ਇਆਣਾ ਸ਼ਹੁ

ਅੰਮੀ ਕਰ ਦੇ ਵਿਆਹ, ਮੇਰਾ ਕਰ ਦੇ ਵਿਆਹ

ਕਲੀ ਡਰੇ ਡਰ ਪਾਂ, ਕਲੀ ਡਰੇ ਡਰ ਪਾਂ

ਮੇਰਾ ਸ਼ਹੁ ਨੀ ਇਆਣਾ, ਖੇਡਾਂ ਮਲੀਂ ਲੁਭਾਣਾ

ਮੈਂ ਵਲ ਨਜ਼ਰ ਨ ਪਾਵੇ, ਕੀਕੂੰ ਉਮਰਾ ਵਿਹਾਵੇ ?

ਮੇਰੀ ਉਮਰਾ ਸਿਆਣੀ, ਜੋਬਨ ਕਾਂਗ ਚੜ੍ਹਾਣੀ

ਮੇਰੇ ਜੋਬਨ ਉਛਾਲੇ, ਝਲੇ ਜਾਂਦੇ ਨ ਝਾਲੇ

ਮੇਰਾ ਸ਼ਹੁ ਨੀ ਇਆਣਾ, ਫਿਰਦਾ ਖੇਡੀ ਲੁਭਾਣਾ

ਮੈਂ ਵਲ ਨਜ਼ਰ ਨ ਪਾਵੇ, ਮੇਰਾ ਜੀਆ ਝੁੰਝਲਾਵੇ

ਮੇਰੇ ਕੋਲ ਨ ਆਵੇ, ਜਾਵਾਂ ਕੋਲ ਨਸਾਵੇ

ਮੈਂ ਤਾਂ ਸ਼ਹੁ ਦੀ ਪਿਆਰੀ ਸ਼ੁਹ ਨੂੰ ਖੇਡ ਪਿਆਰੀ

ਕੀਕਣ ਸ਼ਾਹ ਨੂੰ ਰੀਝਾਵਾਂ, ਕੀਕਣ ਅੰਗਣੇ ਲਿਆਵਾਂ ?

ਅੰਮੀਏ ! ਲੈ ਦੇਹ ਨੀ ਲਾਵਾਂ, ਸ਼ਹੁ ਦੀ ਪਈਓ ਸਦਾਵਾਂ

ਲਗ ਜਾਏ ਨਾਮ ਦਾ ਟਿੱਕਾ, ਟਿੱਕਾ ਨਾਮ ਦਾ ਪੱਕਾ।