ਲੇਖਕ ਵਲੋਂ

ਇਹ ਗੱਲ ਆਮ ਕਹੀ ਜਾਂਦੀ ਹੈ ਕਿ ਜਦੋਂ ਤੁਸੀਂ ਇਕ ਕਿਤਾਬ ਲਿਖਣ ਬੈਠਦੇ ਹੋ ਤਾਂ ਵਿਸ਼ੇ ਨੂੰ ਤੁਸੀਂ ਨਹੀਂ ਚੁਣਦੇ, ਸਗੋਂ ਵਿਸ਼ਾ ਤੁਹਾਨੂੰ ਚੁਣਦਾ ਹੈ। ਇਹ ਗੱਲ ਮੇਰੀ ਇਸ ਤੋਂ ਪਹਿਲੀ ਕਿਤਾਬ ਪਰਸੁਏਸ਼ਨ (Persuasion) ਬਾਰੇ ਪੂਰੀ ਤਰ੍ਹਾਂ ਲਾਗੂ ਹੁੰਦੀ ਹੈ। ਮੈਂ ਸਾਰੀ ਉਮਰ ਦੂਜਿਆਂ ਨੂੰ ਪ੍ਰੇਰਨਾ ਦੇਣ ਅਤੇ ਮਨੁੱਖੀ ਸਰੀਰ ਦੀ ਅਣਕਹੀ ਬੋਲੀ, ਸਰੀਰ ਦੀ ਭਾਸ਼ਾ ਬਾਰੇ ਇਕ ਵਿਸ਼ੇ ਦੇ ਤੌਰ ਤੇ ਅਧਿਅਨ ਕੀਤਾ ਹੈ। ਆਪਣੇ ਕੰਮ ਵਿਚ ਵੀ ਮੈਂ ਇਨ੍ਹਾਂ ਦੋਹਾਂ ਚੀਜ਼ਾਂ ਨੂੰ ਵਰਤਿਆ ਹੈ ਕਿਉਂਕਿ ਮੇਰੇ ਕੰਮ ਵਿਚ ਵੀ ਦੂਜਿਆਂ ਦੇ ਵਿਹਾਰ ਨੂੰ ਘੋਖਣਾ ਅਤੇ ਆਪਣੇ ਵਿਹਾਰ ਬਾਰੇ ਚੇਤੰਨਤਾ, ਸਹੀ ਨਤੀਜੇ ਪ੍ਰਾਪਤ ਕਰਨ ਅਤੇ ਦੂਜੇ ਲੋਕਾਂ ਨੂੰ ਸਮਝਣ ਲਈ ਬਹੁਤ ਮਹੱਤਵਪੂਰਨ ਸਨ।

ਸਰੀਰਕ ਭਾਸ਼ਾ, ਜਾਂ ਉਹ ਜੋ ਅਸੀਂ ਬਿਨਾਂ ਸ਼ਬਦਾਂ ਦੇ ਦੂਜਿਆਂ ਨੂੰ ਕਹਿੰਦੇ ਹਾਂ, ਪਿਛਲੇ ਕੁਝ ਸਮੇਂ ਤੋਂ ਤੇਜ਼ੀ ਨਾਲ ਆਮ ਦਿਲਚਸਪੀ ਦਾ ਵਿਸ਼ਾ ਬਣਦੀ ਜਾ ਰਹੀ ਹੈ। ਅੱਜ ਦੀ ਤੇਜ਼ ਰਫ਼ਤਾਰ ਜ਼ਿੰਦਗੀ, ਜਿਸ ਵਿਚ ਹਰ ਕਿਸੇ ਕੋਲ ਸਮੇਂ ਦੀ ਘਾਟ ਹੈ, ਲੋਕ ਸਾਡੇ ਬਾਰੇ ਆਪਣਾ ਵਿਚਾਰ ਸਾਡੇ ਪਹਿਲੇ ਪ੍ਰਭਾਵ ਦੇ ਆਧਾਰ ਤੇ ਹੀ ਬਣਾ ਲੈਂਦੇ ਹਨ। ਇਕ ਨਜ਼ਰ ਵਿਚ ਹੀ ਲੋਕ ਇਹ ਫੈਸਲਾ ਕਰ ਲੈਂਦੇ ਹਨ ਕਿ ਅਸੀਂ ਭਰੋਸੇਯੋਗ ਹਾਂ ਜਾਂ ਨਹੀਂ, ਉਹ ਸਾਨੂੰ ਪਸੰਦ ਕਰਦੇ ਹਨ ਜਾਂ ਨਹੀਂ, ਉਹ ਸਾਡੇ ਨਾਲ ਕੰਮ ਕਰਨਗੇ ਜਾਂ ਨਹੀਂ, ਤੇ ਇਥੋਂ ਤੱਕ, ਕਿ ਉਹ ਸਾਨੂੰ ਆਪਣੀ ਮੁਹੱਬਤ ਦੇ ਕਾਬਲ ਵੀ ਸਮਝਦੇ ਹਨ ਜਾਂ ਨਹੀਂ। ਬਹੁਤ ਸਾਰੀਆਂ ਨਵੀਆਂ ਖੋਜਾਂ ਸਾਨੂੰ ਬਾਰ-ਬਾਰ ਇਹੀ ਦਸਦੀਆਂ ਹਨ ਕਿ ਸਿਰਫ ਸ਼ਬਦ ਹੀ ਕਿਸੇ ਬਾਰੇ ਪੂਰੀ ਤਸਵੀਰ ਨਹੀਂ ਦੱਸਦੇ। ਇਹ ਗਲ ਇਨਸਾਨੀ ਸੁਭਾਅ ਵਿਚ ਸ਼ਾਮਲ ਹੈ ਕਿ ਅਸੀਂ ਬੋਲੀ ਗਈ ਭਾਸ਼ਾ ਨਾਲੋਂ ਸਰੀਰ ਦੀ ਭਾਸ਼ਾ ਨਾਲ ਬਹੁਤੀ ਗੱਲ ਕਰਦੇ ਹਾਂ।

ਰੋਜ਼ਾਨਾ ਸਾਡੇ ਸਾਹਮਣੇ ਦੋ ਮਸਲੇ ਲਗਾਤਾਰ ਹੀ ਖੜ੍ਹੇ ਰਹਿੰਦੇ ਹਨ-ਮੇਰੇ ਸਾਹਮਣੇ ਵਾਲੇ ਦੀ ਸਰੀਰਕ ਭਾਸ਼ਾ ਦਾ ਮਤਲਬ ਕੀ ਹੈ? ਅਤੇ ਮੈਂ ਆਪਣੀ ਸਰੀਰਕ ਭਾਸ਼ਾ ਨੂੰ ਕਿਵੇਂ ਦਰੁਸਤ ਰੱਖਾਂ ਤਾਂ ਕਿ ਮੈਂ ਆਪਣਾ ਸਹੀ ਪ੍ਰਭਾਵ ਦੂਜਿਆਂ ਤੇ ਛੱਡ ਸਕਾਂ? ਕਹਿਣ