ਆਖਰੀ ਮੁਲਾਕਾਤ
ਵੱਧ ਜਾਂਦੀ ਏ ਧੜਕਨ ਤੇ ਔਖੇ-ਔਖੇ ਸਾਹ ਹੋ ਜਾਂਦੇ,
ਜਦ ਵੀ ਪੈਰ ਮੇਰੇ ਓਹਦੇ ਪਿੰਡ ਦੇ ਰਾਹ ਹੋ ਜਾਂਦੇ।
ਓਹਦੇ ਨਾਲ ਜੋ ਲੰਘਿਆ ਸਮਾਂ ਬਹੁਤ ਸੋਹਣਾ ਸੀ,
ਜਿੰਨੇ ਪਲ ਉਹਦੇ ਨਾਲ ਸੀ ਕਾਸ਼! ਓਨੇ ਮੇਰੇ ਸਾਹ ਹੋ ਜਾਂਦੇ।
ਅੱਜ ਵੀ ਉਹਦਾ ਨਾਮ ਲੋਕ ਮੇਰੇ ਨਾਲ ਜੋੜਦੇ ਨੇ,
ਕਿੰਨਾਂ ਚੰਗਾ ਹੁੰਦਾ ਜੇ ਅਸੀਂ ਵੀ ਓਹਦੇ ਨਾਂ ਹੋ ਜਾਂਦੇ।
ਸਾਡੀ ਆਖਰੀ ਮੁਲਾਕਾਤ ਅਧੂਰੀ ਸੀ, ਗਿਲੇ ਸ਼ਿਕਵੇ,
ਤੇ ਵਰਦੀ ਬਰਸਾਤ ਦੇ ਨਾਲ ਦੋ-ਦੋ ਕੱਪ ਚਾਹ ਹੋ ਜਾਂਦੇ।
ਅਰਮਾਨ ਮੱਚਦੇ ਰਹਿੰਦੇ ਹਾਂ ਜੋ ਉਹਦੇ ਜਾਣ ਦੇ ਬਾਅਦ,
ਕਈ ਵਾਰ ਸੋਚਾਂ ਕਿੰਨਾ ਚੰਗਾ ਹੁੰਦਾ ਜੇ ਸਵਾਹ ਹੋ ਜਾਂਦੇ।
