ਆਸ਼ੂ ਨੇ ਅੱਖਾਂ ਖੋਹਲੀਆਂ। ਡਾਕਟਰਾਂ ਦੇ ਚਿਹਰਿਆਂ ਉੱਤੇ ਆਬਾ ਦੀ ਨਿੰਮ੍ਹੀ ਰੌਸ਼ਨੀ ਉਪਜੀ। ਮਾਂ ਨੇ ਹੰਝੂ ਕੇਰਦਿਆਂ ਆਖਿਆ, "ਆਸ਼ੂ, ਮੇਰੇ ਬੱਚੇ...।"

"ਮਾਮਾ...।"

"ਹਾਂ....ਹਾਂ....ਆਸ਼ੂ।"

"ਨਹੀ ਬੇਟਾ, ਨਹੀਂ ਜਾਣਾ ਤੂੰ ਕਿਤੇ ਨਹੀਂ ਜਾਣਾ, ਆਸ਼ੂ।"

“ਮਾਮਾ, ਟੀਨੂੰ ਨੂੰ ਵੀ ਸਕੂਲ ਨਾ ਘੱਲੋ।"

"ਨਹੀਂ ਘੱਲਦੇ, ਆਸੂ: ਬਿਲਕੁਲ ਨਹੀਂ ਘੱਲਾਂਗੇ।"

ਮਾਂ ਦੇ ਇਨ੍ਹਾਂ ਸ਼ਬਦਾਂ ਵਿਚੋਂ ਪਤਾ ਨਹੀਂ ਕਿੰਨੀ ਖ਼ੁਸ਼ੀ ਆਸ਼ੂ ਨੂੰ ਮਿਲੀ। ਸੁਣ ਕੇ ਆਪ ਦਾ ਚਿਹਰਾ ਖਿੜ ਗਿਆ। ਉਸਦੇ ਪ੍ਰਸੰਨ ਨੇਤਰ ਮਾਂ ਦੇ ਹੰਝੂਆਂ-ਹੰਘਾਲੇ ਨੇਤਰਾਂ ਨਾਲ ਜਾ ਮਿਲੇ। ਉਹ ਮਾਤਾ ਦੇ ਪਿਆਰ-ਭਿੱਜੇ ਮੂੰਹ ਨੂੰ ਇਕ-ਟੱਕ ਵੇਖੀ ਗਿਆ..ਵੇਖੀ ਗਿਆ। ....ਨਰਸ ਨੇ ਉਸਦੀ ਨਬਜ਼ ਛੱਲ ਦਿੱਤੀ ਡਾਕਟਰ ਨੇ ਉਸਦੀਆਂ ਅੱਖਾਂ ਬੰਦ ਕਰ ਦਿੱਤੀਆਂ।