ਕਹਿ ਦਿਓ .. ਜਦੋਂ ਹੀ ਕਿਸੇ ਪਾਸੇ ਅਫਗਾਨ ਭਾਰੂ ਹੁੰਦੇ ਦਿਸਣ ਤਾਂ ਇਸ਼ਾਰਾ ਕਰ ਦੇਣ ਤਾਂ ਜੋ ਹੋਰ ( ਜੱਥੇ ਓਧਰ ਮਦਦ ਲਈ ਭੇਜੇ ਜਾਣ ਜੈਨ ਖਾਂ ਵੱਲ ਤੁਰਦਿਆਂ ਬਾਬਾ ਜੀ ਨੇ ਸਰਦਾਰ ਜੱਸਾ ਸਿੰਘ ਨੂੰ ਸੁਚੇਤ ਕੀਤਾ। "
"ਸਤਿਬਚਨ ਜਥੇਦਾਰ ਜੀ... ਕਹਿੰਦਿਆਂ ਦੋਹਾਂ ਸੂਰਮਿਆਂ ਨੇ ਇਕ ਦੂਜੇ ਨੂੰ ਫਤਹਿ ਬੁਲਾਈ।
ਸਰਹੰਦ ਵਾਲੇ ਜ਼ੈਨ ਖਾਂ ਨੂੰ ਅਬਦਾਲੀ ਦਾ ਸੁਨੇਹਾ ਮਿਲਿਆ,
"ਤੁਸੀਂ ਭਾਵੇ ਇਹਨਾਂ ਨਾਲ ਨਾ ਲੜੇ, ਬਸ ਇਥੇ ਰੋਕੀ ਰੱਖੋ ਤੇ ਅੱਗੇ ਨਾ ਵਧਨ ਦਿਓ। ਅਸੀਂ ਪਿੱਛੋਂ ਚੜ੍ਹੇ ਆਉਂਦੇ ਹਾਂ, ਜਲਦੀ ਹੀ ਸਭ ਨੂੰ ਕੁਚਲ ਦਿਆਂਗੇ"
ਇਹ ਸੁਨੇਹਾ ਭੇਜਦਿਆਂ ਹਜੇ ਅਬਦਾਲੀ ਦੇ ਲਸ਼ਕਰ ਦਾ ਸਾਹਮਣਾ ਸਰਦਾਰ ਚੜ੍ਹਤ ਸਿੰਘ ਦੇ ਜੱਥੇ ਨਾਲ ਨਹੀਂ ਹੋਇਆ ਸੀ। ਉਹਨਾਂ ਨੂੰ ਕੀ ਪਤਾ ਸੀ ਕਿ ਸਰਦਾਰ ਚੜ੍ਹਤ ਸਿੰਘ ਕਿਸ ਤਰ੍ਹਾਂ ਬਿਜਲੀ ਬਣ ਕੇ ਉਹਨਾਂ ਉੱਤੇ ਟੁੱਟੇਗਾ। ਸਰਦਾਰ ਦਾ ਜੱਥਾ ਅਬਦਾਲੀ ਦੇ ਹਰਿਆਵਲ ਦਸਤਾ ਕਹੇ ਜਾਂਦੇ ਪਠਾਨਾ ਉੱਤੇ ਟੁੱਟ ਪਿਆ। ਪਾਨੀਪਤ ਵਿਚ ਵਿਰੋਧੀਆਂ ਦੀਆਂ ਖਾਨਿਓ ਭੁਲਾ ਦੇਣ ਵਾਲੇ ਇਸ ਹਰਿਆਵਲ ਦਸਤੇ ਦੇ ਦਿਓ ਕੱਦ ਪਠਾਨ ਸਿੰਘਾਂ ਦੀਆਂ ਭਗੋਤੀਆਂ ਅੱਗੇ ਮੇਮਣੇ ਸਾਬਤ ਹੋਏ। ਘੜੀ ਦੋ ਘੜੀ ਦੀ ਲੜ੍ਹਾਈ ਵਿਚ ਹੀ ਹਰਿਆਵਲ ਦਸਤਾ ਢੇਰ ਹੋ ਗਿਆ।
ਏਧਰ ਬਾਬਾ ਸ਼ਾਮ ਸਿੰਘ, ਜ਼ੈਨ ਖਾਂ ਤੇ ਭੀਖਨ ਖਾਨ ਦੇ ਲਸ਼ਕਰ 'ਤੇ ਟੁੱਟ ਕੇ ਪੈ ਗਏ। ਨਗਾਰੇ ਵਜਾਉਂਦੇ ਸਿੰਘ ਜਿਉਂ ਜਿਉਂ ਅੱਗੇ ਵਧ ਰਹੇ ਸਨ, ਪਠਾਨਾ ਨੂੰ ਕੰਬਣੀ ਛਿੜ ਰਹੀ ਸੀ। ਦੂਰੋਂ ਵਧਦੇ ਸਿੰਘਾਂ ਨੇ ਤੀਰਾਂ ਦੀ ਵਾਛੜ ਕੀਤੀ ਤੇ ਪਠਾਨਾ ਦੀਆਂ ਮੂਹਰਲੀਆਂ ਕਤਾਰਾਂ ਢਹਿ ਗਈਆਂ। ਰਹਿੰਦੀ ਕਸਰ ਸਿੰਘਾਂ ਦੇ ਰਾਮਜੰਗਿਆਂ ਨੇ ਪੂਰੀ ਕਰ ਦਿੱਤੀ। ਸਿੰਘਾਂ ਬਿਨਾ ਸ਼ਇਦ ਹੀ ਧਰਤੀ 'ਤੇ ਕੋਈ ਹੋਰ ਸੂਰਮੇਂ ਹੋਣ, ਜੇ ਘੋੜੇ ਦੌੜਾਉਂਦੇ ਹੋਏ ਰਾਮਜੰਗਿਆਂ ਨਾਲ ਏਨੇ ਕਮਾਲ ਨਿਸ਼ਾਨੇ ਫੁੰਡ ਸਕਦੇ ਹੋਣ।
ਬਾਬਾ ਸ਼ਾਮ ਸਿੰਘ ਨੇ ਸਿੰਘਾਂ ਦੇ ਪੰਜ ਜੱਥੇ ਬਣਾ ਲਏ ਸਨ।
ਦੋ ਜੱਥੇ ਖੱਬੇ ਹੱਥ ਭਾਈ ਕਰੋੜਾ ਸਿੰਘ ਦੀ ਕਮਾਨ ਹੇਠ ਸਨ। ਭਾਈ ਕਰੋੜਾ ਸਿੰਘ ਤੋਂ ਹੀ ਅੱਗੇ ਜਾ ਕੇ ਇਹ ਮਿਸਲ ਕਰੋੜ ਸਿੰਘੀਆ ਕਰਕੇ ਜਾਣੀ ਜਾਣ ਲੱਗੀ।
ਦੇ ਜੱਥੇ ਸੱਜੇ ਪਾਸੇ ਭਾਈ ਨਾਹਰ ਸਿੰਘ ਤੇ ਪਿੰਡਾ ਸਿੰਘ ਦੀ ਅਗਵਾਈ
