ਉਹ ਤੂੰ ਸਾਡੇ ਹਵਾਲੇ ਕਰੇਂਗਾ ਤੇ ਜਲੰਧਰ ਦੇ ਕਿਸੇ ਪਠਾਨ ਦੀ ਜਾਨ ਬਖਸ਼ੀ ਲਈ ਵਾਸਤਾ ਨਹੀਂ ਪਾਏਂਗਾ... ਜਲੰਧਰ ਅਸੀਂ ਉਸੇ ਤਰ੍ਹਾਂ ਫੂਕਾਂਗੇ, ਜਿਵੇਂ ਅਫਗਾਨਾਂ ਥੰਮ ਸਾਹਿਬ ਸਾੜ੍ਹਿਆ ਹੈ। ", ਬਾਬਾ ਵਡਭਾਗ ਸਿੰਘ ਨੇ ਅਦੀਨੇ ਨੂੰ ਆਪਣੀ ਸ਼ਰਤ ਦੱਸੀ, "ਨਾਲ ਹੀ ਅਸੀਂ' ਜਲੰਧਰ ਦੇ ਫੌਜਦਾਰ ਨਾਸਰ ਅਲੀ ਨੂੰ ਵੀ ਆਪਣੇ ਹੱਥੀ ਸਾਤਾਂਗੇ, ਜਿਵੇਂ ਪਠਾਨ ਥੰਮ ਸਾਹਿਬ ਗਊਆਂ ਹਲਾਲ ਕਰਦੇ ਰਹੇ ਹਨ, ਉਵੇਂ ਅਸੀਂ ਉੱਥੇ ਉਹਨਾਂ ਦੇ ਝਟਕੇ ਕਰਾਂਗੇ ਜਿਵੇਂ ਸਾਡੀਆਂ ਧੀਆਂ ਭੈਣਾ ਦੀ ਬੇਪੱਤੀ ਕੀਤੀ ਹੈ ਉਵੇਂ ਪਠਾਨੀਆਂ ਨੂੰ ਪੰਜਾਬ ਵਾਸੀਆਂ ਦੇ ਘਰੀਂ ਪਾਵਾਂਗੇ... ", ਬਾਬਾ ਵਡਭਾਗ ਸਿੰਘ ਗੁੱਸੇ ਦੀ ਅੱਗ ਵਿਚ ਬਲ ਰਹੇ ਸਨ, "ਖਾਹ ਕੁਰਾਨ ਦੀ ਕਸਮ ਕਿ ਤੂੰ ਸਾਡਾ ਹੱਥ ਨਹੀਂ ਰੋਕੇਗਾ.
"ਮੈਨੂੰ ਤੁਹਾਡੀਆਂ ਸਭ ਸ਼ਰਤਾਂ ਮਨਜ਼ੂਰ ਨੇ ਮੈਂ ਆਪਣਾ ਈਮਾਨ ਸਲਾਮਤ ਰੱਖਾਂਗਾ ਤੇ ਆਪਣੀ ਜ਼ੁਬਾਨ 'ਤੇ ਰਹਾਂਗਾ, ਵਾਅਦੇ ਵਜੋਂ ਮੈਂ ਕੁਰਾਨ ਦੀ ਕਸਮ ਖਾਂਦਾ ਹਾਂ.. ", ਅਦੀਨੇ ਨੂੰ ਦੁਆਬੇ ਦੀ ਨਵਾਬੀ ਦਿਸ ਰਹੀ ਸੀ, ਸੋ ਉਸ ਨੂੰ ਹੁਣ ਹਰ ਸ਼ਰਤ ਮਨਜ਼ੂਰ ਸੀ।
ਬਾਬਾ ਵਡਭਾਗ ਸਿੰਘ ਜੀ ਨੇ ਖਾਲਸੇ ਕੰਨੀਂ ਸੁਨੇਹਾਂ ਭਿਜਵਾਇਆ।
"ਪਰਮ ਸਤਿਕਾਰ ਯੋਗ ਖਾਲਸਾ ਜੀ,
ਦਾਸਰੇ ਦੀ ਫਤਹਿ ਪ੍ਰਵਾਨ ਕਰਨੀ।
ਪੰਥ ਦੇ ਚਰਨਾ ਵਿਚ ਬੇਨਤਾ ਇਹ ਹੈ ਕਿ ਸ਼ਾਇਦ ਖਾਲਸੇ ਦੇ ਗਿਆਤ ਵਿਚ ਇਹ ਗੱਲ ਨਹੀਂ ਹੈ ਕਿ ਅਫਗਾਨ ਪਠਾਨਾ ਨੇ ਕਰਤਾਰਪੁਰ ਸਾਹਿਬ ਕਤਲ ਕੀਤਾ ਹੈ। ਉਹਨਾਂ ਨੇ ਕਰਤਾਰਪੁਰ ਸਾਥੋਂ ਖੋਹ ਲਿਆ ਹੈ ਤੇ ਅਸੀਂ ਹੁਸ਼ਿਆਰਪੁਰ ਦੀਆਂ ਪਹਾੜੀਆਂ ਵਿਚ ਸ਼ਰਨ ਲਈ ਹੋਈ ਹੈ। ਗੁਰੂ ਪੰਜਵੇਂ ਪਾਤਸ਼ਾਹ ਜੀ ਦਾ ਪਾਵਨ ਅਸਥਾਨ ਥੰਮ ਸਾਹਿਬ ਨਾਸਰ ਅਲੀ ਨੇ ਆਪਣੇ ਹੱਥੀ ਸਾੜਿਆ ਹੈ। ਗੁਰਦੁਆਰੇ ਦੇ ਵਿਹੜੇ ਵਿਚ ਗਊਆਂ ਹਲਾਲ ਕੀਤੀਆਂ ਹਨ। ਹਿੰਦੂ ਔਰਤਾਂ ਦੀ ਬੇਪਤੀ ਕੀਤੀ ਹੈ। ਅਸੀਂ ਤਾਂ ਕਾਬਲ ਜਾ ਰਹੀਆਂ ਹਿੰਦੋਸਤਾਨੀ ਕੁੜੀਆਂ ਦੀ ਆਬਰੂ ਬਚਾਉਂਦੇ ਰਹੇ ਹਾਂ, ਪਰ ਏਥੇ ਸਾਡੀਆਂ ਆਪਣੀਆਂ ਧੀਆਂ ਭੈਣਾ ਦੀ ਇੱਜ਼ਤ ਰੋਲੀ ਗਈ ਹੈ ਤੇ ਅਫਗਾਨਾਂ ਨੇ ਉਹਨਾਂ ਨੂੰ ਆਪਣੇ ਘਰੀਂ ਪਾ ਲਿਆ ਹੈ।
ਖਾਲਸਾ ਜੀ ਜੇ ਪੰਥ ਆਪਣੇ ਗੁਰਧਾਮਾਂ ਦੀ ਬੇਅਦਬੀ ਦੀ ਸਜ਼ਾ ਦੁਸ਼ਟਾਂ ਨੂੰ ਨਾ ਦੇ ਸਕਿਆ ਤਾਂ ਸਾਡਾ ਕਾਹਦਾ ਜਿਊਣਾ। ਪੰਜਾਂ ਦਰਿਆਵਾਂ ਦੀ ਧਰਤੀ
