ਹੁਣ ਚਲ ਅਪਣੇ ਪਿੰਡ ਵੀਰਨਾਂ !
ਹੁਣ ਚਲ ਅਪਣੇ ਪਿੰਡ।
ਲੱਸੀ ਲੂਣ ਛੁਹੀ ਛਾਹ ਵੇਲੇ,
ਚੂਰੀ ਭੈਣ ਬਣਾਈ
ਪਕੀਆਂ ਨਾਲ ਤੰਦੂਰੇ ਚੱਖੀ।
ਚਾਵਲ ਪਏ ਘਿਉ ਖੰਡ !
ਹੁਣ ਚਲ ਅਪਣੇ ਪਿੰਡ ਵੀਰਨਾਂ,
ਹੁਣ ਚਲ ਅਪਣੇ ਪਿੰਡ।
ਸੁਹਜ ਜਗਤ ਦਾ ਤਕ ਕੇ ਆਯੋਂ
ਦੇਸ ਦੇਸ ਫਿਰਿ ਹੰਢ,
ਹੁਣ ਤਕ ਕਾਦਰ ਸਾਜੀ ਕੁਦਰਤ
ਚੱਲ ਤਕੇ ਅਪਣੇ ਪਿੰਡ,
ਚਾਚੇ ਤਾਏ ਬਾਪੂ ਅੰਮੀ
ਭੈਣਾਂ ਵੀਰ ਬੁਲਾਵਨ-
ਭੋਲੇ ਭਾ ਦੇ ਪਯਾਰ ਵੀਰਨਾ !
ਮਿਠੇ ਨਾਲ ਥਿੰਧ !
ਆ ਤਕ ਅਪਣੇ ਪਿੰਡ ਸੋਹਣਿਆ,
ਦਿਲ ਦੀ ਉਡ ਜਏ ਖਿੰਡ।
ਮੱਥਾ ਚਮਕ ਪਵੇ ਕਸ ਖਾਕੇ,
ਖਿੜ ਪਏ ਤਨ ਮਨ ਜਿੰਦ।
ਆ ਚਲ ਅਪਣੇ ਪਿੰਡ ਵੀਰਨਾ।
ਚਲ ਹੁਣ ਅਪਣੇ ਪਿੰਡ। ੫੯
