ਹੋਣਗੀਆਂ ਜਿਹੜੀਆਂ ਬਿਲਕੁਲ ਬੇ-ਮਲੂਮੀਆਂ ਹਨ ਅਤੇ ਉਹ ਵੀ ਹੋਣਗੀਆਂ ਜਿਹੜੀਆਂ ਬਹੁਤ ਹੀ ਸਪਸ਼ਟ ਹਨ-ਜਿਨ੍ਹਾਂ ਨੂੰ ਸ਼ਾਇਦ ਸਿਰਫ ਉਹੀ ਨਹੀਂ ਦੇਖ ਸਕਦੇ ਜੋ ਬਿਨਾਂ ਅੱਖਾਂ ਤੋਂ ਹਨ। ਨਾਲ ਹੀ ਤੁਹਾਨੂੰ ਇਹ ਵੀ ਸਮਝਣਾ ਪਵੇਗਾ ਕਿ ਤੁਹਾਡੀਆਂ ਆਪਣੀਆਂ ਹਰਕਤਾਂ ਕਿਵੇਂ ਦੂਜੇ ਵਿਅਕਤੀ ਤੇ ਅਸਰ ਪਾਉਂਦੀਆਂ ਹਨ ਤੇ ਉਸਨੂੰ ਉਸੇ ਮੁਤਾਬਕ ਹੀ ਵਿਹਾਰ ਕਰਨ ਲਈ ਉਕਸਾਉਂਦੀਆਂ ਹਨ।

ਮੈਂ ਐਸੀਆਂ ‘ਆਲੇ ਦੁਆਲੇ’ ਦੀਆਂ ਬਹੁਤ ਸਾਰੀਆਂ ਗੱਲਾਂ ਛੱਡ ਦਿੱਤੀਆਂ ਹਨ। ਜਿਹੜੀਆਂ ਸਾਇੰਸਦਾਨਾਂ ਨੇ ਖੋਜ ਕੀਤੀਆਂ ਹਨ। ਮੇਰੇ ਖਿਆਲ ਵਿਚ ਕੋਈ ਵੀ ਗੱਲ ਸਿਰਫ ਪੁਣ-ਛਾਣ ਕਰਨ ਲਈ ਹੀ ਨਹੀਂ ਕਰਨੀ ਚਾਹੀਦੀ। ਐਸਾ ਮੈਂ ਇਸ ਲਈ ਕੀਤਾ ਹੈ ਤਾਂ ਕਿ ਅਸੀਂ ਸਿਰਫ ਉਨ੍ਹਾਂ ਚੀਜ਼ਾਂ ਵਲ ਹੀ ਧਿਆਨ ਦੇਈਏ ਜਿਹੜੀਆਂ ਅਮਲੀ ਤੌਰ ਤੇ ਕੀਤੀਆਂ ਜਾ ਸਕਦੀਆਂ ਹਨ। ਜਦੋਂ ਤੁਸੀਂ ਇਹ 7 ਪਾਠ ਸਮਝ ਲਏ ਅਤੇ ਇਨ੍ਹਾਂ ਦਾ ਰੋਜ਼ਾਨਾ ਜੀਵਨ ਵਿਚ ਅਭਿਆਸ ਕਰਨਾ ਸ਼ੁਰੂ ਕਰ ਦਿੱਤਾ, ਤਾਂ ਤੁਸੀਂ ਛੇਤੀ ਹੀ ਸਰੀਰ ਦੀ ਭਾਸ਼ਾ ਦੇ ‘ਜਾਦੂਗਰ' ਬਣ ਜਾਉਗੇ। 

