ਕੱਚਾ ਨਾਂ

ਚਾਅ ਚੜਿਆ ਰਹਿੰਦਾ

ਸ਼ਹਿਰ ਤੇਰੇ ਦੀਆਂ ਧੂੜਾਂ ਦਾ

ਉਂਝ ਪਿੰਡ ਮੇਰੇ ਨਾਲ ਤਾਂ

ਹੋਰ ਵੀ ਕਈ ਗਰਾਂ ਲੱਗਦੇ ਆ,

ਤੇਰੀਆਂ ਨਿੱਕੀਆਂ ਨਿੱਕੀਆਂ ਸ਼ਿਕਾਇਤਾਂ ਤੇ

ਤੇਰੇ ਨਿੱਕੇ ਨਿੱਕੇ ਰੋਸੇ ਮੈਨੂੰ

ਮੇਰੇ ਹੱਸਣ ਦੀ ਵਜਾਹ ਲੱਗਦੇ ਆ ..

ਇੱਕ ਤੈਨੂੰ ਹੀ ਸੁਣਨਾ ਚੰਗਾ ਲੱਗਦਾ

ਬਾਕੀ ਸਾਰੇ ਝਮੇਲੇ ਮੈਨੂੰ

ਖਾਮਖਾਹ ਲੱਗਦੇ ਆ,

ਤੇਰੇ ਬਾਝੋਂ ਹੋਰ ਕੁਝ ਸੁੱਝਦਾ ਹੀ ਨਹੀਂ

ਸ਼ਾਇਦ ਤਾਂ ਲੱਗਦੇ ਆ ..

ਮੁਹੱਬਤ, ਚਾਹਤ ਤੇ ਇਬਾਦਤ

ਇਹ ਸਭ ਮੈਨੂੰ ਤੇਰੇ ਹੀ

ਕੱਚੇ ਨਾਂ ਲੱਗਦੇ ਆਂ... !!

ਤਸੀਰਾਂ

ਤਸਵੀਰਾਂ ਤੋਂ ਨਹੀਂ ਤਸੀਰਾਂ ਤੋਂ ਹੁੰਦੀ ਏ

ਕੁੜੀਆਂ ਦੀ ਪਹਿਚਾਣ

ਤੇਰੀ ਬੇਬੇ ਵੀ ਤਾਂ ਤੇਰੇ ਲਈ

ਸੋਹਣੀ ਦੀ ਥਾਂ ਸਿਆਣੀ ਕੁੜੀ ਲੱਭਦੀ ਏ ਨਾ ?