ਤਾਰੀਫ

ਤੱਕਦਾ ਚੰਨ ਤੇ ਚਮਕਣ ਤਾਰੇ,

ਲਿਖਣ ਲੱਗੀ ਜਦ ਓਹਦੇ ਬਾਰੇ,

ਰੱਬ ਜਿੱਡਾ ਕਰਦਾ ਮਾਣ ਮੇਰੇ ਤੇ

ਇਹਦੇ ਵਿੱਚ ਤਾਂ ਕੋਈ ਸ਼ੱਕ ਨਹੀਂ..

ਓਹੀ ਕੱਲਾ ਮਿਲਜੇ ਮੈਨੂੰ

ਚਾਹੀਦੇ ਹਜ਼ਾਰ ਜਾਂ ਲੱਖ ਨਹੀਂ,

ਗਲਤ ਰਾਹਾਂ ਵੱਲ ਜਾਣ ਨਹੀਂ ਦਿੰਦਾ

ਮੇਰੇ ਬਾਪੂ ਵਾਂਗੂ ਰੋਕੇ ਮੈਨੂੰ,

ਆਹ ਨੀਂ ਖਾਣਾ ਔਹ ਨੀਂ ਖਾਣਾ ਕਹਿ ਕੇ

ਮੇਰੀ ਬੇਬੇ ਵਾਂਗੂੰ ਟੋਕੇ ਮੈਨੂੰ,

ਉਂਝ ਤੇ ਹਰ ਰੰਗ ਜੱਚਦਾ ਓਹਨੂੰ

ਪਰ ਕਾਲੇ ਕੁੜਤੇ ਚ ਬਾਹਲਾ ਫੱਬਦਾ ਏ,

ਗੱਲਾਂ ਗੱਲਾਂ ਵਿੱਚ ਆਖ ਦਿੰਦਾ ਕਿ

ਤੇਰੇ ਸਿਰ ਤੇ ਦੁਪੱਟਾ ਸੋਹਣਾ ਲੱਗਦਾ ਏ,

ਸਾਵਲੇ ਜਿਹੇ ਰੰਗ ਦਾ ਆ

ਨਾ ਗੋਰਾ ਨਾ ਕਾਲਾ ਆ,

ਹੋਰ ਕੀ ਕਰਾਂ ਤਾਰੀਫ ਓਹਦੀ

ਮੁੱਕਦੀ ਗੱਲ ਮੇਰਾ ਮਾਹੀ ਇੱਜਤਾਂ ਆਲਾ ਆ..!!