ਚੁੱਕਾ ਹੈ। ਕਿਰਪਾਨ ਦੇ ਮੁੱਠੇ ਵਿਚ ਹੱਥ ਸੁੱਜ ਗਿਆ ਹੈ। ਘੋੜੇ ਜਖ਼ਮੀ ਹੋ ਚੁੱਕੇ ਹਨ। ਪਰ ਸਿਦਕ ਸਿੰਘ ਦੇ ਸਿਦਕ ਨੂੰ ਕੋਈ ਛੋਹ ਵੀ ਨਹੀਂ ਸਕਿਆ।
"ਜੋ ਵੀ ਸਾਡੇ ਵਿਚੋਂ ਜਿਉਂਦਾ ਰਹੇਗਾ, ਚੜ੍ਹਤ ਸਿੰਘ ਕਰਕੇ ਰਹੇਗਾ ਤੇ ਉਸ ਦਾ ਦੇਣਦਾਰ ਹੋਵੇਗਾ"
"ਮਹਾਰਾਜ ਕ੍ਰਿਪਾ ਕਰਨ ਤੇ ਚੜ੍ਹਤ ਸਿੰਘ ਦਾ ਪ੍ਰਤਾਪ ਹੋਰ ਵਧੇ"
"ਸਾਰੇ ਪੰਥ ਦਾ ਇਹੋ ਆਗੂ ਹੋਵੇ ਤੇ ਸਰਦਾਰਾਂ ਸਿਰ ਸਰਦਾਰ ਹੋਏ"
ਕੋਈ ਕਹਿ ਰਿਹਾ ਹੈ ਕਿ ਇਹ ਪਾਤਸ਼ਾਹ ਬਣੇ। ਕੋਈ ਕਹਿੰਦਾ ਹੈ ਲਾਹੌਰ ਦੇ ਤਖਤ 'ਤੇ ਬੈਠੇ। ਕਿਧਰੋਂ ਆਵਾਜ਼ ਆ ਰਹੀ ਹੈ ਕਿ ਮੁਲਤਾਨ, ਪਿਸ਼ੋਰ ਵੀ ਇਸਦਾ ਸਿੱਕਾ ਚੱਲੇ। ਕੋਈ ਕਹਿੰਦਾ ਹੈ ਕਸ਼ਮੀਰ, ਕਾਬਲ ਤੀਕ ਇਸ ਦੇ ਝੰਡੇ ਭੁਲਣ। ਦਿੱਲੀ, ਦੱਖਣ, ਪਹਾੜ ਤੇ ਕੁਲ ਦਿਸ਼ਾਵਾਂ ਵਿਚ ਚੜ੍ਹਤ ਸਿੰਘ ਦਾ ਰਾਜ ਹੋਵੇ। ਚਾਰੇ ਕੂੰਟਾਂ ਵਿਚ ਸਰਦਾਰ ਚੜ੍ਹਤ ਸਿੰਘ ਦੀ ਜੈ ਜੈ ਕਾਰ ਹੋਵੇ।
ਐਸੀਆਂ ਆਸੀਸਾਂ ਮਾਈਆਂ ਬੀਬੀਆਂ ਦੇ ਰਹੀਆਂ ਹਨ, ਜਿਹਨਾਂ ਦੇ ਬੱਚਿਆਂ ਦਾ ਰਾਖਾ ਬਣ ਕੇ ਚੜ੍ਹਤ ਸਿੰਘ ਸਭ ਦੇ ਹਿੱਸੇ ਦੇ ਫੱਟ ਆਪਣੇ ਸਿਰ ਲੈ ਰਿਹਾ ਹੈ।
ਹੁਣ ਤਾਂ ਹਾਲਾਤ ਇਹ ਹੋ ਗਈ ਹੈ ਕਿ ਵਹੀਰ ਵਿਚ ਜਿਸ ਨੂੰ ਵੀ ਕਿਸੇ ਪਾਸਿਓ ਪਠਾਨਾ ਦੇ ਹੱਲੇ ਦਾ ਭੈਅ ਹੁੰਦਾ ਹੈ ਉਹ ਚੜ੍ਹਤ ਸਿੰਘ ਵੱਲ ਚਲਾ ਜਾਂਦਾ ਹੈ। ਜਿੱਧਰ ਜਿੱਧਰ ਚੜਤ ਸਿੰਘ ਜਾਂਦਾ ਹੈ, ਵਹੀਰ ਉਸੇ ਪਾਸੇ ਜਾਂਦੀ ਹੈ।
"ਸ਼ਹੀਦ ਸਿੰਘ ਨਾਲ ਹਨ ਸਰਦਾਰ ਚੜ੍ਹਤ ਸਿੰਘ ਦੇ ਤੇ ਉਹ ਸਰਦਾਰ ਦੀ ਕਦੇ ਹਾਰ ਨਹੀਂ ਹੋਣ ਦੇਣਗੇ... ਤੁਸੀਂ ਦੇਖਿਓ ਸਰਦਾਰ ਸਾਡਾ ਸਭ ਦਾ ਮੁਕਤੀ ਦਾਤਾ ਬਣੇਗਾ ਤੇ ਸ਼ੁਕਰਚੱਕੀਆਂ ਦਾ ਸਿੱਕਾ ਕਾਬਲ ਕੰਧਾਰ ਤੀਕ ਚੱਲੇਗਾ "
"ਇਕ ਬਾਬੇ ਨੇ ਭਵਿੱਖਤ ਵਾਕ ਕਹੇ ਤੇ ਵਹੀਰ ਲਗਾਤਾਰ ਜੂਝ ਰਹੇ ਸਰਦਾਰ ਚੜ੍ਹਤ ਸਿੰਘ ਲਈ ਅਰਦਾਸਾਂ ਕਰਦਾ ਰਿਹਾ.
ਜਿਉਂ ਜਿਉਂ ਬਾਬਾ ਸਾਨੂੰ ਦੱਸ ਰਿਹਾ ਹੈ ਕਿ ਕਿਵੇਂ ਵਹੀਰ ਸਰਦਾਰ ਚੜ੍ਹਤ ਸਿੰਘ ਨੂੰ ਰਾਜ ਭਾਗ ਦੀਆਂ ਅਸੀਸਾਂ ਦੇ ਰਹੀ ਹੈ, ਤਿਉਂ ਤਿਉਂ ਮੇਰੇ ਸਾਰੇ ਪਿੰਡੇ 'ਤੇ ਲੂ ਕੰਢੇ ਖੜ੍ਹੇ ਹੋ ਰਹੇ ਹਨ ਤੇ ਮੈਂ ਬਿੰਦ ਬਿੰਦ ਮਗਰੋਂ ਆਪਣੀਆਂ ਬਾਹਵਾਂ 'ਤੇ ਹੱਥ ਫੇਰ ਰਿਹਾ ਹਾਂ। ਪਤਾ ਨਹੀਂ ਸਰਦਾਰ ਚੜ੍ਹਤ ਸਿੰਘ ਦਾ ਨਾਮ ਸੁਣਦਿਆਂ ਹੀ ਮੈਨੂੰ ਧੁੜਧੜੀ ਜਹੀ ਕਿਉਂ ਛਿੜ ਜਾਂਦੀ ਸੀ।
