ਕੋਈ ਹੈਰਾਨੀ ਨਹੀਂ ਕਿ ਐਸੇ ਲੋਕ ਜਿਨ੍ਹਾਂ ਦਾ ਜੀਵਨ ਕਾਫੀ ਜਨਤਕ ਹੁੰਦਾ ਹੈ ਅਤੇ ਉਹ ਲੋਕਾਂ ਦੀਆਂ ਨਜ਼ਰਾਂ ਵਿਚ ਰਹਿੰਦੇ ਹਨ, ਉਨ੍ਹਾਂ ਨੂੰ ਆਪਣਾ ਇਕ 'ਅਕਸ' ਬਣਾ ਕੇ ਰੱਖਣ ਦੀ ਲੋੜ ਹੁੰਦੀ ਹੈ। ਐਸੇ ਲੋਕ ਅਕਸਰ ਇਹ ਹਰਕਤ ‘ਛੁਪਾ’ ਕੇ ਕਰਦੇ ਹਨ, ਜਾਂ ਰੂਪ ਵਟਾ ਕੇ ਕਰਦੇ ਹਨ। ਪਰ ਅਸੀਂ ਫਿਰ ਵੀ ਇਸ ਨੂੰ ਟੈਲੀਵੀਜ਼ਨ ਦੇ ਕੈਮਰੇ ਰਹੀਂ ਅਕਸਰ ਦੇਖ ਲੈਂਦੇ ਹਾਂ। ਸੋ ਐਸੇ ਲੋਕਾਂ ਨੂੰ ਆਪਣਾ ਅਕਸ ਕਾਇਮ ਰੱਖਣ ਲਈ ਹੋਰ ਜ਼ਿਆਦਾ ਮਿਹਨਤ ਕਰਨੀ ਪੈਂਦੀ ਹੈ, ਹਾਲਾਂਕਿ ਅੰਦਰੋਂ ਉਹ ਬੇਚੈਨੀ ਅਤੇ ਬੇ-ਆਰਾਮੀ ਮਹਿਸੂਸ ਕਰ ਰਹੇ ਹੁੰਦੇ ਹਨ।

ਗੱਪ ਸ਼ਪ ਦੇ ਰਸਾਲੇ ਹਮੇਸ਼ਾ ਹੀ ਵੱਖੋ-ਵੱਖਰੀਆਂ ਥਾਵਾਂ ਅਤੇ ਸਮਾਰੋਹਾਂ ਆਦਿ ਵਿਚ ਪਹੁੰਚ ਰਹੀਆਂ ਹਸਤੀਆਂ ਅਤੇ ਜੋੜੀਆਂ ਦੀਆਂ ਫੋਟੋਆਂ ਛਾਪਦੇ ਰਹਿੰਦੇ ਹਨ। ਕੌਣ ਕਿਸਦੇ ਨਾਲ ਸੀ? ਉਹ ਲੜਕੀ ਕਿਸ ਦੇ ਨਾਲ ਆਈ? ਕੌਣ ਉਸ ਨਾਲ ਜਾ ਰਿਹਾ ਹੈ? ਉਸ ਨੇ ਆਪਣੇ ਦੋਸਤ ਨੂੰ ਕਿੱਦਾਂ ਪਕੜਿਆ ਹੋਇਆ ਹੈ? ਉਸ ਵੱਲ ਕਿੱਦਾਂ ਦੇਖ ਰਹੀ ਹੈ? ਉਨ੍ਹਾਂ ਦੇ ਸਰੀਰ ਦੀ ਭਾਸ਼ਾ ਕੀ ਕਹਿ ਰਹੀ ਹੈ? ਹਰ ਛੋਟੀ ਜਿਹੀ ਹਰਕਤ ਅਤੇ ਸਰੀਰਕ ਭਾਸ਼ਾ ਦਾ ਛੋਟਾ ਜਿਹਾ ਇਸ਼ਾਰਾ ਵੀ ਪਕੜ ਲਿਆ ਜਾਂਦਾ ਹੈ ਅਤੇ ਹਰ ਛੋਟੇ ਜਿਹੇ ਸਬੂਤ ਨੂੰ ਵੀ ਉਨ੍ਹਾਂ ਦੇ ਵਿਰੁੱਧ ਵਰਤਿਆ ਜਾਂਦਾ ਹੈ।

