ਸਕਦੇ ਹੋ? ਤੁਸੀਂ ਇਸ ਪਲ ਨਾਲ ਕੀ ਕਰੋਗੇ? ਤੁਸੀਂ ਇਸ ਪਲ ਨਾਲ ਕਿਵੇਂ ਜਕੜੋਗੇ? ਕੋਈ ਦੂਜਾ ਤੁਹਾਡੇ ਡਾਂਸ ਉੱਤੇ ਡਾਂਸ ਨਹੀਂ ਕਰ ਸਕਦਾ, ਕਈ ਦੂਜਾ ਤੁਹਾਡਾ ਗਾਣਾ ਨਹੀਂ ਗਾ ਸਕਦਾ, ਕੋਈ ਦੂਜਾ ਤੁਹਾਡੀ ਕਹਾਣੀ ਨਹੀਂ ਲਿਖ ਸਕਦਾ। ਤੁਸੀਂ ਭਾਵੇਂ ਜੋ ਵੀ ਹੋ, ਤੁਸੀਂ ਚਾਹੇ ਜੋ ਕਰਦੇ ਹੋ, ਤੁਹਾਡਾ ਅਸਲ ਸਮਾਂ ਸ਼ੁਰੂ ਹੁੰਦਾ ਹੈ ਹੁਣ।

 

ਮਾਇਕਲ ਬਰਨਾਰਡ ਬੇਕਵਿਥ

ਮੈਂ ਯਕੀਨ ਕਰਦਾ ਹਾਂ ਕਿ ਤੁਸੀਂ ਮਹਾਨ ਹੋ, ਕਿ ਤੁਹਾਡੇ 'ਚ ਕੋਈ ਸ਼ਾਨਦਾਰ ਗੁਣ ਹਨ, ਭਲੇ ਹੀ ਤੁਹਾਡੀ ਜ਼ਿੰਦਗੀ 'ਚ ਹੁਣ ਤਕ ਜਿਹੜਾ ਕੁਝ ਵੀ ਹੋਇਆ ਹੋਵੇ, ਭਲੇ ਹੀ ਤੁਸੀਂ ਆਪਣੇ-ਆਪ ਨੂੰ ਕਿੰਨਾ ਵੀ ਜਵਾਨ ਜਾਂ ਬੁੱਢਾ ਸਮਝਦੇ ਹੋਵੇ। ਜਿਸ ਵੇਲੇ ਤੁਸੀਂ "ਸਹੀ ਤਰੀਕੇ ਨਾਲ ਸੋਚਣਾ" ਸ਼ੁਰੂ ਕਰੋਗੇ, ਦੁਨੀਆਂ ਤੋਂ ਵੀ ਜਿਆਦਾ ਵੱਡੀ ਆਂਤਰਿਕ ਸ਼ਕਤੀ ਤੁਹਾਡੇ ਅੰਦਰ ਪ੍ਰਗਟ ਹੋਣ ਲਗੇਗੀ। ਇਹ ਤੁਹਾਡੇ ਜੀਵਨ 'ਤੇ ਛਾ ਜਾਵੇਗੀ। ਇਹ ਤੁਹਾਨੂੰ ਭੋਜਨ ਦੇਵੇਗੀ। ਇਹ ਤੁਹਾਨੂੰ ਕਪੜੇ ਦੇਵੇਗੀ। ਇਹ ਤੁਹਾਨੂੰ ਮਾਰਗਦਰਸ਼ਨ ਦੇਵੇਗੀ, ਸੁਰੱਖਿਆ ਦੇਵੇਗੀ, ਦਿਸ਼ਾ ਵਖਾਵੇਗੀ, ਤੁਹਾਡੀ ਵਜੂਦ ਨੂੰ ਖੁਰਾਕ ਦੇਵੇਗੀ। ਬਸ਼ਰਤੇ ਤੁਸੀਂ ਇਸ ਨੂੰ ਇੰਝ ਕਰਣ ਦਿਓ। ਪੱਕੀ ਗਾਰੰਟੀ ਹੈ।

ਇਹ ਧਰਤੀ ਆਪਣੀ ਧੁਰੀ 'ਤੇ ਤੁਹਾਡੇ ਲਈ ਘੁੰਮਦੀ ਹੈ। ਸਮੁੰਦਰ 'ਚ ਜੁਆਰ-ਭਾਟਾ ਤੁਹਾਡੇ ਲਈ ਆਉਂਦਾ ਹੈ। ਪੰਖੇਰੂ ਤੁਹਾਡੇ ਲਈ ਗਾਉਂਦੇ ਹਨ। ਸੂਰਜ ਤੁਹਾਡੇ ਲਈ ਚੜ੍ਹਦਾ ਤੇ ਡੁੱਬਦਾ ਹੈ। ਤਾਰੇ ਤੁਹਾਡੇ ਲਈ ਝਿਲਮਿਲਾਉਂਦੇ ਹਨ। ਹਰ ਸੋਹਣੀ ਚੀਜ ਜਿਹੜੀ ਤੁਸੀਂ ਦੇਖਦੇ ਹੋ, ਹਰ ਅਦਭੁਤ ਚੀਜ ਜਿਸਦਾ ਤੁਸੀਂ ਅਨੁਭਵ ਕਰਦੇ ਹੋ, ਇੱਥੇ ਤੁਹਾਡੇ ਲਈ ਹੈ। ਚਾਰੇ ਪਾਸੇ ਨਜਰ ਪਾਓ। ਤੁਹਾਡੇ ਬਿਨਾ ਕਿਸੇ ਚੀਜ਼ ਦੀ ਕੋਈ ਹੋਂਦ ਨਹੀਂ ਹੈ। ਭਾਵੇਂ ਤੁਸੀਂ ਆਪਣੇ ਬਾਰੇ ਪਹਿਲਾਂ ਜੋ ਕੁੱਝ ਵੀ ਸੋਚਿਆ ਹੋਵੇ, ਹੁਣ ਤੁਸੀਂ ਹਕੀਕਤ ਜਾਣ ਚੁੱਕੇ ਹੋ ਕਿ ਤੁਸੀਂ ਸਚਮੁੱਚ ਕੌਣ ਹੋ। ਤੁਸੀਂ ਬ੍ਰਹਿਮੰਡ ਦੇ ਮਾਲਿਕ ਹੋ। ਤੁਸੀਂ ਸਾਮਰਾਜ ਦੇ ਵਾਰਿਸ ਹੋ। ਤੁਸੀਂ ਜੀਵਨ ਦੀ ਪੂਰਨਤਾ ਹੋ। ਅਤੇ ਤੁਸੀਂ ਆਪ ਰਹੱਸ ਜਾਣ ਚੁੱਕੇ ਹੋ।

ਹਮੇਸ਼ਾ ਖੁਸ਼ ਰਹੋ!

"ਇਹ ਰਹੱਸ ਉਨ੍ਹਾਂ ਸਾਰੀਆਂ ਚੀਜਾਂ ਦਾ ਜਵਾਬ ਹੈ, ਜਿਹੜੀਆਂ ਸਨ, ਹਨ ਤੇ ਹਮੇਸ਼ਾ ਰਹਿਣਗੀਆਂ।"

ਰਾੱਲਫ਼ ਵਾਲਡੋ ਇਮਰਸਨ