ਬੱਸ ਇਕੋ ਹੀ ਰਾਹ ਹੈ ਕਿ ਤੁਹਾਨੂੰ ਤੁਹਾਡੀ ਸਹੇਲੀ ਹੱਥ ਵਿਚ ਚਾਕਲੇਟ ਜਾਂ ਕੁਝ ਹੋਰ ਫੜਾ ਦੇਵੇ।
ਪ੍ਰਸ਼ਨ-ਕੀ ਤੁਸੀਂ ਮੈਨੂੰ ਬਦਲਵੀਆਂ ਹਰਕਤਾਂ ਬਾਰੇ ਇਕ ਵਾਕ ਵਿਚ ਦਸ ਸਕਦੇ ਹੋ ਕਿ ਉਹ ਕੀ ਹਨ?
-ਬਦਲਵੀਆਂ ਹਰਕਤਾਂ ਉਹ ਹਰਕਤਾਂ ਹਨ ਜਿਹੜੀਆਂ ਸਾਡੀ ਮਾਨਸਿਕ ਊਰਜਾ ਨੂੰ ਹੋਰ ਢੰਗਾਂ ਨਾਲ ਕਿਸੇ ਹੋਰ ਪਾਸੇ ਵਰਤ ਲੈਂਦੀਆਂ ਹਨ।
ਪ੍ਰਸ਼ਨ-ਅਤੇ ਸਵੈ-ਤਸੱਲੀ ਦੀਆਂ ਹਰਕਤਾਂ?
—ਇਹ ਐਸੀਆਂ ਹਰਕਤੀ ਜਿਹੜੀਆਂ ਸਾਡੇ ਆਪਣੇ ਵੱਲ ਹੀ ਕੇਂਦ੍ਰਿਤ ਹੁੰਦੀਆਂ ਹਨ ਅਤੇ ਆਪਣੇ ਆਪ ਨੂੰ ਹੀ ਤਸੱਲੀ ਜਾਂ ਢਾਰਸ ਦੇਣ ਲਈ ਹੁੰਦੀਆਂ ਹਨ।
ਪ੍ਰਸ਼ਨ-ਮੈਂ 'ਚਿਹਰੇ ਉੱਤੇ ਹੱਥ' ਲਿਆਉਣ ਵਾਲੀਆਂ ਹਰਕਤਾਂ ਬਾਰੇ ਕੁਝ ਪੁਛਣਾ ਚਾਹੁੰਦਾ ਹਾਂ। ਜੇਕਰ ਮੈਂ ਕਿਸੇ ਨੂੰ ਮਕਾਨ ਖਰੀਦਣ ਲੱਗਿਆਂ ਪੁੱਛਾਂ ਕਿ ਕੀ ਉਸਦੀ ਛੱਤ ਵਿਚ ਕੋਈ ਨੁਕਸ ਹੈ, ਅਤੇ ਉਹ ਜੁਆਬ ਦੇਣ ਲੱਗਿਆਂ ਆਪਣੇ ਨੱਕ ਨੂੰ ਹੱਥ ਲਗਾਉਣ, ਤਾਂ ਕੀ ਮੈਂ ਇਹੀ ਸਮਝਾਂ ਕਿ ਉਹ ਝੂਠ ਬੋਲ ਰਹੇ ਹਨ? ਮੈਂ ਇਸੇ ਹਫਤੇ ਇਕ ਮਕਾਨ ਦੂਜੀ ਵਾਰੀ ਦੇਖਣ ਜਾ ਰਿਹਾ ਹਾਂ।
