"ਅੱਲਾਹ ਕਰੋ, ਸਰਦਾਰ ਚੜ੍ਹਤ ਸਿੰਘ ਜਲਦੀ ਹੀ ਬਾਦਸ਼ਾਹ ਬਣੇ ਤੇ ਪੰਜਾਬ ਦੀ ਵਾਗਡੋਰ ਸੰਭਾਲੇ। ਮੇਰੇ ਜਿਹਾ ਨਾਚੀਜ਼ ਸਰਦਾਰ ਦਾ ਫੌਜਦਾਰ ਕਹਾਉਣ ਵਿਚ ਮਾਣ ਮਹਿਸੂਸ ਕਰੇਗਾ"

ਇਹ ਸੁਣ ਕੇ ਸਰਦਾਰ ਬੋਲਿਆ, "ਬਾਦਸ਼ਾਹੀ ਤਾਂ ਸਤਿਗੁਰੂ ਸੱਚੇ ਪਾਤਸ਼ਾਹ ਖਾਲਸੇ ਨੂੰ ਬਖਸ਼ ਹੀ ਗਏ ਹਨ ਖਾਂ ਸਾਹਬ। ਤੁਹਾਡੇ ਨਾਲ ਕੋਈ ਨਿੱਜੀ ਵੈਰ ਵਿਰੋਧ ਨਹੀਂ। ਤੁਹਾਨੂੰ ਤਾਂ ਅਸੀਂ ਕੈਦ ਸਿਰਫ ਇਸ ਲਈ ਕੀਤਾ ਹੈ ਕਿ ਅਬਦਾਲੀ ਤੱਕ ਖਬਰ ਪਹੁੰਚ ਜਾਏ ਕਿ ਸਿੰਘਾਂ ਨੇ ਉਸ ਦਾ ਚਾਚਾ ਕੈਦ ਕਰ ਲਿਆ ਹੈ।"

"ਪਰ ਜੇ ਤੁਸੀਂ ਮੈਨੂੰ ਰਿਹਾ ਕਰ ਦੇਵੇ ਤਾਂ ਇਹ ਗੱਲ ਖਾਲਸੇ ਦੇ ਸੁਭਾਅ ਦੇ ਜਿਆਦਾ ਨੇੜੇ ਹੋਏਗੀ। ਖਾਲਸਾ ਸ਼ਰਨ ਆਇਆ 'ਤੇ ਸਦਾ ਰਹਿਮ ਕਰਦਾ ਹੈ। ਇਹ ਗੋਲ ਵੱਡੀ ਸੋਭਾ ਵਾਲੀ ਹੋਵੇਗੀ ਕਿ ਸਿੰਘਾਂ ਹੱਥ ਅਬਦਾਲੀ ਦਾ ਚਾਚਾ ਆ ਗਿਆ ਸੀ ਤੇ ਉਹਨਾਂ ਨੇ ਮੁਆਫ ਕਰਦਿਆਂ ਛੱਡ ਦਿੱਤਾ", ਸਰਬੁਲੰਦ ਖਾਂ ਦੀ ਇਹ ਗੋਲ ਸੁਣ ਕੇ ਸਰਦਾਰ ਚੜਤ ਸਿੰਘ ਪ੍ਰਸੰਨ ਹੋਇਆ ਤੇ ਉਸ ਨੂੰ ਛੱਡ ਦਿੱਤਾ