ਪਿਆਸਿਆਂ ਨੂੰ ਜਲ ਪਾਣੀ।

ਨੰਗਿਆਂ ਨੂੰ ਤੂੰ ਦੇਵੇਂ ਕੱਪੜਾ,

ਤੁਰਤ ਲਹਾ ਕੇ ਤਾਣੀ ।

ਆਪਣੇ ਸੇਵਕ ਦਾ,

ਬਹੁਤਾ ਕਰਕੇ ਜਾਣੀਂ ।

ਬਾਕੀ ਸਾਰੇ - (ਗਿੱਧਾ ਪਾ ਕੇ)

ਆਪਣੇ ਸੇਵਕ ਦਾ,

ਬਹੁਤਾ ਕਰਕੇ ਜਾਣੀਂ ।

ਪ੍ਰੀਤੂ - ਪਈ ਲੜੀ ਵਾਲੀਆਂ ਬੋਲੀਆਂ ਫੇਰ ਪਾਵਾਂਗੇ, ਪਹਿਲਾਂ ਮੈਂ ਬੱਲੇ ਬੱਲੇ ਵਾਲੀ ਗਜਲ ਤੋਂ ਡਹਿੰਦਾਂ ।

[ਚਾਦਰ ਨੂੰ ਸੱਜੇ ਹੱਥ ਨਾਲ ਉਤਾਂਹ ਚੁੱਕ ਕੇ ਬੋਲਦਾ ਏ]

ਬੱਲੇ ਬੱਲੇ ਪਈ ਲੰਮੀ ਸੀਹਟੀ ਮਾਰ ਮਿੱਤਰਾ । ਬਾਕੀ ਸਾਰੇ-ਬੱਲੇ ਬੱਲੇ ਪਈ ਲੰਮੀ ਸੀਹਟੀ ਮਾਰ ਮਿੱਤਰਾ ।

ਪ੍ਰੀਤੂ - ਘਰ ਭੁੱਲ ਗਈ ਮੋੜ ਤੇ ਆ ਕੇ,

ਪਈ ਲੰਮੀ ਸੀਹਟੀ ਮਾਰ ਮਿੱਤਰਾ ।

ਬਾਕੀ ਸਾਰੇ - (ਉਹੀ ਬੋਲਦੇ ਨੇ)

ਪ੍ਰੀਤੂ - ਬੱਲੇ ਬੱਲੇ ਪਈ ਦੁਧ ਪੀ ਕੇ ਜਾਈਂ ਰੱਖੀਏ।

ਬਾਕੀ ਸਾਰੇ - ਬੱਲੇ ਬੱਲੇ ਪਈ ਦੁਧ ਪੀ ਕੇ ਜਾਈਂ ਰੱਖੀਏ।

ਪ੍ਰੀਤੂ - ਹਾਕਾਂ ਮਾਰਦੇ ਬੱਕਰੀਆਂ ਵਾਲੇ,

ਪਈ ਦੁੱਧ ਪੀ ਕੇ ਜਾਈਂ ਰੱਖੀਏ ।

ਬਾਕੀ ਸਾਰੇ - (ਉਹੀ ਬੋਲਦੇ ਨੇ)