ਨਹੀਂ ਮਿਲਣੀ। ਬਗਾਵਤ ਕਰਨ ਵਾਲਿਆਂ ਵਾਸਤੇ ਮਿਸਾਲ ਕਾਇਮ ਕਰਨ ਲਈ ਹੋ ਸਕਦੈ ਸ਼ਾਹ ਮੈਨੂੰ ਆਪਣੇ ਭੁੱਖੇ ਸ਼ੇਰਾਂ ਤੋਂ ਪਤਵਾ ਦੇਵੇ ਜਾਂ ਇਹ ਵੀ ਹੋ ਸਕਦੈ ਕੇ ਹਾਥੀਆਂ ਨਾਲ ਚਿਰਵਾ ਦੇਵੇ ", ਅਦੀਨਾ ਬੇਗ ਤੋਂ ਡਰ ਕਾਰਨ ਬੋਲਿਆ ਵੀ ਨਹੀਂ ਜਾ ਰਿਹਾ ਸੀ।
"ਡਰਾਕਲ ਬੰਦਿਆਂ ਨੂੰ ਹਾਥੀ ਸ਼ੇਰ ਕੁਝ ਨਹੀਂ ਕਹਿੰਦੇ ਤੁਸੀਂ ਫਿਕਰ ਨਾ ਕਰੋ...", ਰਾਮਗੜ੍ਹੀਏ ਸਰਦਾਰ ਨੇ ਅਦੀਨੇ ਵੱਲ ਦੇਖ ਕੇ ਮਖੌਲ ਨਾਲ ਹੱਸਦਿਆਂ ਕਿਹਾ।
"ਇਹਨਾਂ ਨੂੰ ਕੀਮਤ ਪੁੱਛੋ... " ਅਦੀਨੇ ਨੂੰ ਸਿਖ ਸਰਦਾਰਾਂ ਨਾਲ ਗੱਲਬਾਤ ਕਰਦਾ ਦੇਖ ਕੇ ਮਰਾਠਾ ਰਘੁਨਾਥ ਬੋਲਿਆ, "ਸਰਹੰਦ ਹਮਲੇ ਵਿਚ ਸਾਡੀ ਮਦਦ ਕਰਨ ਦੀ ਕੀਮਤ ਪੁੱਛੋ"
"ਇਹ ਕਿਹੜਾ ਆ ਗਿਐ ਸਾਨੂੰ ਕੀਮਤ ਦੇਣ ਵਾਲਾ.. ਜਾਪਦੇ ਆਨਦੰਪੁਰੀ ਤਾਸੀਰ ਤੋਂ ਵਾਕਫ ਨਹੀਂ ", ਸਰਦਾਰ ਜੱਸਾ ਸਿੰਘ ਰਾਮਗੜ੍ਹੀਆ ਰਘੁਨਾਥ ਰਾਓ ਦੀ ਗੱਲ ਸੁਣਦਿਆਂ ਬੋਲਿਆ।
"ਜੀ ਇਹਨਾਂ ਨੂੰ ਖਾਲਸੇ ਬਾਰੇ ਜਿਆਦਾ ਪਤਾ ਨਹੀਂ.", ਅਦੀਨਾ ਬੋਲਿਆ।
"ਜੇ ਪਤਾ ਨਹੀਂ ਤਾਂ ਲੱਗ ਜਾਵੇਗਾ... ", ਆਹਲੂਵਾਲੀਏ ਸਰਦਾਰ ਨੇ ਬੋਲਣਾ ਸ਼ੁਰੂ ਕੀਤਾ, "ਇਹਨਾਂ ਨੂੰ ਕਹੋ ਪੈਸੇ ਟਕੇ ਆਪਣੇ ਕੋਲ ਸੰਭਾਲ ਕੇ ਰੱਖਣ। ਸਾਡੀਆਂ ਤਾਂ ਤਿੰਨ ਸ਼ਰਤਾਂ ਨੇ ਉਹ ਸੁਣ ਲੈਣ"
"ਜੀ ਤੁਸੀਂ ਹੁਕਮ ਕਰੋ ਖਾਲਸਾ ਜੀ... ", ਅਦੀਨੇ ਨੇ ਮਰਾਠਿਆਂ ਵੱਲੋਂ ਵੀ ਹਾਮੀ ਭਰੀ।
"ਤੁਸੀਂ ਇਹਨਾਂ ਵਿਦੇਸ਼ੀਆਂ ਨਾਲ ਗੱਲ ਕਰ ਲਓ ਬੇਗ ਸਾਹਬ... ਮੁੜਕੇ ਹਮਕੋ ਤੁਮਕੋ ਕਰੀ ਜਾਣਗੇ", ਸਰਦਾਰ ਤਾਰਾ ਸਿੰਘ ਗੈਬੇ ਨੇ ਅਦੀਨੇ ਨੂੰ ਮਰਾਠਿਆਂ ਨਾਲ ਪਹਿਲਾਂ ਗੱਲ ਖੋਲ੍ਹ ਲੈਣ ਲਈ ਕਿਹਾ।
ਅਦੀਨੇ ਨੇ ਮਲ੍ਹਾਰ ਰਾਓ ਨਾਲ ਗੱਲ ਕੀਤੀ ਤਾਂ ਉਸ ਨੇ ਕਿਹਾ ਕਿ ਪਹਿਲਾਂ ਸ਼ਰਤਾਂ ਦੱਸੀਆਂ ਜਾਣ।
"ਪਹਿਲੀ ਸ਼ਰਤ ਇਹੋ ਹੈ ਕਿ ਸਰਹੰਦ ਉੱਤੇ ਪਹਿਲਾ ਹਮਲਾ ਖਾਲਸਾ ਕਰੇਗਾ।", ਬਾਬਾ ਤਾਰਾ ਸਿੰਘ ਬੋਲਿਆ।
"ਮਨਜ਼ੂਰ", ਮਲ੍ਹਾਰ ਰਾਓ ਬੋਲਿਆ। ਮਰਾਠਿਆਂ ਨੂੰ ਹੋਰ ਕੀ ਚਾਹੀਦਾ ਸੀ।
