ਤੇਰੇ ਕਾਇਰ ਅਫ਼ਸਰ ਨੇ

ਕਿ ਮੈਂ ਇਸ ਰਾਜ ਦਾ

ਇੱਕ ਮਾਰਖੋਰਾ ਮਹਾਂ-ਦੁਸ਼ਮਣ ਹਾਂ

 

ਨਹੀਂ, ਮੈਂ ਤਾਂ ਦੁਸ਼ਮਣੀ ਦੀ

ਅਜੇ ਪੂਣੀ ਵੀ ਨਹੀਂ ਛੋਹੀ

ਅਜੇ ਤਾਂ ਹਾਰ ਜਾਂਦਾ ਹਾਂ

ਮੈਂ ਘਰ ਦੀਆਂ ਔਕੜਾਂ ਅੱਗੇ

ਅਜੇ ਮੈਂ ਅਮਲ ਦੇ ਟੋਏ

ਕਲਮ ਨਾ' ਪੂਰ ਲੈਨਾ ਹਾਂ

ਅਜੇ ਮੈਂ ਸੀਰੀਆਂ ਜੱਟਾ ਵਿਚਾਲੇ

ਲਰਜ਼ਦੀ ਕੜੀ ਹਾਂ

ਅਜੇ ਮੇਰੀ ਸੱਜੀ ਬਾਂਹ ਤੂੰ ਵੀ

ਮੇਰੇ ਤੋਂ ਓਪਰਾ ਫਿਰਦਾਂ।

 

ਅਜੇ ਮੈਂ ਉਸਤਰੇ ਨਾਈਆਂ ਦੇ

ਖੰਜਰ 'ਚ ਬਦਲਣੇ ਹਨ

ਅਜੇ ਰਾਜਾਂ ਦੀ ਕਾਂਡੀ 'ਤੇ

ਮੈਂ ਲਿਖਣੀ ਵਾਰ ਚੰਡੀ ਦੀ

ਚਮਕਦੇ ਨਾਅਰਿਆਂ ਨੂੰ ਜੰਮਣ ਵਾਲੀ ਕੁੱਖ ਦੇ ਅੰਦਰ

ਹੈ ਭਿੱਜ ਕੇ ਜ਼ਹਿਰ ਵਿੱਚ ਫਿਰਨੀ

ਅਜੇ ਤਾਂ ਆਰ ਮੋਚੀ ਦੀ।

 

ਤੇ ਉਸ ਸ਼ੈਤਾਨ ਦੇ ਝੰਡੇ ਤੋਂ ਉੱਚਾ

ਲਹਿਰਨਾ ਹਾਲੇ

ਬੁੜਕਦਾ ਬੁੱਕਦਾ ਹੋਇਆ

ਧੁੰਮੇ ਤਰਖਾਣ ਦਾ ਤੇਸਾ।

ਅਜੇ ਤਾਂ ਲਾਗੀਆਂ ਨੇ ਲਾਗ ਲੈਣੈ

ਜੁਬਲੀਆਂ ਦੇ ਵਿੱਚ-ਜੋ

ਆਇਆਂ ਗਿਆਂ ਦੇ ਜੂਠੇ

ਰਹੇ ਨੇ ਮਾਂਜਦੇ ਭਾਂਡੇ

ਅਜੇ 'ਖੁਸ਼ੀਏ' ਚੂਹੜੇ ਨੇ ਬਾਲ ਕੇ

ਹੁੱਕੇ 'ਚ ਧਰਨੀ ਹੈ

ਕਿਸੇ ਕੁਰਸੀ ਤੇ ਬੈਠੀ ਗਿਰਝ ਦੇ