ਕੁਝ ਨਿਯਮ

ਮੈਂ ਤੁਹਾਨੂੰ ਸਿਰਫ ਇਤਨਾ ਹੀ ਕਹਾਂਗਾ ਕਿ ਇਸ ਵਿਸ਼ੇ ਵੱਲ ਧਿਆਨ ਇਕਾਗਰ ਕਰੋ ਅਤੇ ਜੇ ਕੋਈ ਸੁਆਲ ਤੁਹਾਡੇ ਮਨ ਵਿਚ ਆਉਂਦੇ ਹਨ ਤਾਂ ਇਨ੍ਹਾਂ ਨੂੰ ਉਦੋਂ ਤੱਕ ਛੱਡ ਦਿਓ ਜਦ ਤੱਕ ਅਸੀਂ 'ਵਿਚਾਰ ਚਰਚਾ' ਵਿਚ ਨਹੀਂ ਚਲੇ ਜਾਂਦੇ। ਫਿਰ ਉਸਤੋਂ ਬਾਦ ਤੁਸੀਂ ਸਾਡੇ ‘ਕਾਫੀ ਬ੍ਰੇਕ’ ਵਿਚ ਕੁਝ ਸੁਆਲਾਂ ਦੇ ਜੁਆਬ ਦੇ ਕੇ ਆਪਣੇ ਗਿਆਨ ਨੂੰ ਤਾਜ਼ਾ ਕਰ ਲਉ। ਬਸ ਧਿਆਨ ਰੱਖਣਾ ਕਿ ਤੁਸੀਂ ੧4 ੧®“ ਵਾਲੀਆਂ ਗਲਤੀਆਂ ਨਾ ਕਰਨਾ। ਅਖੀਰ ਵਿਚ ਅਸੀਂ ਅੰਤਿਕਾ ਵਿਚ ਤੁਹਾਡੇ ਨੰਬਰ ਦੇਖਾਂਗੇ ਕਿ ਤੁਸੀਂ ਕਿਥੇ ਖੜ੍ਹੇ ਹੋ। ਇਹ ਵੀ ਦੇਖਾਂਗੇ ਕਿ ਕੀ ਤੁਸੀਂ ਸਰੀਰ ਦੀ ਭਾਸ਼ਾ ਦੇ ਜਾਦੂਗਰ ਬਣੇ ਹੋ ਕਿ ਨਹੀਂ?

ਮੈਨੂੰ ਵਿਸ਼ਵਾਸ ਹੈ ਕਿ ਇਨ੍ਹਾਂ 7 ਪਾਠਾਂ ਦੇ ਆਖੀਰ ਤੱਕ ਪਹੁੰਚਣ ਤਕ ਤੁਹਾਡਾ ਜੀਵਨ ਬਹੁਤ ਬਦਲ ਜਾਵੇਗਾ। ਫਿਰ ਤੁਸੀਂ ਦੂਜੇ ਲੋਕਾਂ ਦੇ ਸਰੀਰ ਤੋਂ ਮਿਲਣ ਵਾਲੇ ਇਸ਼ਾਰਿਆਂ ਨੂੰ ਹੋਰ ਸਹੀ ਢੰਗ ਨਾਲ ਸਮਝ ਸਕੋਗੇ। ਇੰਨਾ ਹੀ ਨਹੀਂ ਤੁਹਾਨੂੰ ਉਨ੍ਹਾਂ ਗੱਲਾਂ ਦਾ ਵੀ ਅਹਿਸਾਸ ਹੋਵੇਗਾ ਜੋ ਤੁਹਾਡਾ ਸਰੀਰ ਬਾਕੀ ਲੋਕਾਂ ਨਾਲ ਕਰ ਰਿਹਾ ਹੈ। ਫਿਰ ਤੁਸੀਂ ਇਸ ਸਭ ਕੁੱਝ ਨੂੰ ਆਪਣੇ ਕਾਬੂ ਵਿਚ ਰੱਖ ਸਕੋਗੇ ਅਤੇ ਇਸ ਨੂੰ ਆਪਣੇ ਫਾਇਦੇ ਲਈ ਵਰਤ ਸਕੋਗੇ। ਫਿਰ ਤੁਹਾਡਾ ਆਪਣੇ ਮਿੱਤਰਾਂ, ਅਜਨਬੀਆਂ, ਪਰਿਵਾਰ, ਦਫਤਰ ਦੇ ਸਾਥੀਆਂ, ਗ੍ਰਾਹਕਾਂ ਤੇ ਹੋਰ ਸਭ ਨਾਲ ਗਲਬਾਤ ਤੇ ਵਿਚਾਰ ਵਟਾਂਦਰੇ ਦਾ ਢੰਗ ਹੋਰ ਵਧੀਆ ਹੋ ਜਾਵੇਗਾ।