ਮਾਤਾ-ਪਿਤਾ ਤੋਂ ਸੱਚੀਆਂ ਗੱਲਾਂ ਛੁਪਾਉਣ ਦਾ ਅਭਿਆਸ ਕਰਦੇ ਰਹੇ ਹਾਂ। ਸੋ ਅਸੀਂ ਸਾਰੇ ਝੂਠ ਬੋਲਣ ਵਿਚ ਕਾਫੀ ਮਹਾਰਤ ਹਾਸਲ ਕਰ ਚੁੱਕੇ ਹਾਂ। ਇਹੀ ਚੀਜ਼ ਸਾਡੇ ਲਈ ਝੂਠ ਪਕੜਨਾ ਹੋਰ ਔਖਾ ਕਰ ਦਿੰਦੀ ਹੈ।

ਸੋ ਸਾਨੂੰ ਆਪਣੇ ਦੇਖਣ ਤੇ ਘੋਖਣ ਦੇ ਹੁਨਰ ਥੋੜ੍ਹੇ ਜ਼ਿਆਦਾ ਵਰਤਣੇ ਪੈਂਦੇ ਹਨ ਅਤੇ ਸੁਣਨ ਅਤੇ ਆਵਾਜ਼ ਵਿਚ ਆ ਰਹੀਆਂ ਤਬਦੀਲੀਆਂ ਪਕੜਨ ਦੇ ਹੁਨਰ ਵੀ ਜ਼ਿਆਦਾ ਚੰਗੀ ਤਰ੍ਹਾਂ ਵਰਤਣੇ ਪੈਂਦੇ ਹਨ।

“ ਆਪਣੇ ਸੁਣਨ ਦੇ ਹੁਨਰ ਨੂੰ ਹੋਰ ਤੇਜ਼ ਕਰੋ।”

ਆਮ ਵਰਤਾਉ

ਜੇਕਰ ਤੁਸੀਂ ਕਿਸੇ ਐਸੇ ਵਿਅਕਤੀ ਦੇ ਝੂਠ ਨੂੰ ਪਕੜਨ ਬਾਰੇ ਗੱਲ ਕਰ ਰਹੇ ਹੋ ਜਿਸ ਨੂੰ ਤੁਸੀਂ ਚੰਗੀ ਤਰ੍ਹਾਂ ਜਾਣਦੇ ਹੋ, ਤਾਂ ਤੁਹਾਡਾ ਕੰਮ ਕੁਝ ਸੌਖਾ ਹੋ ਜਾਏਗਾ। ਫਿਰ ਤੁਸੀਂ ਉਸਦੇ ਵਿਉਹਾਰ ਵਿਚ ਆ ਰਹੇ ਬਦਲਾਅ ਦੀ ਉਸ ਦੇ ਆਮ ਵਿਉਹਾਰ ਨਾਲ ਤੁਲਨਾ ਕਰ ਸਕਦੇ ਹੋ। ਪਰ ਇਹ ਬਦਲਾਅ ਵੀ 'ਸਮੂਹ' ਵਿਚ ਹੋਣਾ ਚਾਹੀਦਾ ਹੈ। ਜੇ ਤੁਸੀਂ ਕਿਸੇ ਐਸੇ ਵਿਅਕਤੀ ਦੀ ਗੱਲ ਕਰ ਰਹੇ ਹੋ ਜਿਸਨੂੰ ਤੁਸੀਂ ਚੰਗੀ ਤਰ੍ਹਾਂ ਨਹੀਂ ਜਾਣਦੇ ਜਾਂ ਜਿਸ ਨੂੰ ਪਹਿਲੀ ਵਾਰੀ ਮਿਲ ਰਹੇ ਹੋ, ਤਾਂ ਤੁਹਾਨੂੰ ਉਸ ਦਾ ਵਿਉਹਾਰ ਉਸ ਵੇਲੇ ਚੰਗੀ ਤਰ੍ਹਾਂ ਦੇਖਣਾ ਪਵੇਗਾ ਜਦੋਂ ਸਭ ਕੁੱਝ ਠੀਕ ਹੈ ਅਤੇ ਉਹ ਤਣਾਅ-ਮੁਕਤ ਅਤੇ ਆਰਾਮ ਵਿਚ ਹੈ। ਭਾਵ, ਉਦੋਂ ਜਦੋਂ ਉਹ ਕਿਸੇ ਕਿਸਮ ਦੀ ਦਿੱਕਤ ਵਿਚ ਨਹੀਂ ਹੈ।

