34
ਘਸਿਆਂ ਵਿੱਚ ਫਰੇਮਾਂ ਸੱਜੀਆਂ ਬਾਬਾ ਜੀ ਤਸਵੀਰਾਂ ਫੇਰ।
ਖਿੱਦੋ ਵਿੱਚ ਲੁਕਾ ਕੇ ਦਿੱਤੀਆਂ, ਚਾਤਰ ਲੋਕਾਂ ਲੀਰਾਂ ਫੇਰ।
ਅੰਦਰ ਹਿੰਮਤ ਵਾਲਾ ਦੀਵਾ ਹਾਲੇ ਵੀ ਏ ਬਲਦਾ ਵੇਖ,
ਫੇਰ ਕੀ ਹੋਇਆ ਜ਼ਖ਼ਮੀਂ ਹੋ ਕੇ ਡਿੱਗੀਆਂ ਨੇ ਤਕਦੀਰਾਂ ਫੇਰ।
ਇਹਨਾਂ ਸਾਨੂੰ ਖੇਹ ਤੇ ਮਿੱਟੀ ਰੰਗਣਾ ਨਵਿਆਂ ਰੰਗਾਂ ਨਾਲ,
ਉਹੋ ਵਾਅਦੇ, ਉਹੋ ਆਗੂ, ਉਹੋ ਨੇ ਤਕਦੀਰਾਂ ਫੇਰ।
ਜਿੰਨੀਆਂ ਮਰਜ਼ੀ ਨੀਹਾਂ ਪੱਕੀਆਂ ਕਰ ਕੇ ਆਪਣਾ ਮਹਿਲ ਉਸਾਰ,
ਇੱਕ ਦਿਹਾੜੇ ਨਵੀਆਂ ਏਥੇ ਹੋਣਗੀਆਂ ਤਹਿਮੀਰਾਂ ਫੇਰ।
ਢੋਲ ਵਜਾ ਕੇ ਕਹਿ ਦੇਵਾਂਗਾ, ਮਿੱਟੀ ਹੋ ਇਤਬਾਰ ਗਿਆ,
ਭੁੱਲ ਭੁਲੇਖੇ ਵੀ ਜੇ ਆਈਆਂ ਮੇਰੇ ਘਰ ਤਕਦੀਰਾਂ ਫੇਰ।
ਇਹਨਾਂ ਦੀ ਵੀ 'ਬਾਬਾ ਨਜਮੀਂ' ਪੂਛਲ ਸਿੱਧੀ ਹੋਣੀ ਨਈਂ,
ਫੇਰ ਪਰੋਹਤ ਮਰਨਗੇ ਭੁੱਖੇ, ਕੁੱਤੇ ਖਾਣਗੇ ਖੀਰਾਂ ਫੇਰ।
-0-
