ਅਗਲੀ ਸਵੇਰ ਅੰਮ੍ਰਿਤ ਵੇਲੇ ਸਾਰਾ ਪੰਥ ਇਕੱਠਾ ਹੋ ਕੇ ਉੱਥੇ ਆਇਆ ਤੇ ਨਿਸ਼ਾਨ ਸਾਹਿਬ ਗੋੜ ਦਿੱਤੇ ਗਏ। ਨਗਾਰੇ ਸਜਾ ਦਿੱਤੇ ਗਏ। ਚੌਰ ਸਾਹਿਬ ਕਰਦੇ ਸਿੰਘ ਨੂੰ ਉਸ ਥਾਂ ਦਾ ਮੁਖਤਿਆਰ ਲਾਇਆ ਗਿਆ, ਜੋ ਸਦਾ ਉਹਨਾਂ ਪਾਵਨ ਸਥਾਨਾਂ ਦੀ ਸੇਵਾ ਸੰਭਾਲ ਲਈ ਹਾਜ਼ਰ ਰਹੇਗਾ।
ਸਰਬੱਤ ਖਾਲਸੇ ਨੇ ਉੱਥੇ ਕੜਾਹ ਪ੍ਰਸਾਦਿ ਕਰਵਾਇਆ। ਬਹੁਤ ਚੜ੍ਹਾਵਾ ਚੜਾਇਆ ਗਿਆ । ਦਲ ਦੇ ਰਬਾਬੀ ਸਿੰਘਾਂ ਬੈਠ ਕੇ ਕੀਰਤਨ ਆਰੰਭ ਕੀਤਾ।
ਪੰਥ ਨੇ ਫਤਹਿਗੜ੍ਹ ਸਾਹਿਬ ਤੇ ਬਾਕੀ ਅਸਥਾਨਾਂ ਦੇ ਨਾਮ ਜਗੀਰਾਂ ਲਾਈਆਂ। ਲੰਗਰ ਪਾਣੀ ਦੇ ਪ੍ਰਬੰਧ ਲਈ ਸਿੰਘਾਂ ਨੇ ਸਰਹੰਦ ਦਾ ਪਟਾ ਇਹਨਾਂ ਸ਼ਹੀਦੀ ਅਸਥਾਨਾਂ ਦੇ ਨਾਮ ਕਰ ਦਿੱਤਾ।
"ਮੇਰੇ ਪਿਤਾ ਜੀ ਦੱਸਿਆ ਕਰਦੇ ਸਨ ਕਿ ਜਦ ਵੀ ਸਿੰਘ ਉਹਨਾਂ ਸਥਾਨਾਂ 'ਤੇ ਕੜਾਹ ਪ੍ਰਸਾਦਿ ਕਰਵਾ ਕੇ ਕੋਈ ਵੀ ਅਰਦਾਸ ਕਰਦੇ ਹਨ ਉਹ ਪੂਰੀ ਹੁੰਦੀ ਹੈ"
ਤੇ ਇਸ ਤਰ੍ਹਾਂ ਪੰਥ ਨੇ ਫਤਹਿਗੜ੍ਹ ਸਾਹਿਬ ਤੇ ਬਾਕੀ ਅਸਥਾਨ ਪ੍ਰਗਟ ਕੀਤੇ।
ਸਰਹੱਦ ਹਮਲੇ ਤੋਂ ਸਿੰਘਾਂ ਹੱਥ ਲੱਖਾਂ ਰੁਪਈਆ ਹੱਥ ਲੱਗਿਆ। ਇਕੱਲੇ ਸਰਦਾਰ ਜੱਸਾ ਸਿੰਘ ਦੇ ਹਿੱਸੇ ਹੀ ਨੋ ਲੱਖ ਰੁਪਈਆ ਆਇਆ। ਸਿੰਘਾਂ ਦੇ ਚੇਲਿਆਂ ਨੂੰ ਖੀਸੇ ਤਾਂ ਸਨ ਹੀ ਨਹੀਂ, ਸੋ ਨਿੱਜੀ ਮਾਇਆ ਤਾਂ ਸਿੰਘ ਪਹਿਲਾਂ ਵੀ ਨਹੀਂ ਰੱਖਦੇ ਸਨ, ਪਰ ਸਰਹੰਦ ਤੋਂ ਇਕੱਠਾ ਹੋਇਆ ਪੈਸਾ ਤਾਂ ਉਹਨਾਂ ਨੂੰ ਕੋਲ ਰੱਖਣਾ ਗੁਨਾਹ ਹੀ ਜਾਪਦਾ ਸੀ।
ਸਰਦਾਰ ਜੱਸਾ ਸਿੰਘ ਆਹਲੂਵਾਲੀਏ ਨੇ ਸਭ ਸਿੰਘਾਂ ਨੂੰ ਇਕੱੜ ਕੀਤਾ ਤੇ ਕਹਿਨ ਲੱਗੇ,
"ਖਾਲਸਾ ਜੀ, ਜਿਵੇਂ ਕਿ ਆਪ ਜੀ ਦੇ ਗਿਆਤ ਹੀ ਹੈ ਕਿ ਘੱਲੂਘਾਰੇ ਤੋਂ ਮੁੜਦਾ ਅਬਦਾਲੀ, ਏਸ ਗੁੱਸੇ ਵਿਚ ਕਿ ਉਹ ਸਿਖਾਂ ਨੂੰ ਪੂਰੀ ਤਰ੍ਹਾਂ ਖਤਮ ਨਹੀਂ ਕਰ ਸਕਿਆ, ਦਰਬਾਰ ਸਾਹਿਬ ਨੂੰ ਬਾਰੂਦ ਨਾਲ ਉਡਾ ਗਿਆ ਸੀ। ਮੇਰੀ ਸਰਬੱਤ ਪੰਥ ਅੱਗੇ ਇਹੋ ਸਲਾਹ ਹੈ ਕਿ ਸਰਹੰਦ ਤੋਂ ਇਕੱਠੀ ਹੋਈ ਮਾਇਆ ਅਸੀਂ ਦਰਬਾਰ ਸਾਹਿਬ ਦੀ ਮੁੜ ਉਸਾਰੀ 'ਤੇ ਲਾਈਏ। ਇਸ ਕਾਰਜ
