ਪੈਰਾਂ ਦੀ ਦਿਸ਼ਾ ਸਾਨੂੰ ਬਹੁਤ ਕੁਝ ਦਸਦੀ ਹੈ, ਪਰ ਜੇਕਰ ਅਸੀਂ ਧਿਆਨ ਨਾਲ ਦੇਖੀਏ ਕਿ ਕਿਸੇ ਵਿਅਕਤੀ ਦੇ ਪੈਰ ਬਾਰ-ਬਾਰ ਹਿਲ ਰਹੇ ਹਨ ਅਤੇ ਕਿਸੇ ਇਕ ਜਗ੍ਹਾ ਤੇ ਟਿਕ ਨਹੀਂ ਰਹੇ (ਇਹ ਗੱਲ ਖੜ੍ਹੇ ਜਾਂ ਬੈਠੇ ਹੋਏ ਦੋਵੇਂ ਤਰ੍ਹਾਂ ਹੀ ਹੋ ਸਕਦੀ ਹੈ), ਤਾਂ ਸਾਨੂੰ ਇਹ ਸਮਝ ਲੈਣਾ ਚਾਹੀਦਾ ਹੈ ਕਿ ਉਹ ਆਪਣੀ ਬੇਚੈਨੀ ਨੂੰ ਬਾਹਰ ਲਿਆ ਰਿਹਾ ਹੈ ਅਤੇ ਉਸ ਜਗ੍ਹਾ ਤੋਂ, ਜਾਂ ਉਨ੍ਹਾਂ ਹਾਲਾਤ ਤੋਂ ਇਕਦਮ ਦੂਰ ਹੋ ਜਾਣਾ ਚਾਹੁੰਦਾ ਹੈ। ਇਸੇ ਤਰ੍ਹਾਂ ਜੇ ਕੋਈ ਵਿਅਕਤੀ ਆਪਣੇ ਪੈਰਾਂ ਨੂੰ ਬਾਰ-ਬਾਰ ਧਰਤੀ ਨਾਲ ਟਕਰਾਵੇ ਤਾਂ ਇਸਦਾ ਮਤਲਬ ਹੈ ਕਿ ਉਸ ਦਾ ਸਬਰ ਖਤਮ ਹੋ ਚੁੱਕਾ ਹੈ।
ਲੱਤਾਂ
ਬਿਲਕੁਲ ਜਿਸ ਤਰ੍ਹਾਂ ਸਾਨੂੰ ਪੈਰ ਇਹ ਦੱਸ ਦਿੰਦੇ ਹਨ ਕਿ ਉਹ ਵਿਅਕਤੀ ਕਿੱਥੇ ਜਾਣਾ ਚਾਹੁੰਦਾ ਹੈ, ਲੱਤਾਂ ਵੀ ਸਾਨੂੰ ਬਹੁਤ ਕੁਝ ਦਸਦੀਆਂ ਹਨ। ਮੋੜੀਆਂ ਹੋਈਆਂ ਲੱਤਾਂ (ਆਮ ਤੌਰ ਤੇ ਸੱਜੀ ਲੱਤ ਖੱਬੀ ਦੇ ਉਪਰੋਂ) ਅਕਸਰ ਮੋੜੀਆਂ ਹੋਈਆਂ ਬਾਹਵਾਂ ਨਾਲ ਮਿਲ ਕੇ ਇਕ 'ਸਮੂਹ' ਬਣਾਉਂਦੀਆਂ ਹਨ ਅਤੇ ਨਕਾਰਾਤਮਕ ਅਤੇ ਬਚਾਅ ਕਰਨ ਦੀ ਭਾਵਨਾ ਪਰਗਟ ਕਰਦੀਆਂ ਹਨ। ਪਰ ਮੋੜੀਆਂ ਹੋਈਆਂ ਬਾਹਵਾਂ ਵਾਂਗ ਤੁਸੀਂ ਮੋੜੀਆਂ ਹੋਈਆਂ ਲੱਤਾਂ ਤੋਂ ਇਕੱਲਿਆਂ ਹੀ ਇਹ ਨਤੀਜਾ ਨਹੀਂ ਕੱਢ ਸਕਦੇ ਕਿ ਉਹ ਵਿਅਕਤੀ ਬੇ-ਆਰਾਮੀ ਵਿਚ ਹੈ।
ਸਿਆਣੀ ਗੱਲ
