ਬ੍ਰਹਿਮੰਡ ਦਾ ਭੰਡਾਰ ਅਨੰਤ ਹੈ
ਡਾੱ. ਜੋ ਵਿਟਾਲ
ਮੈਨੂੰ ਹਰ ਵੇਲੇ ਲੋਕੀਂ ਇਹੀ ਸਵਾਲ ਪੁੱਛਦੇ ਹਨ ਕਿ ਜੇਕਰ ਹਰ ਵਿਅਕਤੀ ਰਹੱਸ ਦਾ ਪ੍ਰਯੋਗ ਕਰੇਗਾ ਤੇ ਸਾਰੇ ਲੋਕ ਬ੍ਰਹਿਮੰਡ ਨੂੰ ਕੈਟੇਲਾੱਗ ਮੰਨ ਲੈਣਗੇ, ਤਾਂ ਕੀ ਸਾਡਾ ਸਾਮਾਨ ਖ਼ਤਮ ਨਹੀਂ ਹੋ ਜਾਵੇਗਾ? ਕੀ ਹਰ ਵਿਅਕਤੀ ਇਸ ਵੱਲ ਦੌੜ ਕੇ ਬ੍ਰਹਿਮੰਡ ਦੇ ਬੈਂਕ ਨੂੰ ਦਿਵਾਲੀਆ ਨਹੀਂ ਕਰ ਦੇਵੇਗਾ?
ਮਾਇਕਲ ਬਰਨਾਰਡ ਬੇਕਵਿਥ
ਰਹੱਸ ਬਾਰੇ ਬਹੁਤੀ ਸੁੰਦਰ ਗੱਲ ਇਹ ਹੈ ਕਿ ਹਰ ਇਕ ਲਈ ਲੋੜ ਤੋਂ ਵੱਧ ਹੈ।
ਮਾਨਵਤਾ ਦੇ ਮਸਤਿਸ਼ਕ ਦੇ ਅੰਦਰ ਇਕ ਝੂਠ ਵਾਇਰਸ ਵਾਂਗ ਕੰਮ ਕਰਦਾ ਹੈ। ਤੇ ਉਹ ਝੂਠ ਇਹ ਹੈ, "ਇਸ ਦੁਨੀਆ 'ਚ ਸਾਰਿਆਂ ਲਈ ਲੋੜੀਂਦੀਆਂ ਚੀਜਾਂ ਨਹੀਂ ਹਨ। ਇਥੇ ਕਮੀ ਹੈ, ਸੀਮਾ ਹੈ ਤੇ ਲੋੜੀਂਦਾ ਨਹੀਂ ਹੈ।" ਇਹ ਝੂਠ ਲੋਕਾਂ ਨੂੰ ਡਰ, ਲਾਲਚ, ਕੰਜੂਸੀ ਦੀ ਜ਼ਿੰਦਗੀ ਜਿਊਣ ਲਈ ਪ੍ਰੇਰਿਤ ਕਰਦਾ ਹੈ। ਸਿੱਟਾ ਇਹ ਹੁੰਦਾ ਹੈ ਕਿ ਡਰ, ਲਾਲਚ, ਕੰਜੂਸੀ ਤੇ ਘਾਟ ਦੇ ਇਹ ਵਿਚਾਰ ਉਨ੍ਹਾਂ ਦੀਆਂ ਜ਼ਿੰਦਗੀ 'ਚ ਸਾਕਾਰ ਹੋ ਜਾਂਦੀਆਂ ਹਨ। ਇੰਝ ਲਗਦਾ ਹੈ ਜਿਵੇਂ ਦੁਨੀਆ ਨੇ ਮਾੜੇ ਸੁਫਨੇ ਦਿਖਾਉਣ ਵਾਲੀਆਂ ਗੋਲੀਆਂ ਲੈ ਲਈਆਂ ਹੋਣ।
ਸੱਚ ਤਾਂ ਇਹ ਹੈ ਕਿ ਦੁਨੀਆ 'ਚ ਸਾਰਿਆਂ ਲਈ ਲੋੜ ਤੋਂ ਜ਼ਿਆਦਾ ਚੰਗਿਆਈ ਹੈ। ਲੋੜ ਤੋਂ ਜ਼ਿਆਦਾ ਰਚਨਾਤਮਕ ਵਿਚਾਰ ਹਨ। ਲੋੜ ਤੋਂ ਜਿਆਦਾ ਸ਼ਕਤੀ ਹੈ। ਲੋੜ ਤੋਂ ਵਧ ਪ੍ਰੇਮ ਹੈ। ਲੋੜ ਤੋਂ ਜਿਆਦਾ ਖੁਸ਼ੀ ਹੈ। ਇਹ ਸਾਰਾ ਉਸ ਦੇ ਮਸਤਿਸ਼ਕ ’ਚ ਉਤਪੰਨ ਹੋ ਸਕਦਾ ਹੈ, ਜਿਹੜਾ ਆਪਣੀ ਅਸੀਮਤ ਪ੍ਰਕਿਰਤੀ ਬਾਰੇ ਚੇਤਨ ਰਹਿੰਦਾ ਹੈ।
ਦੁਨੀਆ 'ਚ ਸਾਰਿਆਂ ਲਈ ਬਥੇਰਾ ਨਾ ਹੋਣ ਦੇ ਵਿਚਾਰ ਉਦੋਂ ਉਤਪੰਨ ਹੁੰਦੇ ਹਨ, ਜਦੋਂ ਅਸੀਂ ਬਾਹਰਲੀਆਂ ਤਸਵੀਰਾਂ ਨੂੰ ਦੇਖਦੇ ਹਾਂ ਤੇ ਇਹ ਸੋਚਦੇ ਹਾਂ ਕਿ ਹਰ ਚੀਜ਼ ਬਾਹਰ ਤੋਂ ਆਉਂਦੀ ਹੈ। ਇੰਝ ਕਰਣ 'ਤੇ ਤੁਹਾਨੂੰ ਨਿਸ਼ਚਿਤ ਤੌਰ ਤੇ ਕਮੀ ਤੇ ਸੀਮਾ ਨਜ਼ਰ ਆਵੇਗੀ। ਲੇਕਿਨ ਹੁਣ ਤੁਸੀਂ ਜਾਣ ਚੁਕੇ ਹੋ ਕਿ ਕੋਈ ਚੀਜ਼ ਬਾਹਰ ਤੋਂ ਉਤਪੰਨ ਨਹੀਂ ਹੋ ਸਕਦੀ, ਹਰ ਚੀਜ਼ ਅੰਦਰੋਂ ਸੋਚਣ ਤੇ ਮਹਿਸੂਸ ਕਰਣ
