ਨਜ਼ਰਾਂ ਕਿੱਥੇ ਟਿਕਾਈਏ?

ਚੇਤਾਵਨੀ

ਜਦੋਂ ਤੁਸੀਂ ਗਲਬਾਤ ਦੌਰਾਨ ਨਜ਼ਰਾਂ ਨਹੀਂ ਮਿਲਾਉਂਦੇ ਤਾਂ ਤੁਸੀਂ ਇਹ ਪ੍ਰਭਾਵ ਦਿੰਦੇ ਹੋ ਕਿ ਤੁਸੀਂ ਭਰੋਸੇਯੋਗ ਨਹੀਂ ਹੋ। ਘੱਟੋ ਘੱਟ ਦੂਜੇ ਵਿਅਕਤੀ ਦਾ ਅਚੇਤ ਮਨ ਇਹੀ ਕਹਿ ਰਿਹਾ ਹੁੰਦਾ ਹੈ (ਪਤਾ ਨਹੀਂ, ਕੁੱਝ ਗੜਬੜ ਜ਼ਰੂਰ ਹੈ)। ਹੋ ਸਕਦਾ ਹੈ ਕਿ ਤੁਸੀਂ ਪੂਰੀ ਤਰ੍ਹਾਂ ਭਰੋਸੇ ਯੋਗ ਹੋਵੋ ਅਤੇ ਤੁਹਾਡੇ ਲਈ ਐਸਾ ਪ੍ਰਭਾਵ ਕੋਈ ਮਤਲਬ ਨਾ ਰੱਖੇ, ਹੋ ਸਕਦਾ ਹੈ ਤੁਹਾਡਾ ਵਿਅਕਤੀਤਵ ਹੀ ਐਸਾ ਹੋਵੇ, ਜਾਂ ਤੁਹਾਡੀ ਬਚਪਨ ਤੋਂ ਹੀ ਅਜਿਹੀ ਆਦਤ ਹੋਵੇ। ਪਰ ਫਿਰ ਵੀ ਪ੍ਰਭਾਵ ਇਹੀ ਪਵੇਗਾ। ਬਸ ਇਹੀ ਇਕ ਮੁੱਦਾ ਹੈ। ਇਹ ਗੱਲ ਸਾਰੇ 7 ਅਧਿਆਇਆਂ ਵਿਚ ਬਾਰ ਬਾਰ ਕਰਾਂਗੇ।

ਸਿਆਣੀ ਗੱਲ

ਭਾਵੇਂ ਅਸਲੀਅਤ ਵਿਚ ਕਾਰਨ ਕੁਝ ਵੀ ਹੋਵੇ, ਜਦੋਂ ਕੋਈ ਵਿਅਕਤੀ ਨਜ਼ਰ ਝੁਕਾ ਕੇ ਰੱਖਦਾ ਹੈ ਅਤੇ ਆਮ ਵਾਂਗ ਨਜ਼ਰ ਨਹੀਂ ਮਿਲਾਉਂਦਾ ਤਾਂ ਇਹ ਸਵੈ-ਭਰੋਸੇ ਦੀ ਘਾਟ ਦਾ ਚਿੰਨ੍ਹ, ਮੰਨਿਆ ਜਾਂਦਾ ਹੈ।