ਔਰਤਾਂ ਦੀਆਂ ਮੋੜੀਆਂ ਹੋਈਆਂ ਲੱਤਾਂ ਦਾ ਮਤਲਬ ਥੋੜ੍ਹਾ ਜ਼ਿਆਦਾ ਧਿਆਨ ਨਾਲ ਹੀ ਕੱਢਣਾ ਚਾਹੀਦਾ ਹੈ। ਹੋ ਸਕਦਾ ਹੈ ਕਿ ਇਹ ਮਨੋਸਥਿਤੀ ਨਾ ਦੱਸ ਰਿਹਾ ਹੋਵੇ ਸਗੋਂ ਸਿਰਫ ਆਰਾਮ ਲਈ ਹੋਵੇ ਜਾਂ ਪਹਿਰਾਵੇ ਕਰਕੇ ਹੀ ਕਰਣਾ ਪੈ ਰਿਹਾ ਹੋਵੇ।
ਮੋੜੀਆਂ ਹੋਈਆਂ ਲੱਤਾਂ ਦਾ ਮਤਲਬ ਆਮ ਤੌਰ ਤੇ ਮੋੜੀਆਂ ਹੋਈਆਂ ਬਾਹਵਾਂ ਨਾਲ ਮਿਲਾ ਕੇ ਹੀ ਕੱਢਣਾ ਚਾਹੀਦਾ ਹੈ। ਕਿਉਂਕਿ ਇਹ ਅਕਸਰ ਆਦਮੀਆਂ ਵਿਚ ਵੀ ਸਿਰਫ ਆਦਤ ਕਰਕੇ ਹੀ ਜਾਂ ਕਈ ਵਾਰੀ ਕੁਰਸੀਆਂ ਦੇ ਆਰਾਮ ਦਾਇਕ ਨਾ ਹੋਣ ਕਰਕੇ ਹੀ ਹੋ ਜਾਂਦਾ ਹੈ। ਪਰ ਫਿਰ ਵੀ ਮਰਦਾਂ ਤੇ ਔਰਤਾਂ ਦੋਹਾਂ ਵਿਚ ਹੀ ਮੋੜੀਆਂ ਹੋਈਆਂ ਲੱਤਾਂ ਅਤੇ ਮੋੜੀਆਂ ਹੋਈਆਂ ਬਾਹਵਾਂ ਕਿਸੇ ਨਾ ਕਿਸੇ ਮੁਸ਼ਕਿਲ ਵੱਲ ਇਸ਼ਾਰਾ ਜ਼ਰੂਰ ਕਰਦੀਆਂ ਹਨ। ਜਿਵੇਂ ਮੈਂ ਅੱਗੇ ਕਿਹਾ ਸੀ, ਕਿ ਉਨ੍ਹਾਂ ਨੂੰ ‘ਖੋਲ੍ਹਣ’ ਲਈ ਕੁਝ ਨਾ ਕੁਝ ਜ਼ਰੂਰ ਕਰਨਾ ਚਾਹੀਦਾ ਹੈ, ਜਾਂ ਘੱਟੋ ਘੱਟ ਸਾਨੂੰ ਇਸ ਦਾ ਕਾਰਨ ਸਮਝਣ ਦੀ ਕੋਸ਼ਿਸ਼ ਤਾਂ ਕਰਨੀ ਹੀ ਚਾਹੀਦੀ ਹੈ।
ਕਈ ਵਾਰੀ ਲੱਤਾਂ ਦੀ ਥਾਂ ਤੇ ਗਿੱਟੇ ਮੋੜੇ ਹੁੰਦੇ ਹਨ (ਇਕ ਦੇ ਉਤੋਂ ਦੂਜਾ ਲੰਘਾਇਆ ਹੁੰਦਾ ਹੈ), ਔਰਤਾਂ ਆਮ ਤੌਰ ਤੇ ਆਪਣੇ ਗੋਡੇ ਇਕੱਠੇ ਕਰਕੇ ਰੱਖਦੀਆਂ ਹਨ ਅਤੇ ਹੱਥ ਅਕਸਰ ਝੋਲੀ ਵਿਚ ਹੁੰਦੇ ਹਨ। ਆਦਮੀ ਆਮ ਤੌਰ ਤੇ ਲੱਤਾਂ ਖਿਲਾਰ ਕੇ ਰੱਖਦੇ ਹਨ ਅਤੇ ਹੱਥ ਅਕਸਰ ਕੁਰਸੀ ਦੀਆਂ ਬਾਹਵਾਂ ਤੇ ਹੁੰਦੇ ਹਨ। ਜਿਵੇਂ ਕਿ ਪਹਿਲਾਂ ਵੀ ਗੱਲ ਹੋਈ ਸੀ
