ਐਸੇ ਬਚਨ ਬੋਲਦੇ ਹੋਏ ਅਦੀਨਾ ਬੇਗ ਨੇ ਪੱਚੀ ਹਜ਼ਾਰ ਹੋਰ ਕੜਾਹ ਪ੍ਰਸਾਦਿ ਲਈ ਖਾਲਸੇ ਨੂੰ ਭੇਟ ਕੀਤਾ। ਦੁਆਬੇ ਦਾ ਸਵਾ ਲੱਖ ਦਾ ਮਾਮਲਾ ਵੀ ਅਲੱਗ ਤੋਂ ਪੰਥ ਅੱਗੇ ਹਾਜ਼ਰ ਕੀਤਾ ਤੇ ਹਰ ਮਹੀਨੇ ਦੇਣ ਦਾ ਕੋਲ ਵੀ ਕਰਿਆ।
"ਅੱਜ ਤੋਂ ਦੁਆਬਾ ਸਾਡਾ ਸਾਂਝਾ ਹੈ ਖਾਲਸਾ ਜੀ। ਸਾਰਾ ਮਾਮਲਾ ਅੱਧਾ ਅੱਧਾ ਵੰਡਿਆ ਜਾਇਆ ਕਰੇਗਾ ਜੇ ਇਕ ਪੈਸੇ ਦੀ ਖੋਟ ਵੀ ਮੇਰੀ ਨਿਕਲ ਆਵੇ ਤਾਂ ਮੈਂ ਪੰਥ ਦਾ ਗੁਨਾਹਗਾਰ ਹੋਵਾਂਗਾ ਤੇ ਖਾਲਸਾ ਜੋ ਵੀ ਸਜ਼ਾ ਲਾਵੇਗਾ ਮੈਨੂੰ ਮਨਜ਼ੂਰ ਹੋਵੇਗੀ...', ਪੰਥ ਤੋਂ ਵਿਦਾ ਲੈਂਦਾ ਹੋਇਆ ਅਦੀਨਾ ਬੇਗ ਬੋਲਿਆ।
ਇਹ ਸੀ ਜਲੰਧਰ ਦੀ ਉਹ ਜੰਗ, ਜਿਸ ਤੋਂ ਮਗਰੋਂ ਅਫਗਾਨੀ ਪਠਾਨ ਸਿੰਘਾਂ ਦਾ ਨਾਮ ਸੁਣ ਕੇ ਥਰ ਥਰ ਕੰਬਣ ਲੱਗਦੇ ਸਨ।
