ਵੱਲ ਹੋ ਗਿਆ ਹੈ? (ਕਿਤੇ ਐਸਾ ਤਾਂ ਨਹੀਂ ਕਿ ਇਹ ਤੁਹਾਡੇ ਵਲੋਂ ਕਹੀ ਗਈ ਕਿਸੇ ਗੱਲ ਕਰਕੇ ਹੋਇਆ ਹੋਵੇ?)

"ਸਮਝਣ ਦੀ ਕੋਸ਼ਿਸ਼ ਕਰੋ ਕਿ ਕੀ ਇਹ ਮਨੋ-ਸਥਿਤੀ ਕਰਕੇ ਹੈ।”

ਜਦੋਂ ਵੀ ਤੁਹਾਨੂੰ ਅਗਲਾ ਮੌਕਾ ਮਿਲੇ, ਜਦੋਂ ਕੁਝ ਲੋਕ ਖੜ੍ਹੇ ਹੋਕੇ ਗੱਲ ਕਰ ਰਹੇ ਹੋਣ ਤਾਂ ਧਿਆਨ ਨਾਲ ਦੇਖੋ। ਕੀ ਉਨ੍ਹਾਂ ਵਿਚੋਂ ਕਿਸੇ ਦੇ ਪੈਰਾਂ ਦੀ ਦਿਸ਼ਾ ਕਿਸੇ ਖ਼ਾਸ ਵਿਅਕਤੀ ਵੱਲ ਹੈ? ਉਦਾਹਰਣ ਵਜੋਂ ਕੀ ਕਿਸੇ ਮਰਦ ਦਾ ਇਕ ਪੈਰ ਕਿਸੇ ਔਰਤ ਦੀ ਦਿਸ਼ਾ ਵਿਚ ਹੈ? ਜਾਂ ਔਰਤ ਦਾ ਮਰਦ ਦੀ ਦਿਸ਼ਾ ਵਿਚ? ਸਮਾਜਕ ਮੇਲ ਜੋਲ ਵਿਚ ਵੀ ਇਹ ਚੀਜ਼ ਦੇਖੋ ਅਤੇ ਕੰਮ ਕਾਰ ਵਿਚ ਵੀ। ਤੁਹਾਨੂੰ ਇਸ ਤੋਂ ਬਹੁਤ ਕੁਝ ਪਤਾ ਲੱਗੇਗਾ (ਤੁਹਾਡੇ ਆਪਣੇ ਬਾਰੇ ਵੀ!) ਆਮ ਤੌਰ ਤੇ ਸਾਨੂੰ ਇਹ ਨਹੀਂ ਪਤਾ ਹੁੰਦਾ ਕਿ ਅਸੀਂ ਆਪਣੇ ਪੈਰਾਂ ਨਾਲ ਕੀ ਕਰ ਰਹੇ ਹੁੰਦੇ ਹਾਂ।

ਜਦੋਂ ਅਸੀਂ ਇਕ ਦੂਜੇ ਨਾਲ ਬੈਠਕੇ ਗੱਲ ਕਰ ਰਹੇ ਹੁੰਦੇ ਹਾਂ ਤਾਂ ਅਸੀਂ ਇਕ ਹਰਕਤ ਆਮ ਹੀ ਕਰਦੇ ਹਾਂ। ਇਸ ਨਾਲ ਅਸੀਂ ਇਹ ਇਸ਼ਾਰਾ ਕਰ ਰਹੇ ਹੁੰਦੇ ਹਾਂ ਕਿ ਅਸੀਂ ਹੁਣ ਜਾਣਾ ਚਾਹੁੰਦੇ ਹਾਂ। ਆਮ ਤੌਰ ਤੇ ਇਹ ਹਰਕਤ ਅਚੇਤ ਹੀ ਹੁੰਦੀ ਹੈ। ਅਸੀਂ ਆਪਣੇ ਪੈਰ ਬਾਹਰ ਜਾਣ ਦੀ ਦਿਸ਼ਾ ਵਿਚ ਕਰਦੇ ਹਾਂ। ਸਾਡੇ ਹੱਥ ਕੁਰਸੀ ਦੀਆਂ ਬਾਹਾਂ ਤੇ ਆਕੇ ਟਿਕ ਜਾਂਦੇ ਹਨ (ਜੇ ਕੁਰਸੀ ਦੀਆਂ ਬਾਹਵਾਂ ਨਾ ਹੋਣ ਤਾਂ ਇਹ ਸਾਡੇ ਗੋਡਿਆਂ ਤੇ ਟਿਕ ਜਾਂਦੇ ਹਨ) ਅਤੇ ਅਸੀਂ ਜਾਣ ਦੀ ਕੋਸ਼ਿਸ਼ ਕਰਦੇ ਹਾਂ। ਜੇ ਦੂਜਾ ਵਿਅਕਤੀ ਸਾਡਾ ਇਸ਼ਾਰਾ ਨਾ ਸਮਝੇ ਅਤੇ ਗਲਬਾਤ ਜਾਰੀ ਰੱਖੇ ਤਾਂ ਸਾਨੂੰ ਇਹ ਸਭ ਕੁਝ ਦੁਬਾਰਾ ਕਰਨਾ ਪੈਂਦਾ ਹੈ। ਫਿਰ ਵੀ ਜੇਕਰ ਕੋਈ ਸਾਡਾ ਇਸ਼ਾਰਾ ਨਾ ਸਮਝੇ ਤਾਂ ਸਾਨੂੰ ਖਿੱਝ ਚੜ੍ਹਨੀ ਸ਼ੁਰੂ ਹੋ ਜਾਂਦੀ ਹੈ।

ਸਿਆਣੀ ਗੱਲ

ਸਾਡੇ ਪੈਰ ਸਾਡੇ ਦਿਮਾਗ ਤੋਂ ਸਭ ਤੋਂ ਦੂਰ ਹੁੰਦੇ ਹਨ, ਸੋ ਅਸੀਂ ਅਕਸਰ ਇਸ ਗੱਲ ਬਾਰੇ ਸੁਚੇਤ ਨਹੀਂ ਹੁੰਦੇ ਕਿ ਸਾਡੇ ਪੈਰ ਕੀ ਕਰ ਰਹੇ ਹਨ ਅਤੇ ਕਿਸ ਦਿਸ਼ਾ ਵਿਚ ਹਨ।