ਮੈਨੂੰ ਰੈਸਪੀਰੇਟਰ 'ਤੇ ਰੱਖਿਆ ਗਿਆ। ਡਾਕਟਰਾਂ ਨੇ ਕਿਹਾ ਕਿ ਡਾਇਫ੍ਰਾਮ ਨਸ਼ਟ ਹੋ ਜਾਣ ਕਾਰਣ ਮੈਂ ਦੁਬਾਰਾ ਸਾਹ ਨਹੀਂ ਲੈ ਪਾਵਾਂਗਾ। ਲੇਕਿਨ ਇਕ ਨਿੱਕੀ ਜਿਹੀ ਅਵਾਜ ਮੈਨੂੰ ਵਾਰ-ਵਾਰ ਕਹਿੰਦੀ ਰਹੀ, “ਡੂੰਘੀ ਸਾਹ ਲਓ, ਡੂੰਘੇ ਸਾਹ ਲਓ।" ਤੇ ਆਖਿਰਕਾਰ ਮੇਰਾ ਰੈਸੀਪੀਰੇਟਰ ਹਟ ਗਿਆ। ਡਾਕਟਰਾਂ ਨੂੰ ਸਮਝ 'ਚ ਨਹੀਂ ਆਇਆ ਕਿ ਇੰਝ ਕਿਵੇਂ ਹੋ ਗਿਆ। ਮੈਂ ਆਪਣੇ ਦਿਮਾਗ 'ਚ ਇਹੋ ਜਿਹੀ ਕੋਈ ਵੀ ਚੀਜ਼ ਨਹੀਂ ਆਉਣ ਦੇ ਸਕਦਾ ਸੀ, ਜਿਹੜੀ ਮੈਨੂੰ ਆਪਣੇ ਟੀਚੇ ਜਾਂ ਸੁਫਨਿਆਂ ਤੋਂ ਵਿਚਲਤ ਕਰੇ।
ਮੈਂ ਕ੍ਰਿਸਮਸ ਵੇਲੇ ਹਸਪਤਾਲ ਤੋਂ ਚੱਲ ਕੇ ਬਾਹਰ ਨਿਕਲਣ ਦਾ ਟੀਚਾ ਬਣਾਇਆ ਸੀ। ਤੇ ਮੈਂ ਇਹ ਕੰਮ ਕਰ ਦਿਖਾਇਆ। ਮੈਂ ਆਪਣੇ ਦੋਨਾਂ ਪੈਰਾਂ 'ਤੇ ਚੱਲਕੇ ਹਸਪਤਾਲ ਤੋਂ ਬਾਹਰ ਆਇਆ, ਹਾਲਾਂਕਿ ਡਾਕਟਰਾਂ ਨੇ ਕਿਹਾ ਸੀ ਕਿ ਇਹ ਸੰਭਵ ਨਹੀਂ ਹੈ। ਮੈਂ ਉਸ ਦਿਨ ਨੂੰ ਕਦੇ ਭੁੱਲ ਨਹੀਂ ਪਾਵਾਂਗਾ।
ਜੇਕਰ ਤਕਲੀਫ ਭੋਗ ਰਹੇ ਲੋਕਾਂ ਨੂੰ ਸੁਨੇਹਾ ਦੇਣ ਲਈ ਮੈਨੂੰ ਆਪਣੀ ਜ਼ਿੰਦਗੀ ਦਾ ਸਾਰ ਦੱਸਣਾ ਹੋਵੇ, ਜੇਕਰ ਮੈਨੂੰ ਲੋਕਾਂ ਨੂੰ ਇਹ ਦੱਸਣਾ ਹੋਵੇ ਕਿ ਉਹ ਆਪਣੀ ਜ਼ਿੰਦਗੀ 'ਚ ਕੀ ਕਰ ਸਕਦੇ ਹਨ, ਤਾਂ ਮੈਂ ਇਸ ਨੂੰ ਸਾਰ ਵਿਚ ਦਸ ਸ਼ਬਦਾਂ ਰਾਹੀਂ ਦੱਸ ਸਕਦਾ ਹਾਂ, "ਇਨਸਾਨ ਉਹ ਬਣ ਜਾਂਦਾ ਹੈ, ਜਿਸ ਬਾਰੇ ਉਹ ਸੋਚਦਾ ਹੈ।"
