7. ਅੱਧੀ ਔਰਤ ਕਿਉਂ?

ਜੰਨਤ ਵਿੱਚੋਂ 'ਕੱਠੇ ਨਿਕਲੇ

ਇੱਕ ਦੂਜੇ ਦੇ ਵਿੱਚ ਸਮਾਏ

ਦੁੱਖ ਦੀ ਭਾਵੇਂ, ਸੁੱਖ ਦੀ ਹੋਵੇ

ਇੱਕੋ ਬੁੱਕਲ।

 

ਅਜਲੋਂ ਲੈ ਕੇ, ਅਬਰਾਂ ਤੀਕਰ

ਇੱਕ ਦੂਜੇ ਦੀ ਦੋਵੇਂ ਲੋੜ

ਜਦ ਤੱਕ ਧਰਤੀ ਤੇ ਅਸਮਾਨ

ਟੁੱਟ ਨਈਂ ਸਕਦਾ ਸਾਡਾ ਸੰਗ

ਸਦੀਆਂ ਹੋਈਆਂ

ਮੇਰੇ ਮੋਢੇ ਨਾਲ ਖਲੋਤੀ

ਚੰਗੇ ਭੈੜੇ ਹਾਲ ਖਲੋਤੀ

ਫਿਰ ਵੀ ਅੱਧੀ ਔਰਤ ਕਿਉਂ?

ਫਿਰ ਵੀ ਅੱਧੀ ਔਰਤ ਕਿਉਂ?

 

ਗਲੀਆਂ ਵਿੱਚ, ਬਾਜ਼ਾਰਾਂ ਨਾਲ

ਵਰ੍ਹਦੀਆਂ ਵਿੱਚ ਤਲਵਾਰਾਂ ਨਾਲ

ਕੈਦਾਂ ਵਿੱਚ ਦਰਬਾਰਾਂ ਨਾਲ

ਫਿਰ ਵੀ ਅੱਧੀ ਔਰਤ ਕਿਉਂ?

 

ਵਲੀ ਪੈਗੰਬਰ ਜੰਮਣ ਵਾਲੀ

ਗੋਰੀ ਭਾਵੇਂ, ਹੋਵੇ ਕਾਲੀ

ਔਰਤ ਕਿਧਰੇ ਰੱਬ ਦਾ ਰੂਪ