8. ਆਪਣੀ ਦੱਸੋ ਹੱਦ ਵਜ਼ੀਰੋ

ਆਪਣੀ ਦੱਸੋ ਹੱਦ ਵਜ਼ੀਰੋ

ਇੱਕ ਨਾਲ ਲਗਾਈਏ ਕਿੰਨੇ ਜ਼ੀਰੋ?

 

ਜਿੰਨੀ ਮਰਜ਼ੀ ਲੁੱਟ ਮਚਾਈਏ

ਛਿੱਕੂ ਭਾਵੇਂ ਛੱਜ ਵਜਾਈਏ

ਫਿਰ ਵੀ ਸਾਨੂੰ ਲਿਖੋ ਹੀਰੋ

ਆਪਣੀ ਦੱਸੋ ਹੱਦ ਵਜ਼ੀਰੋ?

 

ਵਿੱਚ ਖਜ਼ਾਨੇ ਡਾਲਰ ਕਿੰਨੇ

ਅੰਬਰਾਂ ਉੱਤੇ ਤਾਰੇ ਕਿੰਨੇ

ਬੋਲੋ ਬੋਲੋ ਪੈਦਾਗੀਰੋ

ਆਪਣੀ ਦੱਸੋ ਹੱਦ ਵਜ਼ੀਰੋ?

 

ਸਾਡੇ ਹੱਥ ਫਨੂਨੋ ਲੰਮੇ

ਲੋਕਾਂ ਨਾਲੋਂ ਵੱਖਰੇ ਜੰਮੇ

ਜਿੱਧਰ ਮਰਜ਼ੀ ਚੱਲੋ ਤੀਰੋ

ਆਪਣੀ ਦੱਸੋ ਹੱਦ ਵਜ਼ੀਰੋ?

 

ਧਰੀਏ ਕਿਉਂ ਨਾ ਮੱਥੇ ਅੱਖਾਂ

ਪਾਣੀ ਵਾਂਗੂੰ ਰੋੜ੍ਹੇ ਲੱਖਾਂ

ਹਰਿਆ ਭਾਵੇਂ, ਸੁੱਕਾ ਚੀਰੋ

ਆਪਣੀ ਦੱਸੋ ਹੱਦ ਵਜ਼ੀਰੋ?

 

ਧੰਦੇ ਚਿੱਟੇ ਕਰੀਏ ਕਾਲੇ

ਕੌਣ ਤੁਸੀਂ ਹੋ ਪੁੱਛਣ ਵਾਲੇ