ਅਦੀਨਾ ਬੇਗ ਦੇ ਭੇਜੇ ਸਿਖ ਵਕੀਲ ਨੇ ਬਾਬਾ ਵਡਭਾਗ ਸਿੰਘ ਦੇ ਪਹਾੜ ਵਿਚਲੇ ਡੇਰੇ ਦਾ ਪਤਾ ਲਾ ਲਿਆ ਤੇ ਉਹਨਾਂ ਨੂੰ ਅਦੀਨੇ ਦਾ ਸੁਨੇਹਾਂ ਦਿੱਤਾ। ਦੋਹਾਂ ਧਿਰਾਂ ਦੀ ਮੁਲਾਕਾਤ ਦਾ ਪ੍ਰਬੰਧ ਕੀਤਾ ਗਿਆ। ਅਦੀਨਾ ਬੇਗ ਆਪ ਬਾਬਾ ਵਡਭਾਗ ਸਿੰਘ ਨੂੰ ਮਿਲਣ ਲਈ ਆਇਆ।
"ਆਪ ਜੀ ਦੇ ਸਿਰ ਦੀ ਪੱਗ.. ਕੀ ਤੁਹਾਡੀ ਰਹਿਣੀ ਸਿਖਾਂ ਨਾਲੇ ਵੱਖਰੀ ਹੈ..?". ਬਾਬਾ ਵਡਭਾਗ ਸਿੰਘ ਦੇ ਨੰਗੇ ਸਿਰ ਨੂੰ ਦੇਖ ਕੇ ਅਦੀਨਾ ਬੇਗ ਹੈਰਾਨ ਹੋਇਆ।
"ਕਦੇ ਸੀ ਵੱਖਰੀ ਸਾਡੀ ਰਹਿਣੀ ਪੰਥ ਨਾਲੋਂ ਪਰ ਹੁਣ ਅਸੀਂ ਪੰਥ ਵਿਚ ਮੁੜ ਸ਼ਾਮਲ ਹੋ ਚੁੱਕੇ ਹਾਂ। ਬਾਬਾ ਜੱਸਾ ਸਿੰਘ ਆਹਲੂਵਾਲੀਆ ਜੀ ਨੇ ਆਪ ਪੰਜਾਂ ਸਿੰਘਾਂ ਵਿਚ ਸ਼ਾਮਲ ਹੋ ਕੇ ਅਸਾਨੂੰ ਖੰਡੇ ਕੀ ਪਾਹੁਲ ਬਖਸ਼ੀ ਹੈ..." ਬਾਬਾ ਵਡਭਾਗ ਸਿੰਘ ਜਵਾਬ ਵਿਚ ਬੋਲੇ।
"ਫੇਰ ਤੁਹਾਡੀ ਪੱਗ...?", ਅਦੀਨੇ ਨੂੰ ਆਪਣੇ ਅਸਲ ਸਵਾਲ ਦਾ ਜਵਾਬ ਨਹੀਂ ਮਿਲਿਆ ਸੀ।
“ਦਸਤਾਰ ਹੁਣ ਮੁੜ ਉਦੋਂ ਤੱਕ ਸਿਰ ਨਹੀਂ ਸਜਾਵਾਂਗਾ, ਜਦ ਤਕ ਸਾਰੇ ਜਲੰਧਰ ਦੇ ਅਫਗਾਨ ਪਠਾਨ, ਜਿਹਨਾਂ ਸ੍ਰੀ ਥੰਮ ਸਾਹਿਬ ਦੀ ਬੇਅਦਬੀ ਕੀਤੀ ਹੈ, ਬੰਨ੍ਹ ਕੇ ਸਾੜ੍ਹ ਨਹੀਂ ਦਿੰਦਾ। ", ਰੋਸ ਵਿਚ ਆਉਂਦਿਆਂ ਬਾਬਾ ਜੀ ਬੋਲੇ।
"ਫੇਰ ਤਾਂ ਸਾਡਾ ਦੁਸ਼ਮਨ ਇਕੋ ਹੈ। ਹਲਾਂਕਿ ਅਸੀਂ ਗੁਰੂ ਨਾਨਕ ਜੀ ਦੇ ਪਹਿਲਾਂ ਤੋਂ ਹੀ ਮੁਰੀਦ ਹਾਂ ਤੇ ਉਸ ਨਾਤੇ ਤੁਹਾਡੇ ਭਰਾ ਹਾਂ। ਤੁਸੀਂ ਬਾਬਾ ਜੀ ਜੋ ਸਿੰਘਾਂ ਨੂੰ ਖਬਰ ਪੁਚਾਓ ਤੇ ਥੰਮ ਸਾਹਿਬ ਦੀ ਬੇਅਦਬੀ ਦਾ ਵਾਸਤਾ ਪਾਓ ਤਾਂ ਅਸੀਂ ਮਿਲ ਕੇ ਅਫਗਾਨਾਂ ਨੂੰ ਜਲੰਧਰ ਤੋਂ ਖਦੇੜ ਸਕਦੇ ਹਾਂ...". ਅਦੀਨੇ ਨੇ ਆਪਣਾ ਅਸਲ ਮਕਸਦ ਜ਼ਾਹਰ ਕੀਤਾ।
"ਵਿਦੇਸ਼ੀ ਧਾੜਵੀਆਂ ਨੂੰ ਆਪਣੇ ਮੁਲਕ ਤੋਂ ਖਦੇੜਨ ਲਈ ਸਿੰਘਾਂ ਨੂੰ ਕੋਈ ਵਾਸਤਾ ਪਾਉਣ ਦੀ ਲੋੜ ਨਹੀਂ। ਉਹ ਸਦਾ ਇਸ ਕਾਰਜ ਲਈ ਤਤਪਰ ਹਨ।" ਬਾਬਾ ਵਡਭਾਗ ਸਿੰਘ ਬੋਲੇ।
"ਫੇਰ ਤੁਸੀਂ ਜਲਦੀ ਉਨ੍ਹਾਂ ਨੂੰ ਸੁਨੇਹਾ ਭੇਜੋ। ਦਸ ਹਜ਼ਾਰ ਮੇਰੀ ਫੌਜ ਹੈ, ਜੋ ਏਨੇ ਕੁ ਸਿੰਘ ਆ ਜਾਣ ਤਾਂ ਦੁਰਾਨੀ ਸਾਡੇ ਅੱਗੇ ਖਲੋ ਨਹੀਂ ਸਕਦੇ। ਤੁਸੀਂ ਮੈਨੂੰ ਜਲੰਧਰ ਦਿਵਾਓ ਤੇ ਮੈਂ ਸਾਰੀ ਉਮਰ ਪੰਥ ਦਾ ਤਾਬੇਦਾਰ ਰਹਾਂਗਾ...' " ਤੂੰ ਸਾਨੂੰ ਲਿਖ ਕੇ ਦੇਹ ਕਿ ਜਿਹਨਾਂ ਕਰਤਾਰਪੁਰ ਕਤਲ ਕੀਤਾ ਹੈ,
