ਯਾਦ ਕਰੀਂ
ਕਦੇ ਯਾਦ ਆਵੇ ਤਾਂ ਯਾਦ ਕਰੀਂ
ਕਦੇ ਭੁੱਲ ਭੁਲੇਖੇ ਵੀ ਯਾਦ ਕਰੀਂ
ਕਦੇ ਮੁਸੀਬਤ ਆਵੇ ਤਾਂ ਯਾਦ ਕਰੀਂ
ਕਦੇ ਕੋਈ ਸਤਾਵੇ ਤਾਂ ਯਾਦ ਕਰੀਂ
ਕਦੇ ਹੱਸਣਾ ਚਾਵੇਂ ਤਾਂ ਯਾਦ ਕਰੀਂ
ਕਦੇ ਮੋਢਾ ਚਾਵੇਂ ਤਾਂ ਯਾਦ ਕਰੀਂ
ਕਦੇ ਮਿਲਨਾ ਚਾਵੇਂ ਤਾਂ ਯਾਦ ਕਰੀਂ
ਕਦੇ ਮੁੜਨਾ ਚਾਵੇਂ ਤਾਂ ਯਾਦ ਕਰੀਂ
ਐਵੇਂ ਨਾ ਰਾਤੀਂ ਯਾਦ ਕਰਨਾ
ਜੇ ਕਰਨਾ ਪਲ-ਪਲ ਬਾਦ ਕਰੀਂ
ਕਦੇ ਡੋਲਿਆ ਕਿਧਰੇ ਯਾਦ ਕਰੀਂ
ਬੀਤਿਆ ਸਮਾਂ ਵੀ ਯਾਦ ਕਰੀਂ
ਜੋ ਕਰਿਆ ਆਪਣਿਆਂ ਯਾਦ ਕਰੀਂ
ਤੂੰ ਸਭ ਦਾ ਬਣਿਆ ਯਾਦ ਰੱਖੀਂ
ਕੋਈ ਨਾਲ ਨੀ ਖੜਿਆ ਯਾਦ ਕਰੀਂ
ਚੱਲ ਛੱਡ ਕਰਨਾ ਤਾਂ ਕਰ ਲਵੀਂ
ਜੇ ਨਈਂ ਕਰਨਾ ਤਾਂ ਨਾ ਕਰੀਂ
ਇੰਨੇ ਮਾੜੇ ਨੀ ਜੋ ਯਾਦ ਨਾ ਆਈਏ
ਜੇ ਆਏ ਤਾਂ ਸੋਚਾਂ 'ਚੋਂ ਬਾਹਰ ਨਾ ਕਰੀਂ
ਬੁਰਿਆ 'ਚੋਂ ਨਿਕਲ ਕੇ ਬਾਹਰ ਕਦੇ
ਚੰਗੇ ਲੱਭਣਾ ਚਾਵੇਂ ਤਾਂ ਯਾਦ ਕਰੀਂ
ਸਾਡੇ ਪੈਰ ਅਜੇ ਵੀ ਉੱਥੇ ਈ ਨੇ
ਜਿੱਥੇ ਛੱਡਿਆ ਸੀ ਤੂੰ ਯਾਦ ਕਰੀਂ