ਜਦੋਂ ਤੁਸੀਂ ਉਸ ਦੇ ਵਿਉਹਾਰ ਨਾਲ ਵਾਕਫ ਹੋ ਰਹੇ ਹੋ ਤਾਂ ਉਸਦੇ ਵਿਉਹਾਰ ਦੇ ਸਾਰੇ ਪੱਖ ਦੇਖੋ-ਚਿਹਰੇ ਦੇ ਹਾਵ-ਭਾਵ, ਅੱਖਾਂ ਦੀਆਂ ਹਰਕਤਾਂ, ਦੇਖਣ ਦਾ ਤਰੀਕਾ, ਸਵੈ ਨੂੰ ਤਸੱਲੀ ਦੇਣ ਵਾਲੀਆਂ ਹਰਕਤਾਂ, ਬਾਹਵਾਂ, ਲੱਤਾਂ ਤੇ ਪੈਰ ਦੀਆਂ ਹਰਕਤਾਂ ਅਤੇ ਉਸ ਦੇ ਬੋਲਣ ਦਾ ਢੰਗ।

ਜੀਵਨ ਪੋਕਰ (Poker) ਦੀ ਇਕ ਖੇਡ ਹੈ

ਜੀਵਨ ਪੋਕਰ (Poker) ਦੀ ਇਕ ਖੇਡ ਹੈ ਜੇ ਤੁਸੀਂ ਪੋਕਰ ਦੀ ਖੇਡ ਬਾਰੇ ਜਾਣਦੇ ਹੋ ਤਾਂ ਤੁਸੀਂ ਇਹ ਵੀ ਜਾਣਦੇ ਹੋਵੋਗੇ ਕਿ ਇਸ ਖੇਡ ਦਾ ਮਜ਼ਾ ਦੂਜੇ ਖਿਡਾਰੀਆਂ ਦੀ ਸਰੀਰਕ ਭਾਸ਼ਾ ਪੜ੍ਹਨ ਵਿਚ ਹੀ ਹੈ। ਦੂਜੇ ਪਾਸੇ ਬਾਕੀ ਖਿਡਾਰੀ ਵੀ ਤੁਹਾਡੀ ਸਰੀਰਕ ਭਾਸ਼ਾ ਪੜ੍ਹ ਰਹੇ ਹੁੰਦੇ ਹਨ। ਸੋ ਤੁਹਾਨੂੰ ਆਪਣੀਆਂ ਭਾਵਨਾਵਾਂ ਛੁਪਾਣੀਆਂ ਪੈਂਦੀਆਂ ਹਨ ਤੇ ਹੋ ਰਹੀ 'ਲੀਕੇਜ' ਨੂੰ ਘੱਟ ਤੋਂ ਘੱਟ ਕਰਨਾ ਪੈਂਦਾ ਹੈ। ਨਾਲ ਹੀ ਤੁਹਾਨੂੰ ਝੰਸਾ ਜਾਂ ਝਾਂਸਾ ਵੀ ਦੇਣਾ ਪੈਂਦਾ ਹੈ। ਜਦੋਂ ਤੁਹਾਨੂੰ ਵਧੀਆ ਪੱਤੇ ਮਿਲਣ ਤਾਂ ਐਸਾ ਵਰਤਾਉ ਕਰਨਾ ਪੈਂਦਾ ਹੈ ਜਿਸ ਤੋਂ ਲੱਗੇ ਕਿ ਪੱਤੇ ਮਾੜੇ ਹਨ। ਜਦੋਂ ਮਾੜੇ ਮਿਲਣ ਤਾਂ ਇਹ ਪਰਗਟ ਕਰਨਾ ਪੈਂਦਾ ਹੈ ਕਿ ਚੰਗੇ ਹਨ।

ਅਸੀਂ ਆਪਣੇ ਕੰਮ ਅਤੇ ਦਫਤਰ ਵਿਚ ਪੋਕਰ ਵਾਲਾ ਵਰਤਾਉ ਅਕਸਰ ਕਰਦੇ ਹਾਂ। ਜੇਕਰ ਤੁਸੀਂ ਆਪਣੇ ਕੰਮ ਵਿਚ ਮੀਟਿੰਗਾਂ ਵਿਚ ਜਾਂਦੇ ਹੋ ਤਾਂ ਤੁਸੀਂ ਮੇਰਾ ਮਤਲਬ ਸਮਝ ਹੀ ਗਏ ਹੋਵੇਗੇ। ਆਪਣੇ ਕੰਮ ਵਿਚ ਅਤੇ ਦਫਤਰ ਵਿਚ ਅਸੀਂ ਆਪਣੀਆਂ ਭਾਵਨਾਵਾਂ