ਲਈ ਸਭ ਤੋਂ ਪਹਿਲਾਂ ਮੈਂ ਆਪਣੇ ਹਿੱਸੇ ਦੀ ਮਾਇਆ ਭੇਟ ਕਰਦਾ ਹਾਂ”

ਤੇ ਇਹ ਕਹਿੰਦਿਆਂ ਸਰਦਾਰ ਨੇ ਇਕ ਚਾਦਰ ਸੰਗਤ ਦੇ ਸਨਮੁਖ ਵਿਛਾ ਦਿੱਤੀ ਤੇ ਉਸ ਨੂੰ ਗੁਰੂ ਕੀ ਚਾਦਰ ਕਹਿੰਦਿਆਂ ਨੌ ਲੱਖ ਰੁਪਈਆ ਉਸ ਉੱਤੇ ਢੇਰ ਕਰ ਦਿੱਤਾ। ਬਾਕੀ ਸਿੰਘਾਂ ਨੇ ਵੀ ਮਾਇਆ ਉਸ ਚਾਦਰ ਉੱਤੇ ਦੌਰ ਕਰਨੀ ਸ਼ੁਰੂ ਕੀਤੀ ਤੇ ਚੌਦਾਂ ਪੰਦਰਾਂ ਲੱਖ ਰੁਪਈਆ ਇਕੰਤ ਹੋ ਗਿਆ। ਸਾਰੀ ਮਾਇਆ ਸਰਦਾਰਾਂ ਨੇ ਭਾਈ ਦੇਸ ਰਾਜ ਬਿਧੀਚੰਦੀਏ ਦੇ ਸਪੁਰਦ ਕਰ ਦਿੱਤੀ ਤੇ ਭਾਈ ਦੇਸ ਰਾਜ ਨੇ ਦਰਬਾਰ ਸਾਹਿਬ ਦੀ ਸੇਵਾ ਦਾ ਕਾਰਜ ਆਪਣੇ ਹੱਥ ਲਿਆ।