ਪਹਿਲੋਂ ਜੇੜ੍ਹੀ ਲੰਮੀ ਚੌੜੀ,

ਪਿੱਛੋਂ ਘਟਦੀ ਜਾਵੇ।

ਦਾਨੇ ਦਾ ਮਿਤ ਜਾਣੋਂ ਬੈਠਾ

ਪਿਛਲ ਦੁਪਹਿਰੀ ਛਾਵੇਂ।

ਪਹਿਲੋਂ ਥੋੜੀ ਪਿੱਛੋਂ ਜਿਹੜੀ

ਹਰ ਛਿਨ ਵਧਦੀ ਜਾਵੇ॥

 

੬੧.      'ਮਛਲੀ 'ਹਰਨ' 'ਭਲੇ ਜਨ ਭਾਈ!

ਤ੍ਰੈਏ ਨ ਕਿਸੇ ਦੁਖਾਂਦੇ,

ਵਿਚ ਸੰਤੋਖ 'ਭਲੇ', 'ਮਿਗ੍ਰ' 'ਮੱਛੀ'

ਜਲ ਤ੍ਰਿਣ 'ਦੋਵੇਂ ਖਾਂਦੇ।

ਪਰ 'ਝੀਵਰ' 'ਬਘਿਆੜ 'ਕੁਟਿਲ ਜਨ

ਬਿਨ ਛੇੜੇ ਆ ਜਾਵਨ,

ਆਨ ਅਕਾਰਣ ਨਾਲ ਤ੍ਰੈਆਂ ਦੇ

ਐਵੇਂ ਵੈਰ ਕਮਾਂਦੇ।

ਸੱਜਣ ਪ੍ਰਸੰਸਾ

੬੨.      ਜਿਨ੍ਹਾਂ ਇੱਲ੍ਹਾ ਸੰਗ ਸਤਿਸੰਗੀਆਂ ਦੀ,

ਪਾਏ ਗੁਣਾਂ ਦੇ ਨਾਲ ਪਿਆਰ ਭਾਈ!

ਵੱਡਿਆਂ ਨਾਲ ਜੋ ਨਿੰਮ੍ਰਤਾ ਧਾਰਦੇ ਨੀ,

ਵਿੱਦਯਾ ਨਾਲ ਹੈ ਜਿਨ੍ਹਾਂ ਪਰੀਤ ਪਾਈ।

ਵਹੁਟੀ ਆਪਣੀ ਦੇ ਨਾਲ ਪ੍ਯਾਰ ਕਰਦੇ,

ਲੋਕ ਨਿੰਦਿਆ ਤੋਂ ਜਿਨ੍ਹਾਂ ਘ੍ਰਿਣਾ ਆਈ।

ਅਪਣੇ ਆਪ ਨੂੰ ਵੱਸ ਕਰ ਰੱਖਦੇ ਨੀ,

ਜਿਨ੍ਹਾਂ ਰੱਬ ਦੇ ਨਾਲ ਹੈ ਭਗਤਿ ਲਾਈ।