ਸੋ ਜਾਣੀਆਂ ਪਹਿਚਾਣੀਆਂ ਤੇ ਮਸ਼ਹੂਰ ਹਸਤੀਆਂ, ਜਿਨ੍ਹਾਂ ਨੂੰ ਜਨਤਾ ਵਿਚ ਆਪਣਾ ਇਕ ਅਕਸ ਦਿਖਾਉਣ ਅਤੇ ਬਣਾਈ ਰੱਖਣ ਦੀ ਲੋੜ ਹੁੰਦੀ ਹੈ, ਉਹ ਅਕਸਰ ਆਪਣੇ ਸਰੀਰ ਅੱਗੋਂ ਇਕ ਬਾਂਹ ਲੰਘਾਉਣ ਦੀ ਹਰਕਤ ਕਰਦੇ ਹਨ। ਖਾਸ ਕਰ ਜਦੋਂ ਉਹ ਕਿਸੇ ਸਮਾਰੋਹ ਵਿਚ ਜਾ ਰਹੇ ਹੋਣ ਅਤੇ ਕਿਸੇ ਖਾਸ ਸਥਾਨ ਤੇ ਹੋਣ। ਕਈ ਵਾਰੀ ਉਹ ਆਪਣੀ ਬਾਂਹ ਅੱਗੋਂ ਲੰਘਾ ਕੇ ਘੜੀ ਦੀ ਜੰਜ਼ੀਰ ਠੀਕ ਕਰਦੇ ਹਨ। (ਇਹ ਵੱਖਰੀ ਗੱਲ ਹੈ ਕਿ ਉਨ੍ਹਾਂ ਨੇ ਘੜੀ ਪਾਈ ਹੀ ਨਾ ਹੋਵੇ !) ਕੋਈ ਹੋਰ ਵਿਅਕਤੀ ਆਪਣੀ ਟਾਈ ਨੂੰ ਸਿੱਧਾ ਕਰੇਗਾ—ਜਿਹੜੀ ਪਹਿਲਾਂ ਹੀ ਸਿੱਧੀ ਹੋਵੇ। ਹੱਥ ਦੂਜੇ ਪਾਸੇ ਵਾਲੇ ਕੰਨ ਵੱਲ ਜਾਵੇਗਾ ਅਤੇ ਕਾਂਟੇ ਨੂੰ ਠੀਕ ਕਰਨ ਦੀ ਕੋਸ਼ਿਸ਼ ਕਰੇਗਾ। ਇਹ ਸਾਰਾ ਕੁਝ ਸਿਰਫ ਸੁਰੱਖਿਅਤ ਮਹਿਸੂਸ ਕਰਨ ਦਾ ਇਕ ਤਰੀਕਾ ਹੈ ਤੇ ਪੱਕਾ ਰੱਖਿਆ ਬੈਰੀਅਰ (ਇਕ ਦੂਜੇ ਵਿਚ ਫਸੀਆਂ ਬਾਹਵਾਂ) ਨਾ ਹੋਣ ਕਰਕੇ ਕੀਤਾ ਜਾਂਦਾ ਹੈ।

ਰਾਜ ਘਰਾਣਿਆਂ ਦੇ ਲੋਕ

ਇੰਗਲੈਂਡ ਦੇ ਰਾਜ ਘਰਾਣੇ ਦੇ ਮੈਂਬਰ ਇਸ ਕੰਮ ਲਈ ਬਹੁਤ ਵਾਰੀ ਘੋਖੇ ਜਾਂਦੇ ਹਨ। ਉਨ੍ਹਾਂ ਦੇ ਜਨਤਾ ਵਿਚ ਆਉਣ ਦੇ ਮੌਕੇ ਹੀ ਇੰਨੇ ਜ਼ਿਆਦਾ ਹੁੰਦੇ ਹਨ ਕਿ ਇਹ ਘੋਖ ਕੁਦਰਤੀ ਹੀ ਹੈ। ਸੋ ਅਸੀਂ ਬਹੁਤ ਵਾਰ ਉਨ੍ਹਾਂ ਦੀ ਬੇਆਰਾਮੀ ਦੇਖਦੇ ਹਾਂ, ਹਾਲਾਂਕਿ ਉਨ੍ਹਾਂ ਨੂੰ ਇਸ ਕੰਮ ਦਾ ਵਰ੍ਹਿਆਂ ਬੱਧੀ ਅਭਿਆਸ ਹੁੰਦਾ ਹੈ।

ਮਹਾਰਾਣੀ ਬਾਰੇ ਮਸ਼ਹੂਰ ਹੈ, ਕਿ ਉਹ ਆਪਣੇ ਕੋਲ ਹਮੇਸ਼ਾ ਇਕ ਪਰਸ ਰੱਖਦੀ ਹੈ ਜਿਹੜਾ ਉਸ ਦੀ ਬਾਂਹ ਤੇ ਟੰਗਿਆ ਹੁੰਦਾ ਹੈ ਅਤੇ ਸਰੀਰ ਦੇ ਅੱਗੇ ਇਸ ਤਰ੍ਹਾਂ ਇਕ ਪੱਕਾ ਸੁਰੱਖਿਆ ਬੈਰੀਅਰ ਬਣਾ ਦਿੰਦਾ ਹੈ। ਰਾਜਕੁਮਾਰ ਚਾਰਲਜ਼ ਦੀਆਂ ਵੀ ਕੁਝ