ਮਾਇਕਲ ਬਰਨਾਰਡ ਬੇਕਵਿਥ
ਆਕਰਸ਼ਨ ਦੇ ਨਿਯਮ ਬਾਰੇ ਤੇ ਸੁੰਦਰ ਗਲ ਇਹ ਹੈ ਕਿ ਤੁਸੀਂ ਜਿੱਥੇ ਹੋ, ਉਥੋਂ ਹੀ ਸ਼ੁਰੂ ਕਰ ਸਕਦੇ ਹੋ। ਤੁਸੀਂ ਇਸ ਵੇਲੇ “ਅਸਲ ਸੋਚ” ਨਾਲ ਸੋਚਣਾ ਸ਼ੁਰੂ ਕਰ ਸਕਦੇ ਹੋ ਤੇ ਆਪਣੇ ਅੰਦਰ ਸੁਮੇਲ ਤੇ ਖੁਸ਼ੀ ਦੀ ਭਾਵਨਾ ਉਤਪੰਨ ਕਰ ਸਕਦੇ ਹੋ। ਨਿਯਮ ਉਸੇ ਦੇ ਮੁਤਾਬਿਕ ਪ੍ਰਤਿਕਿਰਿਆ ਕਰਣ ਲਗੇਗਾ।
ਡਾੱ. ਜੋ ਵਿਟਾਲ
ਦੇਖੋ, ਤੁਹਾਡੇ ਮਨ 'ਚ ਕਈ ਧਾਰਨਾਵਾਂ ਹੋਣਗੀਆਂ, ਜਿਵੇਂ, "ਬ੍ਰਹਿਮੰਡ 'ਚ ਲੋੜ ਤੋਂ ਵੱਧ ਹੈ।“ ਜਾਂ ਤੁਹਾਡੇ ਮਨ 'ਚ ਇਹ ਵਿਸ਼ਵਾਸ ਹੋਵੇਗਾ ਕਿ, "ਮੈਂ ਬੁੱਢਾ ਨਹੀਂ ਹੋ ਰਿਹਾ ਹਾਂ, ਬਲਕਿ ਜਵਾਨ ਹੋ ਰਿਹਾ ਹਾਂ।" ਆਕਰਸ਼ਨ ਦੇ ਨਿਯਮ ਦਾ ਪ੍ਰਯੋਗ ਕਰਕੇ ਅਸੀਂ ਜਿਵੇਂ ਦਾ ਚਾਹੀਏ, ਬਣ ਸਕਦੇ ਹਾਂ।
ਮਾਇਕਲ ਬਰਨਾਰਡ ਬੇਕਵਿਥ
ਤੁਸੀਂ ਆਪਣੇ-ਆਪ ਨੂੰ ਗਲਤ ਖ਼ਾਨਦਾਨੀ ਵਿਰਾਸਤ, ਸਭਿਆਚਾਰਕ ਪਰੰਪਰਾਵਾਂ, ਸਮਾਜਿਕ ਧਾਰਨਾਵਾਂ ਤੋਂ ਮੁਕਤ ਕਰ ਸਕਦੇ ਹੋ ਤੇ ਇਹ ਸਾਬਿਤ ਕਰ ਸਕਦੇ ਹੋ ਕਿ ਤੁਹਾਡੀ ਆਂਤਰਿਕ ਸ਼ਕਤੀ ਸੰਸਾਰ ਦੀ ਸ਼ਕਤੀ ਤੋਂ ਜਿਆਦਾ ਵੱਡੀ ਹੈ।
ਡਾੱ. ਫ੍ਰੇਡ ਏਲਨ ਵੋਲਫ਼
ਹੋ ਸਕਦਾ ਹੈ ਤੁਸੀਂ ਸੋਚ ਰਹੇ ਹੋਵੋ, "ਇਹ ਬਹੁਤ ਚੰਗਾ ਲਗਦਾ ਹੈ, ਲੇਕਿਨ ਮੈਂ ਇਹ ਨਹੀਂ ਕਰ ਸਕਦਾ।" ਜਾਂ "ਮੇਰੀ ਪਤਨੀ ਮੈਨੂੰ ਇੰਝ ਨਹੀਂ ਕਰਣ ਦੇਵੇਗੀ!" ਜਾਂ "ਮੇਰਾ ਪਤੀ ਮੈਨੂੰ ਇਸ ਤਰ੍ਹਾਂ ਕਰਣ ਨਹੀਂ ਦੇਵੇਗਾ।" ਜਾਂ "ਇਹ ਕਰਣ ਲਈ ਮੇਰੇ ਕੋਲ ਕਾਫੀ ਪੈਸੇ ਨਹੀਂ ਹਨ।" ਜਾਂ "ਮੈਂ ਇਹ ਕਰਣ ਲਈ ਕਾਫੀ ਸ਼ਕਤੀਸ਼ਾਲੀ ਨਹੀਂ ਹਾਂ।" ਜਾਂ, "ਮੈਂ ਇਸ ਨੂੰ ਕਰਣ ਲਈ ਬਹੁਤਾ ਅਮੀਰ ਨਹੀਂ ਹਾਂ।" ਜਾਂ "ਮੈਂ ਨਹੀਂ ਹਾਂ, ਮੈਂ ਨਹੀਂ ਹਾਂ, ਮੈਂ ਨਹੀਂ ਹਾਂ ।"
"ਮੈਂ ਨਹੀਂ ਹਾਂ" ਦਾ ਹਰ ਵਾਕ ਇਕ ਰਚਨਾ ਹੈ।
