ਗਿੱਟੇ

ਜਦੋਂ ਤਣਾਅ ਵਾਲਾ ਸਮਾਂ ਹੁੰਦਾ ਹੈ ਤਾਂ ਸਰੀਰ ਦੇ ਹੇਠਲੇ ਹਿੱਸੇ ਵਿਚ ਗਿੱਟੇ ਇਕ ਦੂਜੇ ਦੇ ਉਪਰੋਂ ਲੰਘੇ ਹੁੰਦੇ ਹਨ (Locked Ankles)। ਇਸ ਮੁਦਰਾ ਦੀ ਦਿਲਚਸਪ ਗੱਲ ਇਹ ਹੈ ਕਿ ਇਸ ਹਾਲਤ ਵਿੱਚ ਗਿੱਟੇ ਬਹੁਤਾ ਹਿਲਜੁਲ ਨਹੀਂ ਸਕਦੇ ਅਤੇ ਅਕਸਰ ਇਸ ਦੇ ਨਾਲ ਹੀ ਹੱਥਾਂ ਤੇ ਬਾਹਵਾਂ ਦੀਆਂ ਹਰਕਤਾਂ ਵੀ ਘਟੀਆਂ ਹੁੰਦੀਆਂ ਹਨ। ਇਹ 'ਬੰਦ' ਸਰੀਰਕ ਭਾਸ਼ਾ ਦਾ ਅਕਸਰ ਨਜ਼ਰ ਆਉਣ ਵਾਲਾ ਸਮੂਹ ਹੈ। ਤੁਸੀਂ ਇਹ ਮੁਦਰਾ ਅਕਸਰ ਕਿਸੇ ਦੰਦਾਂ ਦੇ ਡਾਕਟਰ ਦੇ ਇੰਤਜ਼ਾਰ ਵਾਲੇ ਕਮਰੇ ਵਿਚ ਦੇਖੀ ਹੋਵੇਗੀ ਜਦੋਂ ਕੋਈ ਔਰਤ ਆਪਣੀ ਵਾਰੀ ਦਾ ਇੰਤਜ਼ਾਰ ਕਰ ਰਹੀ ਹੋਵੇ। ਉਸ ਦੇ ਹੱਥ ਵਿਚ ਦੋ ਸਾਲ ਪੁਰਾਣੇ ਰਸਾਲੇ ਹੁੰਦੇ ਹਨ ਜਿਨ੍ਹਾਂ ਦੇ ਸਫੇ ਉਹ ਬਸ ਪਰਤੀ ਹੀ ਜਾ ਰਹੀ ਹੁੰਦੀ ਹੈ। ਜਾਂ ਫਿਰ ਕਿਸੇ ਹਵਾਈ ਜਹਾਜ਼ ਵਿਚ ਸਵਾਰੀਆਂ ਚੜ੍ਹੀਆਂ ਹੋਣ ਅਤੇ ਜਹਾਜ਼ ਉੱਡਣ ਹੀ ਵਾਲਾ ਹੋਵੇ। ਜਦੋਂ ਕੋਈ ਵਿਅਕਤੀ ਆਪਣੀ ਇੰਟਰਵਿਊ ਦੀ ਵਾਰੀ ਦਾ ਇੰਤਜ਼ਾਰ ਕਰ ਰਿਹਾ ਹੋਵੇ ਤਾਂ ਇਹ ਸਥਿਤੀ ਬਹੁਤੀ ਹੀ ਆਮ ਹੈ (ਹਾਲਾਂਕਿ ਇਹ ਬਹੁਤੀ ਵਧੀਆ ਹਾਲਤ ਨਹੀਂ ਕਿਉਂਕਿ ਉਸ ਵੇਲੇ ਤੁਸੀਂ ਘੋਖੇ ਜਾ ਰਹੇ ਹੁੰਦੇ ਹੋ। ਇੰਟਰਵਿਊ ਵਿਚ ਵੀ ਐਸਾ ਅਕਸਰ ਹੀ ਹੁੰਦਾ ਹੈ ਪਰ ਆਮ ਤੌਰ ਤੇ ਤੁਹਾਡੇ ਅੱਗੇ ਮੇਜ਼ ਪਿਆ ਹੁੰਦਾ ਹੈ ਜਿਹੜਾ ਇਕ ਰੁਕਾਵਟ ਬਣ ਕੇ ਇਸ ਨੂੰ ਲੁਕਾ ਲੈਂਦਾ ਹੈ।

