ਸੋ ਜਦੋਂ ਤੁਸੀਂ ਔਰਤਾਂ ਦੀ ਸਰੀਰਕ ਭਾਸ਼ਾ ਨੂੰ ਸਮਝਣ ਦੀ ਕੋਸ਼ਿਸ਼ ਕਰ ਰਹੇ ਹੋਵੋ ਤਾਂ ਇਹ ਧਿਆਨ ਕਰੋ ਕਿ ਕੀ ਉਨ੍ਹਾਂ ਦਾ ਹੱਥ ਗਰਦਨ ਤੱਕ ਗਿਆ ਹੈ? ਉਹ ਕਿਸ ਜਗ੍ਹਾ ਤੇ ਹੈ? ਕੀ ਉਹ ਗਲੇ ਦੇ ਹਾਰ ਨੂੰ ਛੇੜ ਰਹੀ ਹੈ ਜਾਂ ਗਲੇ ਤੇ ਖਾਰਿਸ਼ ਕਰ ਰਹੀ ਹੈ ਜਾਂ ਗਲੇ ਨੂੰ ਘੁਟ ਕੇ ਪਕੜ ਹੀ ਲਿਆ ਹੈ। ਇਸ ਤੋਂ ਹੀ ਸਾਨੂੰ ਪਤਾ ਲੱਗ ਜਾਵੇਗਾ ਕਿ ਬੇਆਰਾਮੀ ਕਿੰਨੀ ਜ਼ਿਆਦਾ ਹੈ। ਇਕ ਵਾਰੀ ਫਿਰ ਤੁਹਾਨੂੰ ‘ਸਮੂਹ’ ਦੇਖਣੇ ਪੈਣੇਗੇ ਤਾਂਕਿ ਤੁਸੀਂ ਸਹੀ ਸਹੀ ਅੰਦਾਜ਼ਾ ਲਗਾ ਸਕੋ।

“ ਇਕ ਵਾਰ ਫਿਰ ਇਸ਼ਾਰਿਆਂ ਦੇ ‘ਸਮੂਹ’ ਵਲ ਧਿਆਨ ਕਰੋ।”

ਪੈਰ

ਬਾਹਵਾਂ ਵਾਂਗ ਹੀ ਪੈਰਾਂ ਦੀਆਂ ਹਰਕਤਾਂ ਤੋਂ ਵੀ ਅਸੀਂ ਬਹੁਤ ਕੁਝ ਸਮਝ ਸਕਦੇ ਹਾਂ। ਖਾਸ ਕਰਕੇ ਉਦੋਂ, ਜਦੋਂ ਅਸੀਂ ਪੈਰਾਂ ਦੀਆਂ ਹਰਕਤਾਂ ਨੂੰ ਬਾਹਵਾਂ ਵਲੋਂ ਮਿਲ ਰਹੇ ਇਸ਼ਾਰਿਆਂ ਨਾਲ ਮਿਲਾਕੇ ਇਕ 'ਸਮੂਹ' ਦੇ ਰੂਪ ਵਿਚ ਦੇਖਦੇ ਹਾਂ। ਪੈਰ ਵੀ ਮਹੱਤਵਪੂਰਨ ਹੁੰਦੇ ਹਨ। ਸਾਡੇ ਅੰਦਰ ਇਹ ਭਾਵਨਾ ਪੱਕੀ ਤਰ੍ਹਾਂ ਬਣ ਚੁੱਕੀ ਹੁੰਦੀ ਹੈ ਕਿ ਜਿਸ ਚੀਜ਼ ਜਾਂ ਵਿਅਕਤੀ ਨੂੰ ਅਸੀਂ ਪਸੰਦ ਕਰਦੇ ਹਾਂ, ਅਸੀਂ ਉਸੇ ਵੱਲ ਹੀ ਮੁੜ ਜਾਂਦੇ ਹਾਂ। ਜਦੋਂ ਸਾਡੇ ਕਿਸੇ ਚੀਜ਼ ਜਾਂ ਵਿਅਕਤੀ ਵਲੋਂ ਮੁੜ ਕੇ ਦੂਜੇ ਪਾਸੇ ਹੁੰਦੇ ਹਨ ਤਾਂ ਇਸ ਦਾ ਮਤਲਬ ਇਹੀ ਹੁੰਦਾ ਹੈ ਕਿ ਅਸੀਂ ਉਸ ਸਥਿਤੀ ਤੋਂ ਦੂਰ ਹੋਣਾ ਚਾਹੁੰਦੇ ਹਾਂ। ਆਮ ਤੌਰ ਤੇ ਸਾਨੂੰ ਆਪਣੇ ਪੈਰਾਂ ਦੀ ਦਿਸ਼ਾ ਦਾ ਉਦੋਂ ਹੀ ਪਤਾ ਲਗਦਾ ਹੈ ਜਦੋਂ ਅਸੀਂ ਆਪਣੇ ਪੈਰਾਂ ਵੱਲ ਧਿਆਨ ਕਰਦੇ ਹਾਂ, ਉਸ ਤੋਂ ਪਹਿਲਾਂ ਨਹੀਂ।

ਜਿਵੇਂ ਤੁਸੀਂ ਪੰਜਵੇਂ ਅਧਿਆਇ ਵਿਚ ਵੀ ਦੇਖੋਗੇ, ਸਾਰੇ ਸਰੀਰ ਦਾ ਹੇਠਲਾ ਹਿੱਸਾ ਝੂਠ ਨੂੰ ਪਕੜਨ ਵਿਚ ਸਭ ਤੋਂ ਵੱਧ ਮਦਦ ਕਰਦਾ ਹੈ। ਉਹ ਹਰਕਤਾਂ ਜਿਨ੍ਹਾਂ ਨੂੰ ਅਸੀਂ 'ਇਰਾਦਾ ਦੱਸਣ ਵਾਲੀਆਂ ਹਰਕਤਾਂ' ਕਹਿੰਦੇ ਹਾਂ ਉਹ ਲੱਤਾਂ ਅਤੇ ਪੈਰਾਂ ਵਿਚ ਬਹੁਤ ਸਪਸ਼ਟ