ਰਹੱਸ ਸੰਖੇਪ
ਪਲਾਸੀਬੋ ਇਫੈਕਟ ਆਕਰਸ਼ਨ ਦੇ ਨਿਯਮ ਦੀ ਸਕ੍ਰਿਅਤਾ ਦਾ ਉਦਾਹਰਣ ਹੈ। ਜਦੋਂ ਕੋਈ ਰੋਗੀ ਸਚਮੁਚ ਯਕੀਨ ਕਰਦਾ ਹੈ ਕਿ ਖੰਡ ਦੀ ਗੋਲੀ ਅਸਲੀ ਦਵਾਈ ਹੈ, ਤਾਂ ਉਸ ਨੂੰ ਉਹੀ ਮਿਲਦਾ ਹੈ, ਜਿਸ 'ਤੇ ਉਹ ਯਕੀਨ ਕਰਦਾ ਹੈ ਤੇ ਉਸਦਾ ਇਲਾਜ ਹੋ ਜਾਂਦਾ ਹੈ।
'ਸੰਪੂਰਨ ਸਿਹਤ 'ਤੇ ਧਿਆਨ ਕੇਂਦ੍ਰਿਤ ਕਰਣਾ" ਇਕ ਇਹੋ ਜਿਹੀ ਚੀਜ਼ ਹੈ, ਜਿਹੜੀ ਅਸੀਂ ਸਾਰੇ ਆਪਣੇ ਅੰਦਰ ਕਰ ਸਕਦੇ ਹਾਂ, ਭਾਵੇਂ ਬਾਹਰ ਕੁੱਝ ਵੀ ਹੋ ਰਿਹਾ ਹੋਵੇ।
ਹੱਸੀ ਖੁਸ਼ੀ ਨੂੰ ਆਕਰਸ਼ਿਤ ਕਰਦੀ ਹੈ, ਨਕਾਰਤਮਕਤਾ ਨੂੰ ਨਸ਼ਟ ਕਰਦੀ ਹੈ ਤੇ ਚਮਤਕਾਰਕ ਇਲਾਜ ਵੱਲ ਲੈ ਜਾਂਦੀ ਹੈ।
ਬੀਮਾਰੀ ਸ਼ਰੀਰ 'ਚ ਇਸਲਈ ਉਤਪੰਨ ਹੁੰਦੀ ਹੈ, ਕਿਉਂਕਿ ਅਸੀਂ ਉਸ ਬਾਰੇ ਸੋਚਦੇ ਹਾਂ, ਉਸ ਬਾਰੇ ਗੱਲਾਂ ਕਰਦੇ ਹਾਂ ਤੇ ਉਸ 'ਤੇ ਲੋੜ ਤੋਂ ਵੱਧ ਧਿਆਨ ਦਿੰਦੇ ਹਾਂ। ਜੇਕਰ ਤੁਸੀਂ ਛੁਟਪੁਟ ਬੀਮਾਰ ਹੋ, ਤਾਂ ਇਸ ਬਾਰੇ ਗੱਲ ਨਾ ਕਰੋ - ਜਦੋਂ ਤਕ ਕਿ ਤੁਸੀਂ ਇਸ ਨੂੰ ਹੋਰ ਵਧਾਉਣਾ ਨਹੀਂ ਚਾਹੁੰਦੇ ਹੋਵੋ। ਜਦੋਂ ਤੁਸੀਂ ਲੋਕਾਂ ਦੀ ਬੀਮਾਰੀ ਦੇ ਵੇਰਵਿਆਂ ਨੂੰ ਸੁਣਦੇ ਹੋ, ਤਾਂ ਤੁਸੀਂ ਉਨ੍ਹਾਂ ਦੀਆਂ ਬੀਮਾਰੀ `ਚ ਆਪਣੀ ਊਰਜਾ ਜੋੜ ਦਿੰਦੇ ਹੋ। ਇਸਦੀ ਬਜਾਇ, ਗੱਲਬਾਤ ਚੰਗੀ ਚੀਜ਼ਾਂ ਵੱਲ ਮੋੜ ਦਿਓ ਤੇ ਉਨ੍ਹਾਂ ਨੂੰ ਸਿਹਤਮੰਦ ਤਸਵੀਰ ਦਿਖਾਉਣ ਲਈ ਪ੍ਰਬਲ ਵਿਚਾਰ ਪ੍ਰੇਸ਼ਿਤ ਕਰੋ।
ਬੁਢਾਪੇ ਦੀਆਂ ਧਾਰਨਾਵਾਂ ਸਾਡੇ ਮਸਤਿਸ਼ਕ 'ਚ ਹੁੰਦੀਆ ਹਨ, ਇਸਲਈ ਇਹੋ ਜਿਹੇ ਵਿਚਾਰਾਂ ਨੂੰ ਆਪਣੀ ਚੇਤਨਤਾ ਤੋਂ ਬਾਹਰ ਕੱਢ ਦਿਓ। ਆਦਰਸ਼ ਸਿਹਤ ਤੇ ਸਦੀਵੀ ਜੋਬਨ 'ਤੇ ਧਿਆਨ ਕੇਂਦ੍ਰਿਤ ਕਰੋ।
ਬੀਮਾਰੀਆਂ ਅਤੇ ਬੁਢਾਪੇ ਬਾਰੇ ਸਮਾਜ 'ਚ ਵਿਆਪਤ ਭਰਾਮਕ ਗੱਲਾਂ 'ਤੇ ਕੰਨ ਨਾ ਰੱਖੋ। ਨਕਾਰਾਤਮਕ ਸੁਨੇਹੇ ਨਾਲ ਤੁਹਾਡਾ ਭਲਾ ਨਹੀਂ ਹੋਵੇਗਾ।