-ਨਹੀਂ, ਇਹ ID 1OT ਵਾਲੀ ਗਲਤੀ ਹੈ। ਆਪਾਂ ਪੰਜਵੇਂ ਅਧਿਆਇ ਵਿਚ ਨੱਕ ਨੂੰ ਛੋਹਣ ਬਾਰੇ ਗੱਲ ਕਰਾਂਗੇ । ਹੋ ਸਕਦਾ ਹੈ ਕਿ ਉਸ ਵਿਅਕਤੀ ਦੇ ਨੱਕ ਵਿਚ ਖੁਰਕ ਹੋ ਰਹੀ ਹੋਵੇ—ਬਿਲਕੁਲ ਉਦੋਂ ਹੀ ਜਦੋਂ ਉਹ ਤੁਹਾਨੂੰ ਜੁਆਬ ਦੇਣ ਲੱਗਾ ਹੋਵੇ । ਪਰ ਜੇਕਰ ਤੁਸੀਂ ਉਸ ਦੀ ਇਹ ਹਰਕਤ ਹਰ ਵਾਰੀ ਉਸ ਵੇਲੇ ਦੇਖੋ ਜਦੋਂ ਤੁਸੀਂ ਉਸ ਨੂੰ ਕੋਈ ਔਖਾ ਸੁਆਲ ਪੁੱਛੋ, ਅਤੇ ਉਸ ਦੀਆਂ ਕੁਝ ਹੋਰ ਹਰਕਤਾਂ ਵੀ ਸਮੂਹ ਬਣਾ ਕੇ ਇਹੀ ਕਹਿ ਰਹੀਆਂ ਹੋਣ ਤਾਂ ਸ਼ਾਇਦ ਤੁਸੀਂ ਠੀਕ ਹੋ ਸਕਦੇ ਹੋ।
ਪ੍ਰਸ਼ਨ-ਮੈਨੂੰ ਆਦਤ ਹੈ ਕਿ ਜਦੋਂ ਮੈਂ ਲੋਕਾਂ ਵਿਚ ਹੁੰਦਾ ਹਾਂ ਤਾਂ ਮੈਂ ਕੁਰਸੀ ਦੀਆਂ ਬਾਹਵਾਂ ਘੁੱਟ ਕੇ ਫੜ ਲੈਂਦਾ ਹਾਂ ਅਤੇ ਮੇਰੇ ਪੈਰ ਕੁਰਸੀ ਹੇਠਾਂ ਚਲੇ ਜਾਂਦੇ ਹਨ। ਮੇਰਾ ਖਿਆਲ ਹੈ ਲੋਕ ਇਹ ਤਾਂ ਸਮਝ ਹੀ ਲੈਣਗੇ ਕਿ ਮੇਰਾ ਐਸਾ ਕਰਨਾ ਘਬਰਾਹਟ ਜਾਂ ਪ੍ਰੇਸ਼ਾਨੀ ਕਰਕੇ ਨਹੀਂ ਹੈ।
ਨਹੀਂ ! ਉਹ ਇਸ ਦਾ ਉਹੀ ਮਤਲਬ ਕੱਢਣਗੇ ਜੋ ਨਿਕਲਦਾ ਹੈ।
ਪ੍ਰਸ਼ਨ-ਜਦੋਂ ਮੈਂ ਕੰਮ ਵਿਚ ਕਿਸੇ ਮੀਟਿੰਗ ਵਿਚ ਜਾਂਦਾ ਹਾਂ ਤਾਂ ਅਕਸਰ ਮੈਂ ਆਪਣੀਆਂ ਉਂਗਲਾਂ ਨਾਲ ਦੂਜੇ ਹੱਥ ਨੂੰ ਪਕੜਿਆ ਹੁੰਦਾ ਹੈ। ਕੀ ਮੇਰਾ ਅਚੇਤ ਮਨ ਮੈਨੂੰ ਕੁਝ ਦੱਸ ਰਿਹਾ ਹੈ?
-ਹਾਂ, ਤੁਹਾਡਾ ਅਚੇਤ ਮਨ ਇਹੀ ਕਹਿ ਰਿਹਾ ਹੈ ਕਿ ਤੁਸੀਂ ਘਬਰਾਏ ਹੋਏ ਹੋ। ਅਤੇ ਉਹ ਇਹੀ ਕੁੱਝ ਤੁਹਾਨੂੰ ਦੇਖਣ ਵਾਲਿਆਂ ਨੂੰ ਵੀ ਦੱਸ ਰਿਹਾ ਹੈ।
