ਹੰਝੂ

ਜਿੰਨੀ ਗੁਜ਼ਰੀ ਕਾਫ਼ੀ ਨਈਂ

ਵੱਖ ਹੋਣ ਦੀ ਮਾਫ਼ੀ ਨਈਂ

ਉਹ ਦੇਖ ਮੇਰੇ ਹੰਝੂ ਡੁੱਲ੍ਹ-ਡੁੱਲ੍ਹ ਜਾਂਦੇ ਨੇ

ਕੋਈ ਦਰਿਆ 'ਝਨਾਬ' ਜਾਂ 'ਰਾਵੀ' ਨਈਂ

 

ਆਖੇ ਹੋਰ ਮੁਹੱਬਤ ਨਾ ਕਰ ਸਾਨੂੰ

ਜ਼ਿੰਦਗੀ 'ਚੋਂ ਦਫ਼ਾ ਕਰ ਸਾਨੂੰ

ਤਾਲੇ ਮਾਰੇ ਉਨ੍ਹਾਂ ਆਵਾਜ਼ਾਂ ਉੱਤੇ

ਜ਼ੁਬਾਨ 'ਤੇ ਜ਼ਿਕਰ ਜ਼ਰਾ ਵੀ ਨਈਂ

 

ਨਜ਼ਰਾਂ ਵੇਖ ਅਸਾਂ ਨੂੰ ਝੁਕ ਗਈਆਂ

ਸਾਡੀ ਅੱਖ ਤੋਂ ਨੀਂਦਰਾਂ ਛੁਪ ਗਈਆਂ

ਅਸੀਂ ਤੱਕਦੇ ਤੁਸਾਂ ਨੂੰ ਰਹਿ ਗਏ

ਤੁਸਾਂ ਦਿੱਤਾ ਮਾਸਾ ਭਾਅ ਵੀ ਨਈਂ

 

ਤੁਸਾਂ ਛੱਡਿਆ ਵੱਡੇ ਦਾਅਵੇ ਕਰਕੇ

ਭੱਜੇ ਤਾਰਿਆਂ ਜਿੱਡੇ ਵਾਅਦੇ ਕਰਕੇ

ਅਸੀਂ ਮਰਦੇ ਤੇਰੇ ਵੱਲ ਵੇਂਹਦੇ ਰਹੇ

ਤੁਸਾਂ ਦਿੱਤਾ ਉਧਾਰਾ ਸਾਹ ਵੀ ਨਈਂ

 

ਸੁਭਾ ਸ਼ਾਮ ਰਾਤ ਦੁਪਹਿਰ

ਆਵੇ ਤੇਰੀ ਯਾਦ ਦੀ ਲਹਿਰ

ਖੁਦਾ ਦੀ ਥਾਂ ਸਜਦਾ ਕੀਤਾ

ਤੈਨੂੰ ਚੇਤਾ ਅਸਾਡਾ ਨਾਂ ਵੀ ਨਈਂ

 

ਮੁੱਕਦੀ ਜਾਂਦੀ ਉਮਰ ਸਿਆਣੀ

ਲੈ ਹੀ ਬੈਠੀ ਤੇਰੀ ਸੋਚ ਨਿਆਣੀ

ਚਿੜੀਆਂ ਚੋਗਾ ਚੁਗਦੀਆਂ ਨਾ

ਤੇ ਕੋਠੇ ਆਉਂਦਾ ਕੋਈ ਕਾਂ ਵੀ ਨਈਂ