ਕੋਈ ਦਿਲ ਦੀਆਂ ਰਮਜ਼ਾਂ ਜਾਣਦਾ

ਕੋਈ ਜਿਉਂ ਦਿਲ ਦਾ ਰੋਗ ਪਛਾਣਦਾ

ਕੋਈ ਕਬਰੀਂ ਦੀਵੇ ਬਾਲਦਾ

ਕੋਈ ਮਾਣ ਵਧਾਉਂਦਾ ਮਾਣ ਦਾ

ਮੇਰੇ ਵਿਹੜੇ ਸੁੰਜ ਨਾ ਸ਼ੂਕਦੀ

ਇੱਥੇ ਪੈਲਾਂ ਪਾਉਂਦੇ ਮੋਰ ਵੇ

ਮੈਂ ਹੀਰ ਸਾਂ ਰਾਂਝਣ ਯਾਰ ਦੀ

ਮੈਨੂੰ ਲੁੱਟ ਕੇ ਲੈ ਗਏ ਹੋਰ ਵੇ

 

ਹੱਸ ਹੱਸ ਕੇ ਮੌਤਾਂ ਸਹਿਣ ਵੇ

ਕਿਵੇਂ ਹੀਰਾਂ ਜਿਉਂਦੀਆਂ ਰਹਿਣ ਵੇ

ਅੱਜ ਬਹਿ ਕੇ ਆਪਣੀ ਲਾਸ਼ 'ਤੇ

ਅਸੀਂ ਆਪੇ ਕਰੀਏ ਵੈਣ ਵੇ

ਵੇਲ਼ੇ ਦੀ ਉਹੋ ਚਾਲ ਵੇ

ਧਰਤੀ ਦੀ ਉਹੋ ਟੋਰ ਵੇ

ਮੈਂ ਹੀਰ ਸਾਂ ਰਾਂਝਣ ਯਾਰ ਦੀ

ਮੈਨੂੰ ਲੁੱਟ ਕੇ ਲੈ ਗਏ ਹੋਰ ਵੇ

 

ਕਿਸੇ ਕਦਰ ਨਾ ਪਾਈ ਹੂਕ ਦੀ

ਮੈਂ ਵਾਰਿਸ ਵਾਰਿਸ ਕੂਕਦੀ

ਮੈਂ ਵਾਰਿਸ ਵਾਰਿਸ ਕੂਕਦੀ