"ਇਹਨਾਂ ਨੂੰ ਮੇਰਾ ਰਤਾ ਭੈਅ ਨਹੀਂ ਰਿਹਾ ", ਅਬਦਾਲੀ ਨੇ ਪਤਾ ਨਹੀਂ ਇਹ ਗੱਲ ਸਵਾਲ ਰੂਪ ਵਿਚ ਕੀਤੀ ਸੀ ਜਾਂ ਵਿਚਾਰਗੀ ਵਿਚ, ਪਰ ਕੋਈ ਅਫਗਾਨ ਸਰਦਾਰ ਜਵਾਬ ਵਿਚ ਨਾ ਬੋਲਿਆ। ਮੁੱਠੀ ਭਰ ਸਿੰਘਾਂ ਨੇ ਦੀਨਾ ਨਗਰ ਅਫਗਾਨਾਂ ਉੱਤੇ ਹਮਲਾ ਕਰ ਦਿੱਤਾ। ਅਬਦਾਲੀ ਲਸ਼ਕਰ ਲਾਹੌਰ ਨੂੰ ਹੋ ਤੁਰਿਆ। ਅਬਦਾਲੀ ਦਾ ਚਾਚਾ ਸਰ ਬੁਲੰਦ ਖਾਂ ਵੀ ਉਸ ਨਾਲ ਆ ਰਲਿਆ ਸੀ। ਬਟਾਲੇ ਕੋਲ ਸਿੰਘਾਂ ਫੇਰ ਅਫਗਾਨਾਂ ਉੱਤੇ ਹੱਲਾ ਬੋਲ ਦਿੱਤਾ। ਇਸ ਹਮਲੇ ਵਿਚ ਸਰ ਬੁਲੰਦ ਖਾਂ ਜ਼ਖਮੀ ਹੋ ਗਿਆ। ਸਿੰਘਾਂ ਦਾ ਜੋਸ਼ ਐਸਾ ਕਿ ਅਬਦਾਲੀ ਨੂੰ ਵੀ ਭੱਜ ਕੇ ਜਾਨ ਬਚਾਉਣੀ ਪਈ। ਉਹ ਲਾਹੌਰ ਜਾਣ ਦੀ ਥਾਂ ਆਕਲ ਦਾਸ ਨਿਰੰਜਨੀਏ ਕੋਲ ਜੰਡਿਆਲੇ ਜਾ ਬੈਠਾ।

ਖਾਲਸਾ ਹੁਣ ਰੁਕਣ ਵਾਲਾ ਕਦ ਸੀ। ਉਹਨਾਂ ਜੰਡਿਆਲੇ ਉੱਤੇ ਚੜਾਈ