ਤੋਬਾ
ਭੁੱਲ ਕੀਤੀ, ਤੇ ਕਰੀ ਤੋਬਾ,
ਕਰੀ ਤਬਾ ਤੇ ਫਿਰ ਕਰੀ।
ਭੁਲ ਤੋਬਾ ਦੀ ਕੜੀ ਮਿਲ
ਮਿਲ ਕੇ ਬਣ ਗਈ ਇਕ ਲੜੀ ।
ਤੋਬਾ ਨਿਭੀ ਨ ਭੁਲ ਸੁਧਰੀ,
ਹਾਰ ਬੈਠੇ ਅਜੇ ਨਾ ਅਸੀਂ ।
ਮਾਫੀਆਂ ਦੇ ਦਾਮਨਾਂ ਦੀ ਫੜੀ
ਕੰਨੀ ਛੱਡ ਛੱਡ ਕੇ ਮੁੜ ਫੜੀ।
ਬੇੜੀ
ਬੇੜੀ ਉਤੇ ਚੜ੍ਹ ਬੰਦਿਆ
ਉਹ ਤਾਂ ਸੁਤਿਆ ਪਾਰ ਲੰਘਾਦੀ ।
ਪਰਉਪਕਾਰੀ
ਸੁਣ ਭਾਈ ਸਾਬਨ, ਮੈਲਾਂ ਕਟਨੈੱ
ਤੂੰ ਹੈਂ ਪਰਉਪਕਾਰੀ ।
ਮੈਲ ਨਾਲ ਪਰ ਇਕ ਮਿਕ ਹੋਕੇ
ਹੋ ਜਾਨੈ ਮਲਧਾਰੀ ।
ਸ੍ਵਛਤਾ ਦਾਨ ਕਰੇਨੈਂ ਹੋਰਾਂ
ਆਪ ਰੁਲੇ ਵਿਚ ਮੈਲਾਂ।
ਦਸ ਹੁਣ ਮੈਲ ਜੋ ਚੰਬੜੀ ਤੈਨੂੰ
ਜਾਇ ਕਿਵੇਂ ਨਿਰਵਾਰੀ।
