ਰਲੇ ਮਿਲੇ
१०४. "ਕਿਸਨੂੰ ਲਾਭ ਕਹੋ ਹੋ ਭਾਈ?
ਗੁਣੀਆਂ ਦੀ ਜੋ ਸੰਗਤ।
ਕਿਸਨੂੰ ਦੁੱਖ ਕਹੋ ਹੋ ਭਾਈ ?
ਬੈਠਣ ਮੂਰਖ ਪੰਗਤ।
ਕਿਸਨੂੰ ਘਾਟਾ ਕਹਿੰਦੇ ਸ੍ਯਾਣੇ?
'ਵੇਲੇ ਸਿਰ ਚੁਕ ਜਾਣਾ'।
ਕਿਸਨੂੰ ਕਹਿਣ 'ਨਿਪੁਨ ਹੋ ਜਾਣਾ ?
ਪ੍ਯਾਰ ਧਰਮ ਸੰਗ ਲਾਣਾ।
ਕਿਸਨੂੰ ਕਹੀਏ ਬੀਰ ਬਹਾਦੁਰ?
ਇੰਦ੍ਰੇ ਜਿਸ ਵੱਸ ਪਾਏ।
ਤੀਮੀ ਪ੍ਯਾਰੀ ਕਿਹੜੀ ਕਹੀਏ ?
ਪਤਿ ਅਨਕੂਲ ਸੁਹਾਏ॥
ਕਿਸਨੂੰ 'ਸੁੱਖ ਕਹੋ ਹੇ ਸੱਜਨ ?
ਦੇਸ਼ ਆਪਣਾ ਮੱਲੇ'
ਕਿਸਨੂੰ 'ਰਾਜ' ਸਿਆਣੇ ਕਹਿੰਦੇ?
ਆਗਯਾ ਅਪਣੀ ਚੱਲੇ।
ਧਨ ਕਿਸਨੂੰ ਹਨ ਕਹਿੰਦੇ ਭਾਈ?
'ਵਿਦਯਾ' ਜਿਸਨੂੰ ਕਹਿੰਦੇ।
ਪੁਤਰ ਕਿਸਨੂੰ ਕਹਿਣਾ ਚਹੀਏ ?
ਜੋ ਆਗਯਾ ਵਿਚ ਰਹਿੰਦੇ॥
––––––––––––
੧. ਅਰਥ ਸਪਸ਼ਟ ਕਰਨ ਲਈ ਇਹ ਸਤਰ ਪਾਈ ਗਈ ਹੈ।
੨. ਸਾਲੀ ਚਾਵਲ ।