ਮਾਰਿਸ ਗੁਡਮੈਨ ਨੂੰ ਚਮਕਤਾਰੀ ਵਿਅਕਤੀ ਮੰਨਿਆ ਜਾਂਦਾ ਹੈ। ਉਨ੍ਹਾਂ ਦੀ ਕਹਾਣੀ ਨੂੰ ਦ ਸੀਕ੍ਰਿਟ ਵਿਚ ਇਸਲਈ ਸ਼ਾਮਿਲ ਕੀਤਾ ਗਿਆ, ਕਿਉਂਕਿ ਇਹ ਇਨਸਾਨ ਦੇ ਮਸਤਿਸ਼ਕ ਦੀ ਅਸੀਮਤ ਸ਼ਕਤੀ ਤੇ ਸੰਭਾਵਨਾ ਨੂੰ ਦਰਸਾਉਂਦੀ ਹੈ। ਮਾਰਿਸ ਜਾਣਦੇ ਸਨ ਕਿ ਉਹ ਜਿਸ ਵੀ ਚੀਜ ਬਾਰੇ ਸੋਚਣਗੇ, ਉਨ੍ਹਾਂ ਦੀ ਅੰਦਰੂਨੀ ਸਕਤੀ ਉਸ ਨੂੰ ਉਤਪੰਨ ਕਰ ਦੇਵੇਗੀ। ਹਰ ਚੀਜ ਸੰਭਵ ਹੈ। ਮਾਰਿਸ ਗੁਡਮੈਨ ਦੀ ਕਹਾਣੀ ਨੇ ਹਜ਼ਾਰਾਂ ਲੋਕਾਂ ਨੂੰ ਉੱਤਮ ਸਿਹਤ ਬਾਰੇ ਸੋਚਣ, ਉਸਦੀ ਕਲਪਨਾ ਕਰਣ ਤੇ ਉਸ ਨੂੰ ਮਹਿਸੂਸ ਕਰਣ ਲਈ ਪ੍ਰੇਰਿਤ ਕੀਤਾ ਹੈ। ਉਨ੍ਹਾਂ ਨੇ ਆਪਣੀ ਜ਼ਿੰਦਗੀ ਦੀ ਸਭ ਤੋਂ ਵੱਡੀ ਮੁਸ਼ਕਿਲ ਨੂੰ ਸਭ ਤੋਂ ਵੱਡੇ ਤੋਹਫੇ 'ਚ ਤਬਦੀਲ ਕਰ ਲਿਆ।
ਦ ਸੀਕ੍ਰਿਟ ਫ਼ਿਲਮ ਰਿਲੀਜ ਹੋਣ ਤੋਂ ਬਾਅਦ ਸਾਡੇ ਕੋਲ ਚਮਤਕਾਰੀ ਕਹਾਣੀਆਂ ਦਾ ਹੜ੍ਹ ਹੀ ਆ ਗਿਆ, ਜਿਸ ਚ ਹਰ ਤਰਾਂ ਦੀਆਂ ਬੀਮਾਰੀਆਂ ਤੋਂ ਠੀਕ ਹੋ ਚੁੱਕੇ ਲੋਕਾਂ ਨੇ ਸਾਨੂੰ ਦੱਸਿਆ ਕਿ ਇਹ ਦ ਸੀਕ੍ਰਿਟ ਦੇਖਣ ਕਾਰਨ ਹੋਇਆ ਹੈ। ਜੇਕਰ ਤੁਹਾਨੂੰ ਯਕੀਨ ਹੈ, ਤਾਂ ਹਰ ਚੀਜ ਸੰਭਵ ਹੈ।
