ਉਡੀਕ
ਦਿਲਾ ! ਨਿਹਾਲ ਰਹੋ ਕਰਾਰ ਯਾਰ ਪਯਾਰੇ ਤੇ
ਸਦਾ ਵਿਸ਼੍ਵਾਸ ਰਹੇ ਮਰਕਿਜ਼ੀ ਸਿਤਾਰੇ ਤੇ।
ਲਗੇ ਜਿ ਦੇਰ, ਦਿਲਾ ! ਉਹ ਭਲਾ ਹੀ ਤੇਰਾ ਹੈ;
ਪਵੇ ਮਿਠਾਸ ਤਦੇ ਪਕੇ ਜਿ ਸਹਜ ਹਾਰੇ ਤੇ।
ਕਈ ਕੁ ਸਾਲ ਵਸੇ ਗੋਦ ਤਯਾਰ ਮੋਤੀ ਹੋ,
ਵਰ੍ਹੇ ਲਗੇ ਨੇ ਬੜੇ ਸ਼ਿਵਨਾਭ ਨੂੰ ਦਿਦਾਰੇ ਤੇ ।
ਹਈ ਬਿਲੰਬ ਨਿਸ਼ਾਂ 'ਨਾ-ਤਿਆਰੀਂ ਤੇਰੀ ਦਾ,
ਦਿਲਾ ! ਨ ਸ਼ੱਕ ਲਿਆ 'ਕੌਲ ਹੋਣ 'ਲਾਰੇਂ ਤੇ।
ਬ੍ਰਿਛੀ ਲਗੇ ਫ਼ਲ ਜੋ ਤਪ ਕਰੇਨ ਲਮਕੇ ਓ
ਹਈ 'ਉਡੀਕ' 'ਤਪਾ ਜੋ ਪਕਾ ਸਵਾਰੇ ਤੇ।
ਰਿਦੇ ਨੂੰ ਤਾਂਘ ਫੜੇ ਰੁਖ਼ ਲਗੇਗ ਉੱਪਰ ਵੱਲ
ਭਰੇ ਗੁ ਤਾਣ ਪਰਾਂ ਹੋ ਰਹੇ ਉਡਾਰੇ ਤੇ।
ਦੀਦਾਰ ਲੋਚ ਲਗੇ ਹਜ਼ ਪਏ ਹਜ਼ੂਰੀ ਦਾ
ਰਹੋਗੇ ਹਾਜ਼ਰ ਤਾਂ ਝਸ ਪਏ ਜਿ ਇੰਤਜ਼ਾਰੇ ਤੇ।
ਹਈ ਇੰਤਜ਼ਾਰ ਮਜ਼ਾ ਪੁੱਛ ਸੁਆਦ ਮਜਨੂੰ ਨੂੰ
ਨਰਗਸ ਨੈਣ ਖਿੜੇ ਲਗ ਸਜਨ ਦਿਦਾਰੇ ਤੇ।
ਰਹੇ ਉਡੀਕ ਬਿਨਾ ਸੁਹਾਗਵੰਤੀ ਨਾ
ਉਡੀਕ ਵੰਤ ਸੁਹਾਗਨ ਪਤੀ ਸਹਾਰੇ ਤੇ।