“ਆਮ ਦੇਖੀ ਜਾਣ ਵਾਲੀ ਮੁਦਰਾ-ਇਕ ਦੂਜੇ ਅੱਗੋਂ ਲੰਘਿਆ ਗਿੱਟਾ-ਦਬਾਅ ! ਵਾਲੀ ਸਥਿਤੀ ਦਾ ਚਿੰਨ੍ਹ ਹੈ।”

ਸਿਆਣੀ ਗੱਲ

ਜਦੋਂ ਲੋਕ ਝੂਠ ਬੋਲਦੇ ਹਨ ਤਾਂ ਅਕਸਰ ਸਰੀਰ ਦੇ ਹੇਠਲੇ ਅੱਧ ਵਿਚੋਂ 'ਲੀਕੇਜ' ਹੋ ਜਾਂਦੀ ਹੈ।

ਇਕ ਹੋਰ ਰੂਪ

ਕਈ ਵਾਰੀ ਤੁਸੀਂ ਇਸ ਹਾਲਤ ਦਾ ਇਕ ਹੋਰ ਰੂਪ ਵੀ ਦੇਖੋਗੇ। ਇਸ ਵਿਚ ਉਸ ਵਿਅਕਤੀ ਨੇ ਆਪਣੇ ਪੈਰ ਕੁਰਸੀ ਦੀਆਂ ਲੱਤਾਂ ਵਿਚ ਫਸਾਏ ਹੁੰਦੇ ਹਨ, ਜਿਹੜੀ ਕਿ ਆਦਮੀਆਂ ਲਈ ਇਕ ਬੜੀ ਗੈਰ-ਕੁਦਰਤੀ ਸਥਿਤੀ ਹੁੰਦੀ ਹੈ। ਇਸ ਦੇ ਨਾਲ ਹੀ ਅਕਸਰ ਉਨ੍ਹਾਂ ਨੇ ਕੁਰਸੀ ਦੀਆਂ ਬਾਹਵਾਂ ਘੁੱਟ ਕੇ ਫੜੀਆਂ ਹੁੰਦੀਆਂ ਹਨ। ਜੇ ਕੁਰਸੀ ਦੀਆਂ ਬਾਹਵਾਂ ਨਾ ਹੋਣ ਤਾਂ ਉਨ੍ਹਾਂ ਨੇ ਆਪਣੀਆਂ ਬਾਹਵਾਂ ਮੋੜੀਆਂ ਹੁੰਦੀਆਂ ਹਨ ਜਾਂ ਉਹ ਹੱਥਾਂ ਵਿਚ ਕੋਈ ਚੀਜ਼ ਫੜ ਕੇ ਉਸਨੂੰ ਬਹੁਤਾ ਹੀ ਹਿਲਾ ਰਹੇ ਹੁੰਦੇ ਹਨ। ਇਹ ਉਨ੍ਹਾਂ ਹਾਲਤਾਂ ਦੀ ਇਕ ਅਕਸਰ ਮਿਲਣ ਵਾਲੀ ਮੁਦਰਾ ਹੈ ਜਦੋਂ ਉਹ ਵਿਅਕਤੀ ਕੋਈ ਗੱਲ ਛੁਪਾ ਰਿਹਾ ਹੋਵੇ ਜਾਂ ਆਪਣਾ ਬਚਾਉ ਕਰ ਰਿਹਾ ਹੋਵੇ (ਜਾਂ ਫਿਰ ਉਹ ਬਹੁਤ ਪ੍ਰੇਸ਼ਾਨੀ ਵਿਚ ਹੋਵੇ ਜਾਂ ਕਿਸੇ ਵੀ ਕਾਰਨ ਆਪਣਾ ਬਚਾਅ ਕਰ ਰਿਹਾ ਹੋਵੇ।) ਉਨ੍ਹਾਂ ਦਾ ਸਰੀਰ ਅਤੇ ਮਨ ਇਸ