱਸੇ ਕਿਸੇ ਆਪਣੇ ਤੋਂ ਹੋਣਾ ਸੱਖਣਾ ਵੀ ਤਾਂ ਜੁਰਮ ਹੈ

ਯਾਰ ਬਣਾ ਕੇ ਤੇ ਮਿੰਟ ਪੰਜ ਨਾ ਕੱਢਣਾ ਵੀ ਤਾਂ ਜੁਰਮ ਹੈ

ਮਾਰਦੇ ਬੰਨ੍ਹ ਦਿਲ 'ਚ ਵਹਿੰਦੇ ਇਸ਼ਕ ਦੇ ਸਾਗਰਾਂ ਨੂੰ

ਕਿਸੇ ਨੂੰ ਜ਼ਬਰਦਸਤੀ ਜ਼ਿੰਦਗੀ 'ਚ ਰੱਖਣਾ ਵੀ ਤਾਂ ਜੁਰਮ ਹੈ

 

ਜਿਸ ਨੇ ਆਵਾਜ਼ ਨਾ ਸੁਣੀ ਉਸਤੇ ਲਫ਼ਜ਼ ਕੀ ਅਸਰ ਕਰਨਗੇ

ਜੋ ਖ਼ੁਦ ਉਲਝੇ ਫਿਰਦੇ ਨੇ ਉਹ ਤੈਨੂੰ ਕੀ ਵਸਲ ਕਰਨਗੇ

ਬੜਾ ਔਖਾ ਹੋ ਮਨ ਸਮਝਾ ਕੇ ਸੁੱਤਾ ਏਂ ਕੰਵਲਾ

ਫਿਰ ਤੋਂ ਨਾ ਆਸ ਜਗਾਲੀਂ ਕਿ ਉਹ ਤੇਰੇ ਵੱਲ ਨਜ਼ਰ ਕਰਨਗੇ

 

ਤੈਨੂੰ ਚਾਹੁਣ ਲਈ ਜੋ ਹਰ ਹੱਦ ਟੱਪੇ ਤਾਂ ਕਿਆ ਹੀ ਬਾਤ ਹੋਵੇ

ਤੈਨੂੰ ਪੌਣ ਲਈ ਦੁਨੀਆਂ ਦਾ ਹੱਥ ਛੱਡੇ ਤਾਂ ਕਿਆ ਹੀ ਬਾਤ ਹੋਵੇ

ਰੁਝੇਵੇਂ ਤਾਂ ਹਰ ਇੱਕ ਦੀ ਜ਼ਿੰਦਗੀ 'ਚ ਹੁੰਦੇ ਨੇ ਕੰਵਲਾ

ਪਰ ਜੋ ਵਕਤ 'ਚੋਂ ਤੇਰੇ ਲਈ ਵਕਤ ਕੱਢੇ ਤਾਂ ਕਿਆ ਹੀ ਬਾਤ ਹੋਵੇ