ਕੁੰਜੀਆਂ

ਬੰਦੀ ਅਜਾਣ, ਨ ਜਾਣ ਸਕੇਂਦੀ

ਰਜ਼ਾਈ ਤੁਸਾਂ ਜੀ ਦੀਆਂ ਸਾਈਆਂ।

ਬੰਦੀ ਦੀ ਮਰਜ਼ੀ ਬੇਸੁਰ ਹੋ ਬੋਲੇ,

ਜਦੋਂ ਵਰਤਣ ਕਹਿਰ ਰਜ਼ਾਈਆਂ।

ਮਰਜ਼ੀ ਬੰਦੀ ਦੀ ਸੁਰ ਕਰੀ ਰਖੋ,

ਅਪਨੀ ਰਜ਼ਾ ਨਾਲ ਪਯਾਰਨ ।

ਇਸ ਦੀ ਬੀ ਜਾਚ ਤੁਸਾਨੂੰ ਹੀ ਹੈਵੇ,

ਸਭ ਕੁੰਜੀਆਂ ਤੁਸਾਂ ਹੱਥ ਸਾਈਆਂ।

ਬਿਜਲੀ ਛੁਹ

ਖਲੜੀ ਧੋਦਿਆਂ ਉਮਰਾ ਸਾਰੀ

ਬੀਤ ਚਲੀ ਮੇਰੇ ਸਾਈਆਂ

ਮਸਾਂ ਮਸਾਂ ਇਕ ਲਾਹੀਏ ਮਗਰੋਂ

ਹੋਰ ਆ ਲਗਨ ਬਲਾਈਆਂ

ਥੱਕ ਗਈ ਹਾਂ ਦਿਲ ਨੂੰ ਧੋ ਧੋ

ਤੇਰੇ ਲੈਕ ਬਨਾਂਦਿਆਂ !

ਹੁਣ ਤਾਂ ਲਾ ਕੋਈ ਬਿਜਲੀ ਛੁਹ ਤੂੰ

 ਕਰ ਨਿਜ ਯੋਗ ਗੁਸਾਈਆਂ।